Ўзбекистон республикаси қишлоқ ХЎжалиги вазирлиги тошкент давлат аграр университети

Тадқиқотнинг республика фан ва технологиялари ривожланишининг устувор йўналишларига мослиги. Диссертация мавзуси республика фан ва технологиялар тараққиётининг I. «Демократик ва ҳуқуқий жамиятни маънавий-ахлоқий ва маданий ривожлантириш, инновацион иқтисодиётни шакллантириш» устувор йўналишига мувофиқ бажарилган.
Муаммонинг ўрганилганлик даражаси. Мева-сабзавотчилик соҳасини илмий ва назарий услубиёти ҳамда ташкилий-иқтисодий механизмларини такомиллаштириш, бозор иқтисодиёти шароитида мева-сабзавотчилик кластерларини ривожлантириш, тизимни самарали бошқариш механизмини такомиллаштириш, соҳани интенсив ва инновацион технологиялар асосида ривожлантиришдаги бир қатор муаммолари бўйича мамлакатимиз ва хорижий давлатлар иқтисодчи олимлари турли йўналишда илмий-тадқиқот ишларини олиб боришган. Жумладан, хорижий давлат олимлари: M.E.Porter, J.H. Trienekens, R.A. Stanley, J.Mutura, N.Nyairo, M.Mwangi ва Wambugu, M.Mehdi, B.Ahmad, A.Yaseen, A.Adeel, N.Sayyed¹ мева-сабзавотчилик кластерларини ривожлантириш ва бошқаришда МДҲ давлатлари олимларидан: Е.Б.Фалькович, Д.А. Котляров, Т.В.Цихан, А.С.Хухрин, О. А.Аничкина, Г.Б.Клейнер, Р.М.Качалов², В.В.Митенев, О.Б.Кирик, Н.Балашова С.А.Эрнст, Г.Азоев В.Н.Иванов. В.В.Пальцев З.Н.Буржалиева. Ш.Рахими. А.Ю.Сачкова, Р.А.Каримов³ ва бошқалар илмий изланишлар олиб борган, ҳамда мамлакатимизнинг етакчи иқтисодчи олимлари Қ.Ҳ.Абдураҳмонов, Ё.А.Абдуллаев, Ш.Н.Зайнутдинов, М.Ш.Шарифхўжаев, С.С.Ғуломов, Б.А.Акрамов, Б.Беркинов, Ф.Назарова, К.А.Насирова, Р.Х.Ташматов, В.И.Талибжанова, Ў.П.Умурзоқов, Т.Х.Фармонов, Н.С.Хушматов, Р.Ҳ.Ҳусанов¹, Ч.Муродов, Ш.Ҳасанов, М.Муродова, Б.Зарипов, М.А.Рахматов, Д.М.Қурбонова, Р.Хакимов² лар томонидан ўз илмий ишларида иқтисодиётнинг турли соҳа ва тармоқларини бошқаришнинг назарий ва услубий асослари ҳамда қишлоқ хўжалиги соҳасида тадбиркорлик фаолиятини бошқаришни такомиллаштиришга қаратилган тадқиқотлар олиб борилган.
Шу билан биргаликда таъкидлаш лозимки, Ўзбекистонда мева-сабзавотчилик кластерларини ташкил этиш, ҳозирги кунда мева-сабзавот кластерларини бошқаришнинг ташкилий-иқтисодий асосларини асослаш, кластерлар билан ҳамкорликда фаолият олиб борувчи субъектлар ўртасидаги ўзаро муносабатлар жараёнида юзага келадиган муаммолар мажмуавий тадқиқ этилмаганлиги боис, ташкилий, таъминот масалаларининг тўла ўрганилмаганлиги тармоқни ривожлантириш ва самарадорлигини ошириш зарурлигини тақозо этади ҳамда тадқиқот мавзусини долзарблигини белгилайди.