Ўзбекистон республикаси олий ва ўрта-махсус таълим вазирлиги мирзо улуғбек номидаги

Мустаҳкамлаш учун саволлар

1. 
   Коррупция ва унинг тарихий илдизлари.
   
2. 
   Коррупциянинг демократик жамият ва инсон ҳуқуқларига таҳдид эканлиги.
   
3. 
   Ўзбекистонда “Коррупцияга қарши кураш тўғрисида”ги қонуннинг маъно-мазмуни.
   
4. 
   Коррупцияни олдини олишда ҳуқуқни муҳофаза қилиш органларининг ўрни ва роли.
   

20-мавзу:Глобаллашув ва оммавий маданият.
Режа

1. 
   Маданият ва “Оммавий маданият” тушунчаларининг мазмун-моҳияти.
   
2. 
   “Оммавий маданият” глобал маданиятнинг кўриниши эканлиги.
   
3. 
   “Оммавий маданият” га қарши кураш, шарт-шароитлари ва омиллари.
   

Маданият ва “Оммавий маданият” тушунчаларининг мазмун-моҳияти.
Маданият бу инсонларнинг ижодий фаолияти туфайли яратилган моддий ва маънавий бойликлар мажмуигина бўлиб қолмай, айни пайтда жамият тараққиётининг даражасини ҳам ифодалайди, яъни, жамиятдаги билим, мезон ва қадриятларнинг ижтимоий ҳаётда йиғиндиси маданиятда гавдаланади. Умумий бир соҳа сифатида маданиятга тизимли ёндашув бир-бирига таъсир этувчи турли маданият соҳаларининг ўзига хос хусусиятларини қисмларга бўлиб эмас, балки уларни яхлит тасаввур қилиш имкониятини беради. Моддий маданият ва маънавий маданият-маданиятнинг асосий икки соҳаси бўлиб, бир-бири билан ўзаро алоқада, ўзаро таъсирда ва бир-бирини тақазо қилган ҳолда ривожланади. Моддий маданият ҳар доим маълум бир маънавий маданиятнинг тимсоли ҳисобланади, ўз навбатда маънавий маданият ҳам қайсидир нарса, белги, тасвир, рамзларда моддий уйғунликда мужассам бўлади.
Моддий маданиятнинг маънавиятдан тарихан мантиқий айрилиғи фақат инсоният тараққиётининг бошланғич даврларигагина хосдир. Жамиятда маънавий фаолият махсус соҳага айлангач ахлоқий мезонлар, дин, санъат, ҳуқуқ, сиёсат, фан шаклланиб, маълум доирадаги кишилар бу соҳа билан шуғуллана бошлади.
Маънавий фаолиятнинг турли шакллари мавжуд бўлсада, уларнинг барчаси илк бутунлик элементлари бўлиб қолади. Фан, дин, фалсафа, санъат, ахлоқ, ҳуқуқ, сиёсат, мафкура, миллий ўзлик маънавий маданият шакллари ҳисобланади. Маданиятнинг турли функсияларини кўриш мумкин бўлади. Жумладан: