Video: Ja si I përshëndet fansat Ballist Morina pas lirimit nga burgu

(KUJDES! PAMJE TË SIKLETSHME) Ky piton tentoi të hante dy gjela, por preja i mbeti në fyt.

Gjarpri rrëmbeu gjelat pasi hyri në një kopsht në provincën Chachoengsao në Tajlandë gjatë natës, shkruan sot “Daily Mail”.

Pronari zemërthyer, 39-vjeçari Rungsiam Sion, e gjeti gjarprin e ngordhur të nesërmen në mëngjes, bashkë me dy gjelat.
Foto/ Gati për jetën postpresidenciale. Sasha Obama punon si...
BBC raporton se Sasha Obama, vajza e Presidentit të SHBA-së Barak Obama, ka lënë pas komfortin e Shtëpisë së Bardhë për të filluar punë në një restorant ushqimesh deti.

15-vjeçarja ka filluar si punë verore shërbimin e ushqimeve të detit, në një biznes në zonën e Marta Viniard në Masaçusets.

Sasha e cila po përdor emrin e plotë Natasha, është shoqëruar në punë nga një kontigjent prej 6 agjentësh të sigurisë. Në fakt, zona në fjalë ka qenë gjithmonë një destinacion i preferuar nga familja presidenciale për pushimet e verës.

Fotot e shkrepura tregojnë sesi vajza më e re e Presidentit Obama, vesh një uniformë të restorantit që është një bluzë blu dhe një kapele dhe punon pa u ndalur.

Një koleg i Sasha, tha për mediat amerikane se, ajo po punonte tek sesioni i shpërndarjes. “Dhe ne që pyesin veten se pse ishin 6 burra që po e ndihmonin atë vajzë, por më pas ne e kuptuam kush ishte ajo”,- është shprehur ai.

Shtëpia e Bardhë nuk ka bërë asnjë koment, por burimet thonë se, është Zonja e Parë Mishel Obama, ajo që kërkon ti rrisë vajzat e saj në mënyrë sa më normale të mundëshme.

Gjithashtu thuhet se, detyra e Sasha Obamaës përveç se tek sesioni i shpërndarjes, janë edhe shërbimi në tavolina dhe përgatitja e restorantit për sesionin e drekës.

Skuadra e saj e sigurisë ndërkohë është ulur dhe ka pritur pak më larg, ndërsa Vajza e Parë merrej me vaktet e turistëve.

“Degradimi i Edvinit, s’është mbrojtje për Fatmir e Agron Drogën”
Nga Sali Berisha

“Te dashur miq, me nje pamflete te shkruajtur me fjalor koprolalik, deshmi e degradimit te plote psiqik dhe te parikthyeshem te njeriut, Edvin Shullazi sulmon mua dhe merr ne mbrojtje trafikantin nderkombetar Agron Xhafa, vella i Fatmir Xhafes, te cilit Rama i ka fshehur kerkesen per ekstradim nga Venezuela si supertrafikant. Une jam edhe mjek dhe nuk kam ndermend ti pergjigjem fjalorit te degraduar te nje te semuri psiqik, pavaresisht se ai mban postin e kryeministrit.

Nuk kam ndermend t'i jap ndonje pergjigje civile pasi fyerjet e tij me nderojne, dhe aq me pak me ndonje shprehje shqiptarçe si: "mbaji per vete"apo "futi nga i ke nxjerre" ose "çoja atij apo asaj" qe ti ka mesuar keto fjale. Jo! Te semurit psiqik te degraduar duhet t'i hapesh rrugen nese nuk do te imitosh ate dhe te dukesh si ai. Por ne rast se Rama ka share si nje i semure psiqik, vetem e vetem se eshte peshuar ne kandar me 1.3 milione euro per te fshehur, siç kane shkruajtur mediat, kerkesen per ekstradim nga Venezuela te Agron Xhafes, vellait te Fatmir Xhafes, kjo eshte çeshtje e tij dhe nuk ndryshon asgje. Me kete ai vetem se ka faktuar thelbesisht ato qe une e kam akuzuar.

I sfazuar nga semundja ai nuk arrine te kuptoje se trafiqet kriminale, droga, larja e parave te krimit nuk mbulohen dot as me te gjitha sharjet, as dhe me fjalorin koprolalik te te gjithe skizoideve te pa mjekuar, apo halabakeve te kesaj toke! Po shtoj ketu se per njeriun tend te ndershem Agron Xhafa dhe vellain e Fatmir Droges, jo Rilindja Demokratike por vet gazeta e Bolinos tend te dashur informon shqiptaret me dt. 8 mars ne shkrimin e saj me titull: "Trafiku i Droges, raport nga Venezuela per vellezerit Murataj" shkruan se Gjykata e Larte e Venezueles ka gjetur se:

- Agron Xhafaj, njeriu i yt i ndershem apo qe ka blere ndeshmerine e tij tek ti me 1.3 milione euro dhe vellai i plote i Fatmir Droges ishte anetar i nje rrjeti nderkombetar te trafikut te drogave te perbere nga shqiptare, polake, italiane, kanadeze, amerikane dhe ka kerkuar ekastrdimin e tyre dhe se,

- Agron Xhafa (ndertues pallatesh dhe pronar i kompanise se lojrave te fatit Apex, se bashku me familjaret e tu me te afert, qe mbajten me Xhafen e droges 8 muaj ne parlament ligjin e lojrave te fatit, sipas kesaj gjykate por edhe gjykates italiane ka qene ring-lider pra drejtues i rrjetit per shperndarjen e droges ne Bolonja te Italise, te cilen e merrte nga trafikanti Fadil Papa.

- Po keshtu Gjykata e Leçes ka gjetur se Agron Xhafa, vellai i Fatmir Droges dhe njeriu i yt i ndershem, pasi te ka paguar parate per te mos e ekstraduar dhe ortaku i njerezve te tu me te afert ne kompanine e bixhozit, pra te mekatit, ishte lidhje edhe e polakut Tomasz Piekarniak te denuar me 9 vjet heqje lirie nga kjo gjykate dhe se fundi

- Autoritet italiane kane nxjerre urdher arresti me burg per Agronin tend te ndershem, vellaçkon e Fatmir Droges dhe 15 persona te tjere, listen e te cileve e ka botuar Bolinua yt ne gazeten e tij me dt 8 mars 2014.

E verteta eshte se te gjitha keto bazohen ne dokumenta zyrtare te gjykatave te Italise dhe Venezueles. Por me sa duket botimi i shkrimit nga Bolua eshte bere si shantazh para pageses se plote prej 1.3 milione euro, qe thuhet se duhet te te bente per fshehjen e urdher arrestit njeriu i yt i ndershem Agron Xhafa, vellai trafikant i Fatmir Droges, bashkepronar me Fatmirin i pallateve te ndertuara me parate e krimit dhe ortak i familjareve te tu me te afert ne bixhozin e larjes se parave te droges!

Ketu me poshte keni linkun e artikullit te plote te botuar nga Bolino i njohur si "Kemisha mediatike e Rames". Sb.

http://shqiptarja.com/…/trafiku-i-drog-s-raport-nga-venezue…
Mbillte kanabis në dhomën e gjumit. Dënohet me burg shqiptari në Angli. Ja emri
Një shqiptar, i cili qëndronte ilegalisht në Britani është dënuar me 10 muaj burg nga një gjykatë në Leicester pasi u kap me 84 bimë kanabisi në një banesë të improvizuar si laborator drogë.

28-vjeçari Ermir Pitomina u shpall fajtor për prodhimin droge të “klasit B” në një shtëpi në Asfordby, pranë Melton, në 5 korrik. Edhe ai vetë jetonte në atë banesë.

Shqiptari e përdorte dhomën e ngrënies, dy dhoma gjumi dhe papafingon për prodhimin e kanabisit.

Bimët mund të prodhonin rreth 7 kg drogë që mund të sillte fitime në rrugë rreth 70.000 paund, raportojnë sot mediat lokale.

Vdekja e turistit rus në det, zbardhet dëshmia e djalit të biznesmenit

Turisti rus, Denis Kaiumov që humbi jetën në një aksident të ndodhur në det në Livadh të Himarës ndodhej për pushime në vendin tonë prej 15 ditësh.

43-vjeçari me bashkëshorten dhe vajzën kishin vizituar vende të ndryshme në jug të Shqipërisë dhe të mërkurën kishin vendosur për të pushuar në Himarë.

Në mesditë rreth orës 11:30 ata kishin vendosur të largoheshin nga plazhi. Kaiumov ka hyrë në det të notojë ndërsa bashkëshortja e tij me vajzën janë nisur me kembe per ne shtepine e tyre te pushimit.

Ky moment ka qene edhe kontakti i fundit i familjareve te tij me te ndjerin deri sa jane njoftuar nga shoqeruesja e tyre E.D. për ngjarjen e ndodhur dhe se familjari i tyre ndodhej ne Spitalin e Vlorës.

Në Spitalin e Himarës janë konstatuar plage si ato prerëse ne pjesën e shpinës dhe pjesët anësore te trupit si dhe dëmtime te llojeve te tjera në shpinë dhe gjymtyrët e poshtme në trupin e turistit rus.

Ka qenë biznesmeni Fatmir Kuçi, ai i cili ka transportuar 43-vjeçari për në spital. Kuçi i cili dyshohet se ka aksidentuar turistin rus, ka deklaruar se kishte dale për xhiro me skafin e tij duke pohuar se e ka gjetur rastësisht ne det rusin e aksidentur.

Nga hetimet, ne kuverten e skafit, ndermjet sediljes dhe motorreve te mjetit lundrues, eshte konstatuar nje kasete, ne kendin e siper te krahut te djathte te se ciles, jane konstatuar njolla me ngjyre kafe dhe te kuqe, si ato te gjakut te mpiksur.

Serish ne kuverten e skafit, ndermjet motorrit te majte dhe kasetes se mesiperme, jane konstatuar njolla te tjera me ngjyre te kuqe si ato te gjakut te mpiksur, te cilat jane marre ne cilesine e proves per ekzaminime te metejshme.

Lidhur me keto njolla gjaku, shtetasi Fatmir Kuci ka sqaruar se ato jane lene ne momentin qe ka gjetur te demtuar viktimen dhe e ka hypur ne bordin e skafit te tij per ta cuar drejt bregut dhe per ti dhene ndihmen mjekesore.

Por, pavarësisht pretendimeve të biznesmenit, Prokuroria thotë se ka të dhëna të mjaftueshme për të vlerësuar se ndodhemi përpara elementëve të figurës të veprës penale të “Vrasja nga pakujdesia”.

Njoftimi i Prokurorisë:

Ne datën 03.08.2016 ora 21.00 eshte bere arrestimi ne flagrance i shtetasit Flamur Kuci, pasi dyshohet se me daten 03.08.2016 rreth ores 11.30 ne vendin e quajtur Livadh bashkia Himare ne det disa metra larg bregut me mjetin e tij lundrues skaf ka aksidentuar ne det shtetasin e huaj Denis Kaiumov, i datëlindjes 1973 banues ne Shen Peterburg Rusi,i cili ka gjetur vdekjen për shkak te plagëve te marra.

Nga hetimet ka rezultuar se viktima prej disa ditësh qëndronte si pushues ne Himare se bashku me familjen e tij, bashkëshorten dhe vajzen, prej rreth 15-ditesh. Ata frekuentonin plazhe te ndryshme ne zonat përreth Himares. Me date 03.08.2016 kjo familje ishte duke frekuentuar plazhin ne vendin e quajtur Livadh dhe rreth ores 11:15 kane vendosur te largohen nga plazhi ne fjale.

Shtetasi Denis Kaiumov ka hyre ne det te notoje ndersa bashkëshortja e tij me vajzën jane nisur me kembe per ne shtepine e tyre te pushimit. Ky moment ka qene edhe kontakti i fundit i familjareve te tij me te ndjerin deri sa jane njoftuar nga shoqeruesja e tyre E.D. për ngjarjen e ndodhur dhe se familjari i tyre ndodhej ne Spitalin e Vlorës.

Me mbërritjen e viktimës ne Spitalin e Himares, është bere kqyrja fizike e jashtme e trupit ku janë konstatuar plage si ato prerëse ne pjesën e shpinës dhe pjesët anësore te trupit si dhe dëmtime te llojeve te tjera ne shpine dhe gjymtyrët e poshtme.

Menjëherë pas kësaj viktima është transportuar per ne morgun e spitalit rajonal Vlore dhe me pas për ne morgun e Institutit te Mjekësisë Ligjore Tirane. Gjithashtu ka rezultuar se personi qe ka qene i pari qe ka konstatuar ngjarjen dhe transportuar viktimën ne Spitalin e Himares eshte shtetasi Fatmir Kuci me mjetin e tij lundrues motoskaf.

Ne pohimet e para ky shtetas ka treguar se ndodhej prej disa ditesh per pushime ne Himare se bashku me familjen dhe kishte dale për xhiro me skafin e tij qe eshte edhe mjeti me te cilin dyshohet se ka aksidentuar viktimën ne det, duke mohuar faktin qe te jete ai personi qe e aksidentoi dhe duke pohuar se e ka gjetur rastësisht ne det ne ate gjendje. Ai gjithashtu ka pohuar se prane tij ne ato momente ka patur edhe mjete te tjera lundruese dhe pas tij ka qene edhe nje mjet gomone te cilit i ka bëre me shenje dhe personi qe e drejtonte gomonen ka qëndruar paralel me skafin dhe një person nga bordi i i gomones është hedhur ne det bashke me shtetasin Fatmir Kuci, duke e hipur ne skafin e këtij te fundit dhe janë nisur ne drejtim te bregu te detit.

Jane kqyrur mjetet lundruese te ujit ne pronesi te shtetasit Fatmir Kuci motorrskaf dhe motorr uji (xhetski) ku ne kuverten e skafit, ndermjet sediljes dhe motorreve te mjetit lundrues, eshte konstatuar nje kasete, ne kendin e siper te krahut te djathte te se ciles, jane konstatuar njolla me ngjyre kafe dhe te kuqe, si ato te gjakut te mpiksur. Serish ne kuverten e skafit, ndermjet motorrit te majte dhe kasetes se mesiperme, jane konstatuar njolla te tjera me ngjyre te kuqe si ato te gjakut te mpiksur, te cilat jane marre ne cilesine e proves per ekzaminime te metejshme.

Lidhur me keto njolla gjaku, shtetasi Fatmir Kuci ka sqaruar se ato jane lene ne momentin qe ka gjetur te demtuar viktimen dhe e ka hypur ne bordin e skafit te tij per ta cuar drejt bregut dhe per ti dhene ndihmen mjekesore.

Mjetet lundrues motorr skaf me gjatesi 11.7 m me ngjyre te bardhe dhe një motorr deti me ngjyre jeshile dhe blu me mbishkrimin “Jamaha” ne pronësi te shtetasit Fatmir Kuçi, se bashku me dokumentacionin e tyre jane sekuestruar ne cilesine e proves materiale dhe keto mjete jane lene ne ruajtje punonjësve te Policise te Pikes se Kalimit Kufitar Himare.

Ne deklarimet me rendesi per rrethanat e ngjarjes kane rezultuar deklarimet e shtetasve V.K , J.K. dhe M.M. ku eshte vërtetuar fakti se djali i mitur i te dyshuarit i ka shkuar pas motorrskafit me motorrin e ujit dhe ka konstatuar te atin e tij i cili hipte ne motorrskaf nje person te demtuar. Ne kete moment i dyshuari i ka thene djalit te tij te dilte ne breg dhe te njoftonte ambulancen.

Ne deklarimin e tij shtetasi Joni Kuci ne prani te nënës se tij ka pohuar faktin se e ka ndjekur te atin ne det pa dijenin e tij dhe e ka pare motorrskafin te ndaluar ne mes te detit dhe ka pare qe i ati i tij i jepte ndihmën nje personi te gjakosur.

Gjithashtu eshte kqyrur dhe janë marre nje kopje e librave dhe rregjisttrave qe administroheshin nga punonjësit e policisë se P.K.K.Himare. Ne lidhje mbi kete ngjarje janë pyetur edhe punonjesit e policisë kufitare ne lidhje me ngjarjen , mbi menyren si kanë operuar ata mbi ngjarjen e ndodhur.

Po keshtu nga verifikimet e kryera deri ne kete faze te hetimeve, rezulton se mjetet lundruese, skafi eshte i regjistruar ne emer te personit nen hetim Fatmir Kuci dhe ky mjet lundrues eshte me flamur nga shteti i Maltes. Po keshtu rezulton se personi nen hetim Fatmir Kuci, eshte i pajisur me leje drejtimi per mjete lundruese me peshe totale deri ne 10 ton (e vlefshme edhe per mjetin me te cilin dyshohet se eshte shkaktuar aksidenti, i cili ka peshe totale deri ne 6.8 ton), por nuk ka qene i pajisur me leje lundrimi nga autoritetet kompetente, per mjetin lundrues me te cilin dyshohet se eshte shkaktuar aksidenti.

Njekohesisht ne vazhden e kryerjes se veprimeve hetimore ne lidhje me kete ngjarje, jane kryer veprime duke u pyetur si persona nen hetim te dyshuar per vepren penale te “Shperdorim detyre” parashikuar nga neni 248, edhe punonjesit e policise kufitare te Stacionit te Policise Kufitare Himare.

Për sa më sipër, ka të dhëna të mjaftueshme për të vlerësuar se ndodhemi përpara elementëve të figurës të veprës penale të “ Vrasja nga pakujdesia ” dhe “ Shpërdorim detyre” parashikuar nga neni 85 dhe 248 i Kodit Penal.

Foto/ Aksident tragjik në Greqi, humb jetën mësuesi i njohur nga Saranda

Një aksident i ndodhur në fshatin Strovili, 23 km nga Igumenica, i ka marrë jetën në mënyrë tragjike ish-drejtorit dhe mësuesit të shkollës “Hasan Tahsini” në Sarandë, Apostol Nika.

Makina e drejtuar nga Apostol Nika ka përfunduar në mënyrë ende të papërcaktuar në një greminë rreth 100 metër.

Për nxjerrjen e trupit nga gremina kanë marrë pjesë 8 efektivë dhe 3 mjete të zjarrfikëseve greke. Apostol Nika udhëtonte drejt Igumenicës, ku do të merrte pjesë në një gëzim familjar.

Një kafe dhe një...seks oral

Londra do të bëhet qyteti i dytë me një bar-kafe ku në menu, përveç produkteve të kafesë, do të ketë edhe një shërbim të veçantë.

Kompania e eskortave, BumPix ka bërë publike synimet për të hapur një ambient ku klientët, përveç shijimit të një filxhani me kafe, u ofrohet edhe seksi oral, sigurish kundrejt një çmimi të caktuar.

“Jemi duke punuar për të përmbyllur detajet për të gjetur ambientin e duhur në lagjen e duhur. Sigurisht, jemi duke e bërë këtë në mënyrë krejtësisht të ligjshme dhe në bashkëpunim me autoritetet”,- thotë kompania.

Si do të funksionojë? Klientët mund të përzgjedhin eskortën përmes një iPad-i që do t’u sigurohet nga lokali dhe pas kësaj menjëherë me kafen mbërrin edhe shërbimi ekstra, ose ose, nëse dikush dëshiron; mund t’i ketë edhe që të dyja njëkohësisht, edhe kafen, edhe...

Nëse do të realizohet, ky do të ishte ambienti i dytë i këtij lloji, pas “Fellatio Caffe”, që pritet të hapet në fund të vitit në Gjenevë të Zvicrës./TCh/

Një grup i panjohur merr përsipër sulmin me anti-tank mbi Kuvendin e Kosovës
Një grup i panjohur ka marrë përsipër sulmin mbi Kuvendin e Kosovës.

Në një e-mail që është dërguar tek Express thuhet se sulmi u krye nga “Rugovasit Rugovasit” por nuk jepet detaje në lidhje me këto fjalë.

Nga gjuha vihet re se është përdorur shkrim me dialekt.

Ja e-maili i plotë pa asnjë ndërhyrje:

“Ne Banoret e Rugoves kem dite me derdh gjak kurdoher qe esht lyp me i mbrojt tokat tana.

Rugova nuk ka bjeshk me i dhan Malit te zi. Sulmi qe i kem ba kuvendit asht veq paralajmerim per qeverine qe mos mi shite tokat e Kosoves.

Rugova si e ka mbrojt gjithher me pushk, prap do ta mbroj token e vet. I bajm lutje qeverise mos mi kalu demarkacionin se perndrysh ka me na detyru me ba sulme edhe ma te medha.”

“S’më pëlqejnë rrjetet sociale”, si u mashtrua 20-vjeçarja nga vlonjati

Një 20-vjeçare nga Tepelena rrëfen historinë e saj, ku u mashtrua nga njeriu që ajo donte. Zbulimi se personi i saj i zemrës ishte i lidhur njëkohësisht me dikë tjetër, ishte e tmerrshme për të.

Djali nga Vlora e kishte mashtruar atë herë pas here.

“Nuk më pëlqejnë rrjetet sociale, jam serioz unë”, i kishte thënë ai kur vajza e kishte pyetur se përse nuk publikon foto me të.

Më pas dyshimi ka ardhur kur ajo ka gjetur foto të tij me një vajzë tjetër në Instagram.

20-vjeçarja rrëfen se është mashtruar pothuajse 1 vit nga ai njeri dhe ka një thirrje për të dashurën aktuale të vlonjatit: “Eva, hiq dorë se ke për ta pësuar goce”.

Foto/ "Sa çerekun e mamit tim, ta kesh ti motrën", balerina e Noizyt ofendon komentuesit
E mbani mend balerinën e 17 herë seks brenda natës, po po balerinën e Noizy-t? Siç duket historinë dhe bëmat e saj nuk kanë të sosur.

Këtë herë ajo ka mbrojtur me "mish e thua" mamanë e saj, por ka përfunduar duke ofenduar komentuesit me komentet.

Kristjana Saxobeat ka postuar në profilin e saj në Instagram, një foto të mamasë së saj një pozicion mjaft provokues.

Vajza e ka quajtur të ëmën "mama seksi", por një komentues i vë në pah celulitin e mamasë së saj.

Siç duket Kristjana nuk ka duruar dhe i është kthyer me një koment tjetër këtë herë ofendues "Sa çerekun e mamit tim ta kesh ti motrën". Por, i ka hapur punë vetes sepse shumë komentues të tjerë i janë kthyer me komente negative./JOQ/
Rama poston “foton e ditës” me Blair-in, por e masakrojnë në rrjet

Kryeministri ka postuar foton e ditës në Facebook, sic e ka zakon tashmë. Dhe është pikërisht fotoja me ish-kryeministrin Tony Blair me të cilin ka marrëdhënia të shkëlqyera prej vitesh.

Por vëmendja e ndjekësve të Ramës duket se ka shkuar diku tjetër, marrë shkas nga jeshillëku në foto.

Dhjetra komentues i përmendin atij Salën, duke e paralajmëruar kështu Kryeministrin se, shumë shpejt ai do jetë në murin e Facebook-ut të Berishës, me shkrimin: “Raporton qytetari digjital/ Tony Blair, kultivues hashashi në Shqipëri”.

Një tjetër shprehet se, Rama dhe Blair po thithin “diçka jeshile” dhe e mbyll komentin me fjalët: “Ku është Sala që ta postojë në Facebook?”

Më poshtë komentet nga ndjekësit e Ramës:

Foto+Video/ 42 vite burg për 3 shqiptarë të kapur me 33 kg kokainë dhe armë në Londër
Gjithçka nisi në 25 janar të këtij viti nga një ndjekje policie në rrugët e Londrës. Forcat e rendit ishin vënë në ndjekje të një grupi shqiptarësh që merreshin me trafik droge, por njëri prej tyre e kuptoi që ishte nën vëzhgimin e policisë dhe për këtë shtoi gazin e makinës dhe përfundoi në një servil kompiuterash duke shkaktuar dëmë në mijëra paund. Shqiptari u identifikua si Tristen Asllani.

29-vjeçari po mbahej nën vëzhgim kur i dorëzoi një valixhe shqiptarit tjetër Arbër Beqaj. Në atë valixhe ndodheshin 12 kilogram kokainë. Beqaj i shoqëruar nga Ndriçim Musaj u largua me një taksi, por u bllokua nga policia duke i vënë të dy në pranga dhe sekuestruar lëndën narkotike.

Në krahun tjetër Tristen Asllani nuk ishte në dijeni për kapjen e shokëve të tij dhe kishte shkuar sërish në shtëpi dhe kishte dalë me një tjetër valixhe me kokainë. Në këtë moment e kuptoi se po ndiqej nga policia dhe u përpoq të shpëtonte duke rritur shpejtësinë por shkaktoi aksident duke u arrestuar.

Në valixhe kishte 21 kilogram kokainë. Në shtëpi policia i gjeti 16.5 kg kanabis si dhe një armë scorpion me silenciator. Këtë të premte u dha vendimi i gjykatës londineze për 3 shqiptarët.

Tristen Asllani u dënua me 25 vite burg, 11 vite për trafik droge dhe 14 për armëmbajtje pa leje. Arbër Beqaj Kurse Beqaj u dënua me 8 vite burg ndërsa Ndriçim Musaj me 9 vite heqje lirie. Sipas medieve britanike vlera e drogës së sekuestruar arrin në 6.4 milionë paund.


15/08/2016/.........................................
Dritan Hila: Neroni e dogji Romën për ta ribërë siç donte vetë, por ngeli në histori si i çmendur
Dritan Hila ka zgjedhur që atë që po ndodh sot me fasadën e stadiumit Qemal Stafa, monument kulture, që u shkatërrua në mënyrën më barbare nga kryeministri Rama, ta krahasojë me një periudhë historike të Romës së lashtë, kur ajo udhëhiqej nga një perandor i fiksuar në “gjenialitetin” e tij si artist.

Kështu Hila na sjell në kujtesë perandorin e famshëm Neronin, i cili edhe ai e mbante veten për “poet të madh” dhe Romën nuk e dogji thjesht për ta shkatërruar, por për ta ndërtuar sërish, sipas shijes së tij.

Edhe pse ish miku dhe ish zëvendësministri i Ramës, këtij të fundit nuk ja përmend emrin këtë herë, aludimi është i qartë; Rama po vepron njësoj si Neroni, po shkatërron gjithçka që kanë bërë të tjerët më përpara, për t’i “rilindur” sipas shijeve të tij dhe me synim që mbrapa të ngelet vetëm emri i tij.

Por si përfundim, senati ja fshiu emrin pas vdekjes Neronit dhe historia e quan, thjesht një të çmendur

Ja postimi i plotë në Facebook i Dritan Hilës:

Nëse fëmijëve në shkolla do ju mësonim më shumë letërsi dhe histori të lashtësisë, do kishim bërë investimin më të madh për demokracinë.

Kështu për shembull, do të kishin mësuar se edhe Neroni e mbante veten për poet të madh, dhe Romën nuk e dogji se ishte piroman, por se donte ta ndërtonte të re sipas shijeve të tij.

Senatin romak pas vdekjes, ia fshiu emrin nga ata që kishin qeverisur Romën. Ndërsa historia e quajti të çmendur.

Por kjo nuk i pengoi shumë bashkëkohës, ca nga interesi, idiotësia, frika apo servilizmi, ta quanin Neronin gjeni. Dhe ky “artist” i prishi shumë punë Romes duke zhdukur shumë nga trashëgimia e saj.

Është kurioz fakti që kur vajti një herë në Athine dhe recitoi në amfiteatrin e saj, publiku e vërshëlleu. Për hakmarrje urdhëroi rrafshimin e Athinës. Ishte fat që guvernatori i saj nuk ishte ndonjë idiot.

Për çudi, administrata Romake funksiononte shumë mirë pasi nuk i përzgjidhnin sipas ligjit shqiptar.

Vrasja dhe vetëvrasja në Kavajë, zbardhet letra e lënë nga autori
Një krim i rëndë është zbulua sot pas vetëvrasjes së një 65-vjeçari në Krutje të Lushnjes, i cili më parë në Golem të Kavajës kishte vrarë një vajzë 29 vjeçe, e identifikuar si Jonida Çanaku.

Por pak para se të bënte vetëvrasje, lushnjari Sokrat Shanaj shkroi një letër dhe e la në tavolinën e banesës në Krutje të Lushnjës.

“Jonida ndodhet tek shtëpia e Ludit në Golem. Shtëpia ndodhet përballë pishinës së një hoteli. Hotel P… Banesa në katin e katërt, Jonida është nga Kryekuqi”,- shkruan me pak fjalë në letrën e lënë si amanet nga lushnjari 65-vjeçar.

Letra mban datën 14 gusht dhe është firmosur nga viktima Sokrat Shani.

Mësohet se në banesën e saj ne Golem, ne katin e 4 është gjetur e mbytur Jonida Çanaku, 29 vjeçe.

Sipas policisë, e reja është vrarë nga Shani, ndërkohë që ky i fundit, në kushtet e një depresioni të thellë ka vrarë veten në Krutje të Lushnjës me një pistoletë tip “TT”.

I moshuari e ka kryer krimin monstruoz me një litar. Vajza ishte studente dhe priste të nistë vitin akademik.
Paloka: PD e vendosur për ta fituar Dibrën
Nënkryetari i PD-së, Edi Paloka, ka deklaruar sot për mediat se ka mbledhur sot Grupin Parlamentar për të organizuar fitoren e kandidatit demokrat në bashkinë e Dibrës.

Paloka vërejti se “nuk ka koment për figurën e kandidatit të PS-së. Do ta shohim sesi do të sillet në fushatët dhe nëse ai do të jetë pjesë e lojës së Edi Ramës për të marrë atë që nuk i takon, nëse do të hyjë me poshtërsi e pisllëqe në fushatë, natyrisht do marrë atë që meriton.

Por, n nuk dua të paragjykoj, do ta shikojmë. Ky kandidat që përfaqëson PS-në, është koincidencë që ka mbiemrin Rama, por askush në Dibër nuk duhet të përfaqësojë më Ramën në pushtet.”

Paloka tha se mbledhja e grupit ishte “për organizimin e punës në dibër. I gjithë grupi do të jetë i angazhuar në këtë fushatë pa përjashtim dhe të gjithë janë të gasthëm. Kjo mbledhje kishte qëllim jo vetëm informimin e grupit, por edhe të shihte gatishmërinë, sepse nuk është fushatë zgjedhjesh, por periudhë pushimesh dhe të gjithë rezultuan të gastshëm.

Ju e dini shumë mirë që në raste të tilla, shteti angazhohet me të gjitha forcat; nëse ata angazhohen me mënyra aspak ligjore dhe të errta, ne do të angazhohemi në fushata ashtu siç duhet të jetë dhe që qytetarët të jenë të lirë e të votojnë jo për “shukrinjtë” e Ramës.

“Sherefedin Shehu është një figurë që meriton gjithë vlerësimin e dibranëve dhe nderon PD-në dhe Dibrën. Struktura në bazë duhet të ndihet mëse e sigurtë me kandidatitin dhe jam i bindur se do të punojë pa rezerva për ta çuar në fitore.

Përçarja e fundit që ndikoi dhe solli humbjen e PD-së në Dibër, këtë herë nuk ka të njejtat raporte. Nëse dikush për arsye të tija personale dhe që mban nën vete emrin e PD do jetë kundër, do të trajtohet njesoj si kundërshtari dhe do të marrë përgjigjen njesoj si kundërshtari”,- theksoi Paloka.

Podolski i thotë lamtumirë Gjermanisë
Pas Philip Lahm, Miroslav Kloses dhe Bastian Schweinsteiger një tjetër kampion Bote i ka dhënë lamtumirën Gjermanisë.

Bëhet fjalë për Lukas Podolskin, i cili nëpërmjet një postim në “Twitter” ka zyrtarizuar largimin nga kombëtarja e “Pancerave”.

“Ishte diçka fantastike, diçka e mrekullueshme, për mua ka qenë një nder të isha pjesë e Gjermanisë”,- shkruan Podolski në “Twitter”

Sulmuesi ka luajtur plot 129 ndeshje me Gjermaninë duke realizuar dhe 48 gola.

Ja foto e vrasësit të dyfishtë në Lushnje dhe banesa e krimit
Ky është Sokrat Shani, 65-vjeçari që vrau të dashurën e tij 29 vjeçe dhe më pas u vetëvra me një pistoletë “TT”, që “lapsi.al” po e boton ekskluzivisht. Policia tha se, ai u gjet i vrarë në banesën e tij në Krutje të Sipërme të Lushnjës.

Shani kishte lënë një letër në të cilën shkruhej një adresë dhe një emër në Golem të Kavajës. Në këtë adresë policia gjeti të vrarë Jonida Çanakun.

Ajo ishte e dashura e tij. Banonte në fshatin Kryekuq të Divjakës. Ajo ishte larguar prej dy ditësh nga shtëpia dhe u kishte thënë familjarëve se do të shkonte te tezja.

Policia tha se, Sokrat Shani e kishte vrarë atë duke e mbytur me litar dhe më pas ka vrarë edhe veten.

29-vjeçarja Jonida Çanaku u gjet e vrarë në këtë apartament në Golem të Kavajës, në pallatin që shihni në këto foto të “Lapsi.al”. Adresa e banesës ishte në një letër që autori vrasjes, Sokrat Shanaj, kishte lënë përpara se të vriste edhe veten.

Policia e gjeti trupin e saj në njërën nga dhomat. Ajo kishte shenja dhune në fyt. Shanaj, që shoqërohej me vajzën prej disa kohësh, e kishte mbytur me litar./Lapsi.al/

Fotolajm/ Sara Hoxha shtatzënë, tregon barkun për herë të parë

Sara Hoxha për herë të parë i ka treguar publikisht ndjekësve të saj në “Snapchat”, barkun e harkuar, që duket qartë poshtë fustanit të saj elegant me ngjyrë të kuqe.

Edhe pse në moshë fare të re, duket se ajo po e shijon në maksimum bekimin e të bërit nënë, gjë të cilën dëshiron ta ndajë me të gjithë.

Foto/ Shokohet futbolli anglez, policia vret ish-futbollistin e njohur
Ish-futbollisti i Aston Villas dhe Manchester Cityt, Dalian Atikson, ka ndërruar jetë pasi është qëlluar me armë nga policia.

48-vjeçari ka mbetur i vdekur pas një aksioni policor në Telford, Shropshire, shkruan Mirror.

Policia ishin në aksion në këtë zonë pas marrjes së një informacioni se një person po rrezikon sigurinë e qytetarëve, shkruan më tej Mirror.

Policia ka përdorur armë paralizuese ndaj Atikson, i cili u dërgua në spital ku u deklarua se ka vdekur në ora 3 të mëngjesit.

Foto/ Jahti superluksoz në brigjet shqiptare, ja kujt i përket...
Pas superjahtit me vlerë 300 milionë dollarësh që u ankorua në brigjet shqiptare në fillim të muajit, një tjetër mjet luksi ka lundruar në ujërat shqiptare.

Bëhet fjalë për “Amphitrite”, jahti të cilin një nga personazhet më në zë britanikë e bëri të vetën për bukurinë e 22 milionë paundëve.

Emri i saj është Joanne Kathleen Rowling dhe njihet si idhulli i miliona lexuesve të rinj, zemrat e të cilëve i fitoi me librat e saj “Harry Potter”.

Ajo është vënë re përgjatë ditës së sotme, ndërkohë që nuk dihet arsyeja për të cilën ka ardhur në Shqipëri.

Portali “NewsBomb” bën me dije se mund të vizitojë qytetin antik të Butrintit, i cili renditet në Listën e Trashëgimisë Botërore të UNESCO.

Më parë jahti zotërohej nga aktori hollywoodian Johnny Depp dhe është përdorur për të xhiruar filmin “The Tourist”, ku protagonistë ishin pikërisht Depp dhe Jolie.

Video/ Pengmarrja në Durrës, ja si policia prangos të sëmurin mendor
Këto janë momentet kur policia ka mundur të vejë në pranga Arben Kabashin, i cili kishte marrë peng një vajzë të mitur. Policia hodhi gaz lotësjellës me qëllim që të hutonte Kabashin dhe më pas u vu në pranga.

Sipas policisë, rreth orës 07:00, në Kodër Rrashbull, shtetasi Arben Kabashi, 46 vjeç, ka kapëryer murin rrethues dhe është futur në banesën e komshiut , ku ka marrë me forcë në banesën e tij vajzen e komshiut të miturën, Xh.K. 11 vjeçe.

Në banesë ndodheshin vetëm tre vajzat pasi prindërit kishin ikur në punë më herët. Me të marrë njoftimin menjëherë në vendngjarje kanë shkuar Efektivat e Policisë së Durrësit, të cilët kanë bërë rrethimin e banesës.

Shtetasi i lartpërmendur, i cili vuan nga depresioni mbante në dorë një thikë dhe kërcënonte se do të vriste vajzën.

Ndodhur në këto kushte, në pamundësi të faktorit kohë për të pritur forcat më të specializuara për të tilla ndërhyrje, Efektivat e Policisë Durrës duke parë që po i kërcënohej seriozisht jeta vajzës, me inisiativë dhe me profesionalizëm kanë ndërhyrë me shpejtësi në disa drejtime duke i tërhequr vëmendjen agresorit.

Falë ndërhyrjes së shpejtë dhe të specializuar të Policisë së Durrësit është bërë e mundur që e mitura të nxirret nga banesa e shtetasit Arben Kabashi dhe është dërguar në banesën e saj.

Fatmirësisht vajza është në gjendje të mirë shëndetësore, por e traumatizuar psikologjikisht ku policia menjëherë i ka çuar një psikologe.

Në banesën e agresorit ishte edhe nëna e tij, ku falë ndërhyrjes së specializuar është bërë e mundur nxjerrja e saj nga banesa.

Grupi i negociatorëve të Reneas në bashkëpunim më Policinë e Durrësit pas disa orë negociatash kanë përdorur një gaz neuroparalizues duke mundësuar neutralizmin dhe kapjen e shtetasit A.Kabashi.
Fasada e Stadiumit, ose babëzia e injorantëve!