Ўзбекистон республикаси адлия вазирлиги тошкент давлат юридик институти шорахметов шоакбар шорустамович

254-м о д д а. Даъвони таъминлашни бекор қилиш


Даъвони таъминлаш чоралари ишни кўраётган суд томо­нидан бекор қилиниши мумкин.
Даъвони таъминлашни бекор қилиш масаласи ишда ишти­рок этаётган шахслар хабардор қилинган ҳолда суд мажлисида ҳал этилади. Бироқ, бу шахсларнинг келмаслиги даъвони таъминлашни бекор қилиш масаласини кўриб чиқиш учун тўсқинлик қилмайди.
Ҳакамлик судининг даъво талабларини қаноатлантиришни рад этиш ҳақидаги ҳал қилув қарори даъвони таъминлаш чоралари суд томонидан бекор қилиниши учун асос бўлади.


1. Агар муқаддам даъвони таъминлаш мақсадида ишда ишти­рок этувчи шахсларнинг аризаси ёки суднинг ташаббуси билан чиқарилган ажримга кўра, тасарруф қилиш тақиқланган мол-мулк, пул суммаси ёки бошқа буюмларга нисбатан суднинг ҳал қилув қарорининг ижросини қийинлаштириш ёки уни бажариб бўлмас­лиги ҳақидаги шубҳалар, хавотирлар йўқолгандан кейин даъвони таъминлаш чорасини кўрган суд уни бекор қилиш масаласини ҳал этиши мумкин.
Даъвони таъминлашни бекор қилиш масаласи жавобгарнинг ёки ишда иштирок этувчи бошқа шахсларнинг илтимоси, шунинг­дек, суднинг ташаббуси билан кўриб бу ҳақда ажрим чиқаради.
Даъвони таъминлаш чоралари суд ҳал қилув қарори қонуний кучга киргунга қадар сақланиши мумкин. Даъвогарнинг бундай талаблардан воз кечган ҳолларида даъвони таъминлаш чораларини бекор қилиш олдинроқ ҳам кўриб чиқилиши мумкин.
Иш юритишни тугатиш, аризани кўрмасдан қолдириш билан боғлиқ бўлган чоралар суднинг ажрими қонуний кучга киргунга қадар сақланади. Бундай ҳолларда суд даъвони таъминлаш чорала­рини бекор қилиш ҳақидаги ажримни иш бўйича иш юритишни тугатиш, аризани кўрмасдан қолдириш ҳақидаги ажрим билан бир вақтда, шунингдек алоҳида ажрим чиқариш мумкин.
Иш юритишни тўхтатиш тўғрисидаги ишлар бўйича даъвони таъминлашни бекор қилиш чораларини кўриш мақсадга мувофиқ бўлмайди, чунки бундай ҳолат узоққа чўзиладиган ҳаракатлар бўлиши назарда тутилган.
2. Даъвони таъминлашни бекор қилиш масаласи иш кўрган суд томонидан, шунингдек, юқори судлар томонидан ҳам бекор қилиниши мумкинлигига эътибор бериш керак.