Ўзбекистон республикаси олий ва ўрта махсус таълим вазирлиги ўрта махсус, касб-ҳунар таълими маркази

Тақлид қилиш ва юқтириш

Бола нафақат катталарнинг хатти-ҳаракатларига тақлид қилади, балки уларнинг баҳо беришларини ҳам юқтиради. Агар катта одам овозида қўрқув билан бирор нарса ҳақида гапирса бу эмоционал ҳолат болага ҳам ўтади ва у ҳам бирор нарсадан қўрқишни бошлайди. Шу сабабли боланинг атрофидан ҳаяжонли, асабий кишиларни узоқлаштириш керак, ёки улар ўзларининг психик ҳолати билан шуғулланиши лозим. Уйда катта одам бемор бўлганида болани даволаш бефойда бўлгани каби бола атрофида эмоционал беқарор одам бўлганида болага ёрдам бериш самарасиз.
Ижобий хусусиятларни шакллантириш ва ўз-ўзини адекват баҳолашга оид тренинг машғулотлари

Машғулотнинг мақсади-ўзини ўзи таҳлил кўникмаларини ҳосил қилиш ва барча қатнашчининг салбий томонларини ҳар томонлама таҳлили.

Етакчига кўрсатма.
Ўз салбий томонларини таҳлил қилиш катта ички туйғу ва жон куярлик талаб қилганлиги учун етакчи ҳар бир қатнашчига алоҳида эътибор бериши лозим. Шунинг учун гуруҳда бир-бирига ишонч муҳитини ҳосил қилиш керак, чунки ҳар бир шахснинг маълум ҳолатини ҳис қилиш, унга илиқ сўз билан ёки ёқимли қараш орқали ёрдам бермоққа мос бўлган муҳит яратмоқ лозим.
“+арама-қарши алоқа” анкетасининг таҳлилини ўтказишни унутманг. Бунда ўзингизни салбий томонларингизни ҳикоя қилган ҳолда бошқаларни ҳам очиқ суҳбатга жалб этинг.
Машғулотнинг тахминий мазмуни
Биринчи машғулот: Мен ва тенгдошим
Ҳар бир машғулот 2 босқичдан иборат.
I-босқич. Бунда шахснинг ҳолати ва кайфияти, муносабатга киришиши, саломлашиши, болаларнинг бир-бирлари ҳақидаги тасаввурлари кенгайтирилади, асаб тизимидаги зўриқишлар халос этилади.
II-босқич. Гуруҳли мунозара, ролли ўйинлар, иштирокчиларни фрустрацияга олиб келувчи вазиятлар муҳокама қилинади. Хулқ-атвордаги ижобий ва салбий томонлар бўйича фикр алмашинади.
Ушбу тренингда иштирокчиларнинг оптимал миқдори 15-20 кишини ташкил этади.
Машқ: “Муносабат доскаси”
Машғулотдан олдин деворга бир нечта ватман қоғози маҳкамланади.
Кўрсатма: Бу ўзига хос муносабат доскаси ҳисобланади. Бу ерда тенгдошларингиз билан муомалада йиғилган ғам-аламларингизни ифодалашингиз мумкин. Белги қўйиш мумкин эмас. “ Муносабат доскаси” бир неча машғулотда сақланади.