Ўзбекистон республикаси адлия вазирлиги тошкент давлат юридик институти шорахметов шоакбар шорустамович

256-м о д д а. Даъвони таъминлаш тўғрисидаги ажримлар
устидан шикоят қилиш


Даъвони таъминлаш тўғрисидаги ажрим устидан хусусий шикоят берилиши ёки хусусий протест келтирилиши мумкин.
Агар даъвони таъминлаш тўғрисидаги ажрим шикоят берган шахсни хабардор қилмаган ҳолда чиқарилган бўлса, шикоят бериш муддати ажримнинг нусхаси топширилган ёки шикоят берган шахсга суд ажрими маълум бўлган кундан эътиборан ҳисобланади.


1. Манфаатдор шахс даъвони таъминлаш тўғрисидаги ажрим устидан хусусий шикоят юборишга, прокурор хусусий протест келтиришга ҳақли.
Ишда иштирок этувчи шахсларни интизомга чақиришга ва қонунларга риоя қилиш мақсадида даъвони таъминлаш тўғрисидаги ажримлар устидан шикоят қилиш муддат билан белгиланган. Умумий қоидага кўра ажримлар устидан судьяга шикоят бериш учун ўн кун қатъий муддат ўрнатилган бўлмаса-да, бироқ мазкур қонунда даъвони таъминлаш тўғрисидаги ажрим шикоят берган шахс (жавобгар)ни хабардор қилинмасдан чиқарилган тақдирда, муддатни ҳисоблаш ажримнинг нусхаси топширилган кундан бошлаб белгиланиши, бошқа ҳолларда эса, масалан, манфаатдор шахсга суд ажрими маълум бўлган кундан эътиборан хусусий ши­коят (протест) келтиришга ҳақли эканлигига аҳамият бериш лозим.
Бундай қоидани киритиш фуқаро ва юридик шахсларнинг қонун билан кафолатланган ҳуқуқларини ҳимоя қилишга қара­тилган тадбир бўлиб ҳисобланади.
2. Умумий қоидага кўра хусусий шикоят, хусусий протест даъ­вони таъминлаш чораларини белгиланган суд орқали апелляция су­дига берилади. Даъвони таъминлаш чораларини бекор қилиш ҳақи­да манфаатдор шахс томонидан апелляция судига берилган шикоят ишни кўриш учун тўсқинлик қилмаслиги керак, деган фикрдамиз.
Даъво таъминлаш тўғрисидаги ажримлар устидан хусусий ши­коят қилиш, хусусий протест келтириш муддатини ўтишини суд узурли деб топган ҳолларда уни тиклаш масаласини ҳал этиш мумкин.


257-м о д д а. Даъвони таъминлаш тўғрисидаги ажрим
устидан шикоят бериш ёки протест келтириш
оқибатлари