«Ўзбекистон давлати ва ҳУҚУҚи асослари» (8-синф) дарслиги бўйича саволлар ва жавоблар

Давлат хизматлари марказлари қандай мақсадларда ташкил қилинган?

Жавоб: Ўзбекистон Республикаси Президенти томонидан илгари сурилган «Халқ давлат идораларига эмас,давлат идоралари халқимизга хизмат қилиш керак» деган улуғвор ғояни амалга ошириш учун Ўзбекистон Республикаси Адлия вазирлиги ҳузурида Давлат хизматлари агентлиги ва унинг ҳудудий бўлинмалари ташкил этилган. «Ягона дарча» тамойили асосида уй-жойлардаги сув таъминоти, канализация, иссиқлик таъминоти, якка тартибда уй-жой қуриш учун рухсатнома олиш, турар жойи бўйича рўйхатга олиш (прописка), рўйхатдан чиқариш, турли архив маълумотномалари (патентлар), гувоҳномалар ва расмий ҳужжатлар дубликатларини олиш каби хизматлар кўрсатилмоқда. Натижада Давлат хизматлари марказлари аҳолининг вақт ва харажатларини камайтириш мақсадида ягона жой сифатида ташкил этилди.

190. 
     Адвокатура қандай орган, унинг вазифаларини айтиб беринг.
     

Жавоб: «Адвокат» лотинча сўз бўлиб, «ҳимоячи», «оқловчи» деган маънони билдиради. Адвокатура – ҳуқуқий институт бўлиб, у адвокатлик фаолияти билан шуғулланувчи юридик шахслар ҳамда хусусий адвокатлик амалиёти билан шуғулланувчи айрим жисмоний шахсларнинг мустақил, кўнгилли, касбий бирлашмаларини ўз ичига олади. Адвокатура Ўзбекистон Республикаси Конституцияси ҳамда «Адвокатура тўғрисида»ги қонунга мувофиқ Ўзбекистон Республикаси фуқаролари, ажнабий фуқаролар, фуқаролиги бўлмаган шахсларга, корхоналар, муассасалар, ташкилотларга юридик ёрдам кўрсатади. Олий юридик маълумотга эга бўлган ва адвокатлик фаолияти билан шуғулланиш ҳуқуқини берувчи лицензияни белгиланган тартибда олган Ўзбекистон Республикасининг фуқароси Ўзбекистон Республикасида адвокат бўлиши мумкин. Белгиланган тартибда муомалага лаёқатсиз ёки муомала лаёқати чекланган деб топилган, шунингдек судланганлик ҳолати тугалланмаган ёки судланганлиги олиб ташланмаган шахсларнинг адвокатлик фаолияти билан шуғулланишига йўл қўйилмайди. Адвокат ҳакамлик судларида ҳам фаолият юритади. Адвокатлик фаолиятини лицензиялаш тартиби Ўзбекистон Республикаси Вазирлар Маҳкамаси томонидан белгиланади. Қонунга кўра адвокатлар қуйидаги турдаги юридик хизматларни кўрсатадилар: юридик масалалар бўйича маслаҳат бериш ва тушунтириш, қонунлар бўйи ча оғзаки ва ёзма маълумотлар бериш; фуқаролик ҳамда маъмурий ҳуқуқбузарлик ишлари бўйича суд ва давлат органларида вакиллик вазифасини бажариш; дастлабки тергов ва судда жиноят ишлари бўйича ҳимоячи, жабрланувчилар, фуқаролик ишлари бўйича давогар ва жавобгарларнинг вакиллари сифа тида қатнашиш ва ҳоказо.

191.