Ўзбекистон республикаси олий ва ўрта махсус таълим вазирлиги самарқанд давлат чет тиллар институти роман-герман филологияси факультети

2.8. Эгалик категорияси
Предметнинг уч шахсдан бирига тааллуқли эканлигини англатувчи умумий маънолар ва уларни ифода қилувчи формалар системаси эгалик категориясидир.Предметнинг уч шахсдан бирига мансублигини кўрсатувчи морфема эгалик аффикси дейилади. Эгалик аффикслари шахс маъноси билан бирга унинг (шахснинг) сонини (бирлик ёки кўплигини) ҳам кўрсатади: саволим - саволимиз каби.
Эгалик категориясининг асосий аффикслари қуйидагича:

Шахс	Бирлик	Кўплик
I	-м	-миз
II	-нг	-нгиз
III	-и	-и

Эгалик аффиксларидан I ва II шахс кўрсаткичлари унли товуш билан тугаган сўзларга, Ш шахс кўрсаткичи ундош товуш билан тугаган сўзларга қўшилганда, фонетик вариант ҳосил қилмайди: онам, аканг, китоби. Бошқа ҳолатларда эса фонетиквариантларга эга бўлади: биринчи ва нккинчи шахс аффикслари ундош билан тугаган сўзларга қўшилгинда и товуши, учинчи шахс эгалик аффикси унли билан тугаган сўзларга қўшилганда с товуши орттирилади: китобим, китобинг, китобимиз, китобингиз, онаси. Бунда и ва с товушлари фонетик талабгакўра орттирилган бўлиб, туташтириш вазифасини бажаради.

Эгалик аффикслари ва уларнинг фонетик вариантлари қуйидагича: