«Ўзбекистон давлати ва ҳУҚУҚи асослари» (8-синф) дарслиги бўйича саволлар ва жавоблар

«ЎЗБЕКИСТОН ДАВЛАТИ ВА ҲУҚУҚИ АСОСЛАРИ»
(8-СИНФ) ДАРСЛИГИ БЎЙИЧА САВОЛЛАР ВА ЖАВОБЛАР

1. 
   Мустақил давлат қандай ҳуқуқларга эга бўлади?
   

Жавоб: Мустақил давлат деганда қуйидаги ҳуқуқларга эга бўлган давлат тушунилади:

• 
  дахлсизлик, ўз ҳудудига ва чегарасига эгалик ҳуқуқи;
  
• 
  шахсларни фуқароликка қабул қилиш ва фуқароликдан маҳрум этиш ҳуқуқи;
  
• 
  ўз Конститусияси, кодекслари ва қонунларини қабул қилиш ҳуқуқи;
  
• 
  қонун чиқарувчи, ижро этувчи ва суд ҳокимиятларининг фаолиятини йўлга қўйиш ҳуқуқи;
  
• 
  ўз Қуролли Кучларини ташкил қилиш ҳуқуқи;
  
• 
  халқаро ҳуқуқ субъекти сифатида хорижий мамлакатлар билан мустақил равишда алоқалар ўрнатиш ҳуқуқи;
  
• 
  ўз мулкига эгалик, бюджет, солиқ ва молия тизимларини ташкил қилиш ҳуқуқи;
  
• 
  ўз хазинаси ва пул бирлиги – миллий валутасини жорий қилиш ҳуқуқи;
  
• 
  ўз суд тизимини ташкил қилиш ва суд ишларини мустақил юритиш ҳуқуқи;
  
• 
  ўз герби, байроғи, мадҳияси ва пойтахтига эга бўлиш ҳуқуқи;
  
• 
  давлат тилига эгалик ҳуқуқи;
  
• 
  ўз тараққиёт йўлини, ўз номини, ўз маъмурий тузилишини ўзи белгилаш ҳуқуқи.
  

2. 
   Юртимизда сўнгги йилларда амалга оширилаётган ислоҳотларнинг бош ғояси – мақсади нимадан иборат?
   

Жавоб: Юртимизда сўнгги йилларда амалга оширилаётган ислоҳотларнинг бош ғояси – мақсади бу инсон манфаатларини давлатимиз фаолиятининг марказига олиб чиқиш ғоясидир. Фуқароларнинг ҳуқуқлари, эркинликлари ва қонуний манфаатларини ҳар нарсадан устун билиш ҳамда уларни таъминлаш лозим. Давлат халқ иродасини ифода этиб, унинг манфаатларига хизмат қилади. Давлат органлари ва мансабдор шахслар жамият ва фуқаролар олдида масъулдирлар. Халқ давлат идораларига эмас, давлат идоралари халққа хизмат қилиши керак.

3.