Ўзбекистон Республикаси Халқ таълими вазирлигининг 2011 йил

Ўзбекистон Республикаси Халқ таълими вазирлиги ҳузуридаги
Халқ таълими ходимларига узлуксиз методик хизмат кўрсатиш

ишларини мувофиқлаштириш Кенгаши тўғрисида

НИЗОМ

Мазкур Низом Ўзбекистон Республикасининг “Таълим тўғрисида”ги қонуни ва “Кадрлар тайёрлаш миллий дастури” асосида Республика халқ таълими тизимида амалга оширилаётган узлуксиз методик хизмат жараёнини, таҳлилий ишларни амалга ошириш, ривожлантиришга оид чора-тадбирлар ишлаб чиқиш ва бажарилишини назорат қилиш, таълим муассасалари раҳбарлари ва педагогларнинг касбий маҳоратини ошириш ишларини мувофиқлаштириш татибини белгилайди.

I. Умумий қоидалар

1. 
   Ўзбекистон Республикаси Халқ таълими вазирлиги ҳузурида “Халқ таълими ходимларига узлуксиз методик хизмат кўрсатиш ишларини мувофиқлаштириш” Кенгаши (кейинги ўринларда Кенгаш) халқ таълими тизимида амалга оширилаётган узлуксиз методик хизмат жараёнини таҳлил қилиш, аниқланган камчиликларни бартараф этишга оид чора-тадбирлар ишлаб чиқиш ва унинг бажарилишини назорат қилиш мақсадида фаолият кўрсатади .
   
2. 
   Кенгаш ўз фаолиятини Ўзбекистон Республикаси Конституцияси ва қонунлари, Ўзбекистон Республикаси Президентининг қарор, фармон ва фармойишлари, Ўзбекистон Республикаси Вазирлар Маҳкамасининг қарорлари, Халқ таълими вазирлигининг қарор ва буйруқлари ҳамда мазкур Низомга амал қилган ҳолда юритади.
   

3. Кенгашга масалалар тайёрлаш, Республикадаги узлуксиз методик хизматнинг амалга оширилишини таҳлил қилиш ва мониторингини олиб бориш учун Республика таълим маркази (ходимлари орасидан) штатидан масъул котиб белгиланади.

II. Мувофиқлаштириш кенгашининг асосий вазифалари

4. Кенгаш халқ таълими тизимида узлуксиз методик хизматни ташкил этиш йўналишларини белгилайди ва уларнинг амалга оширилишини мувофиқлаштиради.

5. Республикадаги узлуксиз методик хизмат кўрсатишнинг истиқбол дастурларини тасдиқлашга тавсия этади.
6. Давлат таълим стандартлари талабларининг (давлат талаблари) бажарилиши учун зарур бўлган ўқув-методик мажмуалар ва бошқа таълим воситалари билан таъминланишини таҳлил қилади, мавжуд муаммоларни ҳал этиш юзасидан зарурий чора-тадбирлар белгилайди уларнинг амалга оширилишини назорат қилади.
7. Қорақалпоғистон Республикаси Халқ таълими вазирлиги, вилоятлар ва Тошкент шаҳар халқ таълими бошқармаси ҳузуридаги Методик хизматни мувофиқлаштириш кенгашларига амалий ёрдам кўрсатади.
8. Республика Таълим маркази, Т.Н.Қори Ниёзий номидаги Ўзбекистон Педагогика фанлари илмий-тадқиқот институти, А.Авлоний номидаги халқ таълими ходимларини қайта тайёрлаш ва малакасини ошириш марказий институти, Мактабгача муассасалар ходимларини қайта тайёрлаш ва малакасини ошириш Республика ўқув-методика маркази, Ўқувчиларни касб-ҳунарга йўналтириш ва психологик–педагогик Республика ташхис маркази томонидан мазкур Марказ Низомида белгиланган асосий вазифаларнинг бажарилишини назорат қилади, улар фаолиятини мувофиқлаштиради ва йўналтириб боради. Методик хизматни такомиллаштириш юзасидан киритилган масалаларни ҳар чоракда муҳокама қилиб, тегишли тадбирлар белгилайди ва уларнинг бажарилишини назорат қилади.
9. Узлуксиз методик хизматга оид ўқув-семинарлар, конференциялар, кўрик-танловлар ўтказишга оид Халқ таълим вазирлигига таклифлар билан чиқади.
10. Зарур ҳолларда яратилган методик қўлланмаларнинг мазмунини ўрганиш ишларини ташкил этади ва йиғилишда муҳокама натижаси якуний хулоса беради.
11. Методик ишларга оид тайёрланган меъёрий ҳужжатларни бўйича кенгаш муҳокамасидан ўтказади ва тасдиқлаш учун таклиф беради.
12. Ҳар чорак якунида узлуксиз методик хизмат фаолиятига оид маълумотлар тайёрлайди, таҳлил қилади ва такомиллаштириш режасини белгилайди.