Ўзбекистон республикаси адлия вазирлиги тошкент давлат юридик институти шорахметов шоакбар шорустамович

309²-м о д д а. Ҳакамлик судининг ҳал қилув қарори билан
боғлиқ ишларни кўриш тартиби


Судлар ушбу Кодекснинг 309¹-моддасида санаб ўтилган иш­ларни ушбу Кодекснинг 35¹-35³-бобларида кўрсатилган истисно ва қўшимчалар билан биргаликда фуқаролик судлов ишлари­ни юритишнинг умумий қоидаларига биноан кўриб чиқади.


1. Мазкур модда ҳакамлик судининг қарори билан боғлиқ ишларнинг муҳокамасини тартибга солувчи меъёрларни кўрсатиб беради. Мазкур тоифадаги ишлар бўйича судда иш юритиш Ўзбе­кистон Республикаси Фуқаролик процессуал кодексида белгилан­ган қоидалар бўйича олиб борилади. Агар 35¹-35³-бобларда бошқа қоидалар назарда тутилган бўлса, унда тегишли равишда ушбу қоидалар қўлланилади.
Юқорида қайд этилган бобларда:
ариза бериш муддатлари ва тартиби;
бериладиган аризаларнинг шакли ва мазмуни;
берилган аризаларнинг фуқаролик ишлари бўйича судида кўриб чиқиш тартиби;
ҳакамлик судининг ҳал қилув қарорини мажбурий ижро этиш учун ижро варақаси беришни рад қилиш ёки бекор қилиш учун асослар;
ҳакамлик суди ҳал қилув қарорини бекор қилиш тўғрисидаги аризани қаноатлантириш (қаноатлантиришни рад қилиш), ҳакамлик судининг ҳал қилув қарорини мажбурий ижро этиш учун ижро варақаси бериш тўғрисида ажрим чиқариш тартиби, шунингдек уларнинг шакли ва мазмуни каби масалалар белгилаб берилган.
Бироқ, 35¹-35³-бобларда ҳакамлик суди ҳал қилув қарори билан боғлиқ бўлган ишларни кўриб чиқиш жараёнида юзага келадиган масалалар акс эттирилмаган, масалан, мазкур бобларда ишда ишти­рок этувчи шахсларнинг ҳуқуқ ва мажбуриятлари, суд муҳокамаси залидаги тартиб, баённома юритишнинг мажбурий тартиби ва бошқа ҳолатлар белгилаб берилмаган. Мазкур ҳолатларда биринчи инстанция судида иш юритиш Ўзбекистон Республикаси Фуқаро­лик процессуал кодексининг умумий нормаларига асосланган тартибда юритилади.


309³-м о д д а. Суднинг ажримлари устидан шикоят бериш