Ўзбекистон республикаси қишлоқ ХЎжалиги вазирлиги тошкент давлат аграр университети

Тадқиқотнинг предметини мева-сабзавотчилик кластерлар фаолияти ва уни бошқариш жараёнида юзага келадиган иқтисодий муносабатлар мажмуи ташкил этади.
Тадқиқотнинг усуллари. Тадқиқот жараёнида математик моделлаштириш, иқтисодий таҳлил, SWOT таҳлил, тизимли ва қиёсий таҳлил, анкета сўров, мева-сабзавотчилик кластерларни ташкил этиш ва бошқаришга тизимли ёндашув, статистик гуруҳлаш, таққослаш, таснифлаш усулларидан кенг фойдаланилган.
Тадқиқотнинг илмий янгилиги қуйидагилардан иборат:
мева-сабзавотчилик кластерларининг ташкилий асослари, бошқарув стуруктураси, иқтисодий ҳолати ҳамда уларнинг амалга ошириш воситалари ва объектларини эътиборга олган ҳолда “мева-сабзавотчилик кластери”, “кластер менежменти” тушунчаларига такомиллаштирилган муаллифлик таърифи ишлаб чиқилган;
мева-сабзавотчилик кластерларини бошқаришнинг ташкилий механизмларини такомиллаштириш йўналишлари асосланиб “Usmon Sher Shamshod” МЧЖ мева-сабзавотчилик кластери ҳамда истиқболда Агрокластерларни ривожлантириш давлат қўмитасининг таркиби ва бошқарув тузилмаси ишлаб чиқилган;
ҳамкорликдаги (кластер, агробанк, фермер, деҳқон хўжаликлари, минерал ўғитлар ва кимёвий воситалар линиялари, ёқилғи мойлаш шаҳобчалари) ва субъект сифатидаги функционал (логистика марказлари, суғурта компаниялари, ОТМ, ИТИлар, лизинг компаниялари) хусусиятларини ўзида акс эттирувчи мева-сабзавотчилик кластерларни бошқаришнинг ҳамкорлик матрицаси ишлаб чиқилган;
мева-сабзавотчилик тармоғининг ривожига таъсир этувчи омилларни ҳисобга олган ҳолда мева-сабзавот етиштириш ҳажмини оширишга қаратилган 2022-2037 йилларга мўлжалланган прогноз кўрсаткичлари ишлаб чиқилган.
Тадқиқотнинг амалий натижалари қуйидагилардан иборат:
- мева-сабзавотчилик кластерларни фаолиятини ташкил этиш ва улар бошқариш йўналишлари асослаб берилган;
- ҳозирги давр учун агрокластер тушунчасининг таърифланиши бўйича муаллифлик ёндашуви ишлаб чиқилган;
- мева-сабзавотчилик кластерларида бизнес-жараёнлари илмий асосланган, иқтисодий салоҳиятни бошқариш самарадорлигини ошириш бўйича тавсиялар берилган;
- ташкил этилган кластернинг кучли ва заиф томонларини аниқлаш бўйича тадқиқотлар олиб борилган, улар фаолиятини такомиллаштириш бўйича стратегиялар илмий асосланган;
- бозор иқтисодиётидаги кескин рақобат муҳити шароитида агрокластерларни ривожлантириш стратегияларини шакллантириш бўйича илмий-амалий тавсиялар ишлаб чиқилган.