Video: Ja si I përshëndet fansat Ballist Morina pas lirimit nga burgu

Historia e Bako Buzherit për rrëmbim personi

Ngjarja ka ndodhur më 4 mars 2012. Nga hetimet ka rezultuar se i dëmtuari Ergest Shele jeton me vëllain e tij Velo Shele në qytetin e Përmetit. Në datën 3 mars, i pandehuri Aleksandër Kalemi i ka telefonuar Ergestit, duke i kërkuar të takoheshin në Gjirokastër.

Ai ka pranuar dhe një ditë më pas, rreth orës 08:00, bashkë me vëllain e tij Velon, janë nisur.

Aleksandëri i telefononte shpesh për ta pyetur për vendndodhjen. Të dëmtuarit kanë zbritur në vendin e quajtur Ura e Lumit, ku janë takuar me Aleksandrin, i cili ishte me një makinë “Ford” me xhama të zinj. Ata kanë hipur në makinën e tij dhe të tre kanë shkuar në një lokal afër vendit të quajtur Qafa e Pazarit në Gjirokastër, ku kanë qëndruar rreth 15 minuta dhe me makinën e të pandehurit Aleksandër Kalemi kanë shkuar në drejtim të shkollës “Naim Frashëri” në lagjen Dunavat. Sapo kanë filluar të zbresin poshtë rrugës, janë ndaluar nga një automjet tip furgon me ngjyrë të bardhë me targa amerikane, që drejtohej nga i pandehuri Arbër Meçi.

Në këtë kohë nga furgoni kanë dalë të pandehurit Bledar Muho dhe Kasëm Buzheri, të cilët u janë drejtuar vëllezërve Ergest dhe Kosta me fjalët: “Mos lëvizni”. Kasëm Buzheri e ka goditur me pistoletë në kokë Ergestin, duke i thënë: “Më njeh mua… ju që donit të më vidhnit mallin”. Më pas kanë goditur me grushte Ergestin dhe Velon në trup duke i detyruar të hipin në një furgon me ngjyrë të bardhë dhe janë nisur drejt fshatit Lazarat. Në afërsi të fshatit Kordhocë, të dëmtuarit janë detyruar të hipin në automjetin e markës “Audi Q7” me ngjyrë të zezë, që drejtohej nga Alfons Buzheri dhe kanë vazhduar rrugën për në fshatin Lazarat. Në furgon kanë hipur edhe Kasëm Buzheri, Bledar Muho, Arbër Meçi dhe Aleksandër Kalemi.

Kosova pa viza, Basha: Lajmi i shumëpritur dhe i merituar

Kreu i PD-së Lulzim Basha, e ka quajtur të merituar vendimin e BE-së për liberalizimin e vizave me Kosovën. Me anë të një postimi të shkurtër në faqen e tij në Facebook, Basha shpreh urimet për këtë vendim të madh për Kosovën.

“Në Bruksel në Samitin e Partive Popullore Europiane për Ballkanin Perëndimor ku sapo u komunikua lajmi i shumëpritur dhe i merituar për lëvizjen pa viza të qytetarëve të Kosovës në zonën Schengen!

Përgëzime të përzemërta për qytetaret dhe autoritetet e Kosovës për këtë arritje të madhe”,- shkruan Basha në Facebook.

Heqja e vizave për Kosovën, Rama flet me kunja për BE-në
Kryeministri Edi Rama, ka përshëndetur vendimin e Komisionit Europian për liberalizimin e vizave për Kosovën.

Përmes një postimi në Twiitter, Rama thotë se, përmes këtij vendimi më në fund Bashkimi Europian çlirohet nga turpi.

“Fill pas UEFA-s tjeter lajm i gezueshem per Kosoven rekomandimi i Komisionit per heqjen e vizave. Me ne fund BE-ja po çlirohet nga nje turp!”,- shkruan Rama.

Sot Komisioni Evropian propozoi në Këshillin e Bashkimit Europian dhe Parlamentin Europian, heqjen e vizave për popullin e Kosovës, duke e transferuar Kosovën në listën pa viza për të hyrë në zonën Shengen.

Reforma në drejtësi, Halimi: S’lejojmë të preken kompetencat e Presidentit

Partia Demokratike ka zhvilluar sot mbledhjen e grupit, e cila u drejtua nga kreu i grupit parlamentar Edi Paloka, për shkak se kryetari Lulzim Basha ndodhet në Bruksel.

Besohet se në mbledhje është diskutuar për reformën në drejtësi, pasi sot pritet që të bëhet publik nga ekspertët drafti konsensual për reformimin e drejtësisë.

Deputeti Eduard Halimi, duke folur për gazetarët pas mbledhjes së grupit, sqaroi se nuk do të pranojnë që të preken kompetencat e Presidentit, që sipas demokratëve janë të panegociueshme.

Video/ Reforma në Drejtësi, Lu: Po dështuat, përballuni me popullin

Ambasadori i Shteteve të Bashkuara të Amerikës, Donald Lu, ka folur shqip në mbledhjen e sotme të komisionit të posaçëm për Reformën në Drejtësi, duke u bërë thirrje deputetëve të të dyja palëve politike që të miratojnë këtë reformë, në të kundërt marrëdhëniet e Shqipërisë me SHBA-në dhe BE-në nuk do të jenë në këtë nivel që janë aktualisht.

“Nëse kjo reformë dështon, ju turpëroni veten përpara atyre që ju kanë zgjedhur dhe gjithashtu do të turpëroni marrëdhënien tuaj me SHBA dhe BE.

Fatmirësisht, ne së bashku nuk do të lejojmë që të dështojë. Vendi po shpreson që ju ta realizoni këtë reformë më sukses dhe ne do tju ndihmojmë”,- tha Donald Lu përpara deputetëve në Komisionin e Reformës në Drejtësi.

Diplomati amerikan theksoi se, këtë reformë e kërkojnë pjesa më e madhe e qytetarëve shqiptarë, rreth 91%, një nga të paktat gjëra që shqiptarët bien dakort, siç rrallë ndodh.

Lu u bëri thirrje deputetëve që t’i lënë lojrat politike dhe të mos përpiqen të pengojnë reformën, në të kundërt do të përballen me zemërimin e qytetarëve dhe kjo sipas tij, do të duket në zgjedhjet e ardhshme të vitit 2017.

“Qytetarët e kërkojnë këtë reformë. 91% e mbështesin këtë reformë. Mendojeni pak. Shqiptarët nuk bien dakort për shumë gjëra e megjithatë 91% bien dakort. Nëse mendoni se mund të mbroni gjykatësit duke penguar reformën, do të përballeni me zemërimin e qytetarëve shqiptarë zgjedhjet e ardhshme. Ndaloni lojërat politike dhe filloni ta përfundoni këtë reformë. E keni për detyrë”,- shtoi ambasadori amerikan Donald Lu.


Sot, Dita ndërkombëtare e Zjarrëfikësve dhe një album nga Shqipëria
Sot është dita ndërkombëtare zjarrfikësve, atyre që si profesion kanë rrezikun, pra zjarrin. Kjo ditë botërore, i gjen zjarrfikësit shqiptarë pa ditën e tyre të themelimit.

Le të shpresojmë që dikush të vërë gishtin në kalendar e të caktojë një ditë edhe për ta.

Nqs. akoma nuk është shkruar libri i historisë, le të caktojë datën e shuarjes së pusit nr. 541(?). Veteranët le të kujtojnë ndonjë ngjarje dhe mund ta thonë. Mbase e caktojmë ne, sot.

“Përshëndetje me këtë "Jiefang CA10" (ZIS-150, origjinali rus), që mrekullisht ndodhet në Muzeun e Ushtrisë në Tiranë”.

Për ata që akoma nuk e dinë, te “www.albanian-transport.com” ka një album me zjarrfikëset shqiptare (menuja "Makina")./Albania-transport.com/
Dënuan imamët me 126 vite burg. Policia, mbrojtje gjyqtarëve
Policia ka marrë në mbrojtje gjyqtarët që dhanë mbrëmë dënimin me 126 vite burgim për 9 imamët e akuzur se rekrutonin shtetas shqiptarë për të luftuar në Siri në emër të ISIS.
Ky vendim i policisë është ndërmarrë pas kërcënimeve ndaj gjyqtarëve dhe nga frika se mos përkrahës të të dënuarve mund të hakmerren.

Gjyqtarët janë shoqëruar mbrëmë në shtëpi me forca të shumta policore. E njëjta gjë ndodhi edhe sot.

Në mbrojte mund të merret edhe prokurori i çështjes nëe do të jetë e nevojshme.

Dje të dënuarit kërcënuan në sallën e gjyqit gjykatësit, si dhe gazetarët që të mos filmonin.

Për t’u normalizuar situata është dashur ndërhyrja e forcave të policisë
Aksident në Vlorë, humb jetën ish-efektivi i policisë

Një aksident rrugor me pasojë vdekjen është verifikuar në orët e pasdites në Vlorë, në aksin që lidh Radhimën me Orikumin.

Burime policore lokale bëjnë të ditur se, viktima është shtetasi Shpëtim Abazi, ish-efektiv policie.

Ndërkohë, dy të plagosurit janë në gjendje të rëndë, shtojnë burimet./TCh/

Bie borxhi publik në raport me PBB-në. Por huatë rriten
Borxhi publik i Shqipërisë arriti në 7.6 miliardë euro në fund të tremujorit të parë të këtij viti. Të dhënat vijnë nga raporti i fundit i Ministrisë së Financave.

Sipas shifrave, gjatë 3 muajve të parë, borxhi shtetëror është zgjeruar me 120 milionë euro. Por, edhe pse është rritur në vlerë absolute, pesha e tij ndaj prodhimit kombëtar, që është edhe treguesi më i rëndësishëm, ka ardhur në ulje.

Sipas Ministrisë së Financave, nga 72.2 për qind e prodhimit kombëtar që ishte në fund të vitit të kaluar, borxhi shtetëror u ul në 69.28 për qind në fund të tremujorit të parë të këtij viti. Rënia me tri pikë përqindjeje është rezultat i dy faktorëve: huamarrjes me ritme më të ngadalta të qeverisë dhe zgjerimit të prodhimit kombëtar.

Megjithatë, rënia me tri pikë përqindjeje e borxhit publik është provizore, pasi shifra vjetore pritet të jetë më e ulët. Qeveria parashikon që ulja të jetë më e vogël deri në fund të vitit.

Më konkretisht, sipas parashikimeve në buxhet, treguesi i borxhit pritet të ulet këtë vit në 70.9 për qind e prodhimit kombëtar, nga 72.2 për qind që ishte vitin e kaluar.

Pas vitit 2010, borxhi publik i vendit ka ardhur në rritje të vazhdueshme. Viti 2016 pritet të jetë viti i parë, gjatë të cilit treguesi i borxhit të ulet, sipas parashikimeve në buxhet dhe angazhimeve që qeveria ka marrë para Fondit Monetar Ndërkombëtar./TCh/

Reforma në Drejtësi/ SHBA dhe BE: Përfundojeni brenda qershorit
SHBA dhe BE i kanë kërkuar klasës politike që të përfundojë brenda qershorit reformën në drejtësi. Romana Vlahutin dhe Donald Lu kanë qënë të pranishëm në mbledhjen e komisionit të reformës në drejtësi, ku kanë kërkuar një kalendar të vërtetë për punimet.

“I kërkoj komisionit sot të mbështesë një kalendar të vërtetë për miratimin e kësaj reforme. Në këtë komision deri në fund të majit dhe në Parlament deri në fund të qershorit. Ndaloni lojërat politike dhe filloni ta përfundoni këtë reformë. E keni për detyrë”,- deklaroi ambasadori amerikan Donald Lu.

Të dy ambasadorët thanë se dështimi i reformës në drejtësi është një turp në marrëdhëniet me SHBA-në dhe BE-në.

‘Ne besojmë se Shqipëria nuk mund të humbasë më shumë kohë. Të dy palët, BE dhe SHBA jemi këtu se jemi të interesuara për Shqipërinë. Nuk do të lejojmë që politika e përditshme të dëmtojë këtë të ardhme të Shqipërisë dhe do ta ndihmojmë të bëhet një demokraci funksionale.

Mendoj se tani gjërat janë shumë të thejshta. Ju keni përgjegjëis dhe personale dhe politike para vendit dhe para popullit tuaj. Një mundësi unike për Shqipërinë, mos e harxhoni atë kot”,- deklaroi ambasadorja Romana Vlahutin.

“Kam një mesazh të thjeshtë: nëse kjo reformë dështon, ju anëtarët e këtij komisioni turpëroni veten para atyre që ju kanë zgjedhur dhe gjithashtu do të turpëroheni marrëdhënien tuaj me SHBA dhe BE.

Vendi ka nevojë për këtë reformë. E para, do të dështoni nëse kërkoni ta baltoni këtë reformë, e dyta do të përballeni me zemërimin e popullit shqiptar në zgjedhjet e ardhshme parlamentare nëse mendoni se mund të mbroni gjykatësit e prokurroët e korruptuar...”,- tha ambasadori amerikan Donald Lu.

Në përgjigje të tyre, kreu i komisionit të reformës në drejtësi Fatmir Xhafaj tha se reforma ka marrë të gjithë kohën e nevojshme për një projekt të qëndrueshëm./tch/

Hetimi për pasurinë, Tom Doshi dy orë në Prokurori
Deputeti Tom Doshi është marrë në pyetje për mëse dy orë në Prokurorinë e Përgjithshme ditën e sotme, për të dhënë shpjegime lidhur me pasurinë e tij.

Doshi shoqërohej nga avokati i tij mbrojtës, teksa po i përgjigjej pyetjeve të prokurores Anila Leka.

Doshi u njoh gjithashtu me një akt ekspertimi që prokuroria ka kryer mbi pasurinë e tij.

Që prej muajt janar të këtij viti, pas një kallëzimi nga ILDKP-ja, pasuria e ish-deputetit të PS-së është nën hetim.

Kapshticë, ndalohen 16 refugjatë sirianë
Policia Kufitare e Kapshticës ka ndaluar 16 refugjatë sirianë, mes tyre edhe 9 fëmijë, që tentuan të hynin në territorin shqiptar.

Sipas policisë, ngjarja ka ndodhur rreth orës 13:00 të mesditës pranë fshatit Vërnik të Rrethit të Devollit, në zonën në drejtim të piramidave.

Mes të ndaluarve mësohet të jenë 4 meshkuj dhe 3 femra. Refugjatët synojnë të kalonin tranzit nga Shqipëria për në Gjermani.

Ata janë marrë në pyetje, ndërsa pritet që të bëhet kthimi i tyre mbrapsht për në Greqi.

Rama- ambasadorëve: PS, gati ta votojë që sot reformën në drejtësi
Pas deklaratave të forta të ambasadorëve Donald Lu dhe Romana Vlahutin, në Komisionin e Reformës në Drejtësi, ka reaguar kryeministri Rama. Ai thotë se, PS është gati ta votojë që sot reformën në drejtësi.

“Asnjëherë më dakord se sot me ambasadorët e SHBA-BE! Koha e ballos me maska po mbaron. PS gati të votojë që sot Reformën në Drejtësi”,- shkruan Rama në Facebook.

Më herët gjatë ditës, i pranishëm në mbledhjen e komisionit të reformës, ambasadori amerikan Donald Lu tha se: “Nëse kjo reformë dështon, ju turpëroni veten përpara atyre që ju kanë zgjedhur dhe gjithashtu do të turpëroni marrëdhënien tuaj me SHBA dhe BE”.

Donald Lu ishte shumë i qartë në ultimatumin e tij duke kërkuar që drafti për këtë reformë të miratohet sot në Komisionin e posaçëm Parlamentar. Lu paralajmëroi edhe ata që do të tentojnë ta bllokojnë këtë reformë dhe kërkoi që deri në fund të muajit qershor, procesi të jetë i përfunduar.

Afganistan/ “Messi” detyrohet të ikë prej kërcënimeve, familja kërkon ndihmë nga UNCHR
Babai i vogëlushit 5-vjeçar afgan, që u bë sensacion në rrjetet sociale për shkak të fanelës prej qeseje të Lionel Mess-it që kishte veshur, tha për “BBC”-në se, familja e tij ishte detyruar të ikte nga Afganistani për shkak të kërcënimeve të përsëritura.

“Kam marrë 20-30 kërcënime se pse unë, jam duke i mësuar futbollin djalit dhe nuk jam duke i mësuar Kuranin”,- tha ai.

I vogli Murtaza Ahmedi arriti pas bujës në rrjetet sociale të merrte nga ylli i fubollit, fanellat me autografin e tij.

Familja tani është vendosur në Quetta të Pakistanit, sipas njoftimeve të Shaima Khalil.

Babai i Murtaza tha për “AFP” se, kishte marrë telefonata kërcënuese nga njerëz të panjohur, pasi mediat e vunë në qëndër të vëmendjes, djalin e tij 5-vjeçar.

“Unë ndjeva se familja ime dhe unë ishim në rrezik dhe ne vendosëm të ikim nga Afganistani”,- tha ai, duke shtuar se fillimisht kishin udhëtuar drejt kryeqytetit Islamabad, para se të arrinin në qytetin jugperëndimor Quetta, sipas AFP-së.

Por ai ndihet i pasigurt dhe atje, kështu që ai i ka drejtuar një kërkesë UNCHR-së që t’i dërgojë “në ndonjë vend të sigurt”.

“Unë nuk kisha asnjë zgjidhje”,- tha ai, duke vërejtur se do të dëshironte që familje e tij të kishte ndjenjën e sigurisë.

Djali i tij dhe disa prej anëtarëve të familjes janë duke shpresuar se, do të dërgohen në Spanjë ku Messi luan gjigantin, Barcelonën, kështu që edhe Murtaza të përmbushë ëndrrën e tij për t’u bërë një yll futbolli, tha ai.

Një zëdhënës i UNCHR-së në Quetta konfirmoi se familja kishte aplikuar për emigracion dhe se agjensia ishte duke e shqyrtuar aplikimin e tyre.

Dërgohet në Holandë dosja e Frrokut, 14 ditë afat për ekstradimin
Dosja për ekstradimin e Arben Frrokut u është dorëzuar sot autoriteteve holandeze nga Ministria e Drejtësisë. Frroku akuzohet për vrasjen e komisar Dritan Lamajt dhe është dënuar me burgim të përjetshëm nga Gjykata e Apelit.

Pas arratisjes vitin e shkuar ai u ndalau në muajin mars në Holandë, me një pasaportë greke të falsifikuar.

Fillimisht në media ishte ish-kryeministri Berisha që foli për ndalimin e Frrokut në Holandë. Më pas policia u vu në lëvizje.
Vrasja e Çiços, zbardhet dëshmia e “doktorit” nga Kruja që fshehu armën
Arrest me burg i caktoi masën e sigurisë gjykata e Tiranës, dentistit Redjan Rraja, i akuzuar për fshehjen e pistoletës së viktimës Elton Çiça, i cili u ekzekutua me dy plumba në një lokal në zonën e ish-bllokut.

Me kërkesë të prokurorisë, gjyqtari Asim Vokshi e vleftësoi të ligjshëm arrestin në flagrancë të dentistit Rraja dhe caktoi masën e sigurisë “arrest me burg” për akuzën e “Veprime që pengojnë zbulimin e të vërtetës”.

Para gjyqtarit, Rraja mohoi akuzën duke shpjeguar se ishte shok me viktimën dhe për shkak të profesionit i ka dhënë ndihmën mjekësore duke lëvizur edhe nga lokali.

Sa i përket pistoletës së pretenduar, ai ka mohuar të ketë marrë ndonjë pistoletë nga çanta e viktimës, duke kërkuar lirimin nga burgu.

Këtë pretendim e kundërshtoi prokurori, i cili tha se nga pamjet e kamerave të sigurisë, duket që i dyshuari Rraja ka marr diçka nga çanta e viktimës e që dyshojmë se ka qenë pistoleta që ai mbante me vete. Por jo vetëm ky veprim, për prokurorin është i paligjshëm.

Ai tha se edhe lëvizja e viktimës nga vendi i ngjarjes ka ndikuar në prishjen e provave.

Pretendim ky që u kundërshtua nga i dyshuari, duke thënë se “Elton Çiçëm e lëvizëm për ti dhënë ndihmën e parë pasi ishte ende gjallë”. Avokati, ka cituar komunikatën e policisë, duke thënë se edhe policia ka njoftuar se viktima ka ndërruar jetë rrugës për në Spital.

“Sipas akuzës, rreth orës 22:10 minuta të mbrëmjes së 1 majit 2016, në rrugën “Gjin Bue Shpata” në ambientet e lokal ”Bar Kafe Deniro”, është qëlluar me armë zjarri shtetasi Elton Çiço, 36 vjeç, banues në Tepelenë, i cili ka humbur jetën gjatë transportimit për në spital”, është shprehur i ndaluari.

Në lidhje me autorin e vrasjes, policia dhe prokurori thanë se po vazhdojnë hetimet për të zbuluar identitetin e tij.
Itali, qeni i gjen kokainën e fshehur në makinë, arrestohet shqiptari
Një shqiptar është arrestuar në Forli të Italisë, pasi u kap me kokainë në automjetin e tij.

Mediat lokale shkruajnë se, shqiptari u ndalua nga një patrullë e “Guardia di Finanza” e Forli-t në dalje të autostradës “A14”.

Gjatë kontrollit, me ndihmën edhe të një qeni antidrogë, u gjet gjysmë kilogramë kokainë e fshehur pas kilometrazhit të automjetit.


Video+18/ Sherr në mes të Gjirokastrës, por polici bën sehir
Një përleshje mes tre personave ka ndodhur përpara një efektivi të policisë së Gjirokastrës.

Video ku është publikua sot nga portali “Jeta osh qef”, që shkruan se është dërguar nga një qytetar.

Sipas këtij të fundit, vijon raportimi, tre personat të cilët përfshihen në sherr janë një çift bashkëshortesh dhe djali i tyre. Në video, dëgjohet edhe një fjalor jo etik.

Gruja i thotë 23 herë burrit “kurvar kurvar”, citohet autori i videos nga portali.

Gjatë xhirimit të videos, efektivi nuk ka ndërhyrë, por ka qenë banorë të rastit ata të cilët kanë ndarë familjarët e zemëruar.

Më pas, burri është shoqëruar në komisariat me makinën e policisë, ndërsa gruaja dhe djali shkuan në komisariat në këmbë, në këmbë, shkruan personi nga Gjirokastra që filmoi pamjet, sipas portalit.

Kroacia bllokon sërish integrimin e Serbisë në BE

Në takimin e ambasadorëve të vendeve anëtare të BE-së, Kroacia sërish s’e ka dhënë pëlqimin për hapjen e kapitullit 23 në negociata e Serbisë me Bashkimin Evropian.

Pas pazisë disa javore, kryesuesja e BE-së Holanda është përpjekur të arrijë konsensus të vendeve anëtare duke e ngritur këtë çështje në nivel më të lartë vendimmarrës, në nivelin e ambasadorëve.

Por, siç njofton RTS, përfaqësuesi i Kroacisë ka përsëritur se nuk mund të pajtohet me hapjen e kapitullit 23 duke theksuar argumente njohura për kompetencat rajonale të Gjykatës serbe për krime lufte dhe për përfaqësimin e minoritetit kroat në Parlamentin e Serbisë.

NATO lejon Izraelin të hapë zyre në Bruksel
Sipas një deklarate zyrtare të lëshuar sot nga NATO-ja, vendet anëtare do të njohin një ambasador nga Izraeli, i cili do të kryesojë një zyre të përhershme në Bruksel.

Benjamin Netanyahu ka konfirmuar se, Izraeli nuk është anëtarë i bllokut të NATO-s, por ajo ka qenë anëtare e Dialogut Mesdhetar që nga viti 1994.

Izraeli aktualisht përfshihet në shtatë vende jashtë NATO-s: Algjeri, Egjipt, Jordani, Mauritania, Marok dhe Tunizi.

Mogherini: Qeveria e re serbe duhet të vazhdojë rrugën drejt BE-së

Shefja e politikës së Jashtme të Bashkimit Evropian, Federica Mogherini përgëzoi kryeministrin serb, Aleksandar Vuçiç për fitoren e zgjedhjeve të parakohshme, në një bisedë telefonike mes tyre, njoftoi sot zyra e shtypit e kryeministrit serb.

”Besoj se edhe qeveria e re serbe do të vazhdojë rrugën drejt Bashkimit Evropian”,- tha Mogherini sipas zëdhënëses, Maja Kocijançiç.

”Vitin e kaluar, Serbia ndërmori hapa të mëdha drejt rrugës për në Bashkimin Evropian duke hapur kapitujt e parë të negociatave, ndërkohë që besojmë se edhe qeveria e re do ta vazhdojë këtë rrugë”,- shtoi ajo.

Video/ Tiranë, gruaja rreh me shpulla e grushte fatorinon e urbanit

Zënka dhe sherre të shpeshta ndodhin në transportin publik në kryeqytet, kjo më së shumti ndodh mes qytetarëve dhe faturinove, e deri edhe në dhunë dhe refuzim të dhënies së lekëve.

Autobusët e urbanit të Tiranës përveç se të tej mbushur me njerëz bwhen shpesh edhe skena tw ngacmimeve seksuale, vjedhjeve, e deri tek sherri.

Në videon e mëposhtme, duket më së miri sherri mes një gruaje dhe faturinos në urbanin e “Tiranës së Re”, të sheshi “Shqiponja”.

Sipas raportuesit, zonja ka refuzuar të paguajë biletën dhe që prej atij momenti reagimet e forta të gruas dhe të faturinos e degradojnë skenën deri në dhunë fizike.

“Faturinoja i kërkoi paratë ajo tha kam dhe s’dua t’i jap dhe ik mo na ca bythen i tha faturinos,, pastaj kur doli ajo nga urbani i tha faturin hip dhe njëher pa lekë po s’ti q…a ropt tha pastaj u kthye kjo dhe po ziheshin, por dolën ne rruge siç duket edhe ne video”,- ka raportuar qytetari i cili i ka nisur këtë video në “jetaoshqef”./Jetaoshqef.al/

Foto/ Shqiptari “simpatik” që përdoret nga ISIS për të joshur femrat
Shqiptari i quajtur me emrin arab Abu Waqqas al-Albani, tani është duke u përdorur nga militantët e ISIS për të rekrutuar të rinj, me anë të rrjeteve sociale. Militantët e ISIS e kanë përzgjedhur atë për shkak të pamjes së tij të hijshme.

Megjithatë, “Daily Mail” shkruan se, Abu Waqqas al-Albani, u largua nga Londra vitin e kaluar për t’iu bashkuar militantëve të ISIS në Irak.

Ai tani përmes rrjetit social Instagram bën postime të shpeshta, kështu duke përhapur mesazhe rekrutimi, transmeton “Gazeta Express”.

Gazeta gjithashtu pretendon se Abu Waqqas al-Albani, është me prejardhje nga Shqipëria.

Këto janë disa fotografi të publikuara nga Abu Waqqas al-Albani në rrjetin social Instagram:

Do çuditeni...! Ja kë ka Joleza filmin e saj të preferuar...
Jozela Koka, vetëm pak muaj më parë një vajzë e panjohur, është shndërruar tashmë një personazh i kërkuar i medieve, sidomos pas gafave të saj të njëpasnjëshme në deklaratat publike.

Ka nga ata që Joleza kur flet ju lë përshtypjen e brigadiereve të kohës së komunizmit.

Por sot drejtuesja e FRESH-it ka postuar një foto në profilin e saj në rrjetet sociale një fotografi, nëpërmjet së cilës tregon se cili është filmi i preferuar shqiptar i saj.

Mos u habisni ai është “Montatorja”…

Zëdhënësja simpatike e FSHF-së ka një urim ndryshe për Kosovën
Jona Dervishi, zëdhënësja simpatike e FSH-së ka shprehur gëzimin e saj për Kosovën.

“Sado që tendenciozët kanë inate dhe mllefe për anëtarësimin e Kosovës në UEFA, Kosova sot në futboll është anëtare e familjes së madhe Europiane! Gojët e liga duhet të heshtin përballë këtij momenti historik! Urime të përbashkëta! Suksesi ynë, është dështimi i tyre që duan ta nxjerrjen këtë ditë!”, shkruan Dervishi.

Prapaskenat/ Ja kush merr Kombëtaren nëse largohet De Biasi
Flirti i Gianni de Biasit me kombëtaren italiane ka vënë në lëvizje edhe Federatën Shqiptare të Futbollit. Këta të fundit duket se tashmë, kanë një listë me emra si pasardhës të mundshëm të teknikut italian.

Në krye të listës është emri i Besnik Hasit, trajnerit të Anderlechtit i cili pritet t’i japë lamtumirën skuadrës së tij aktuale.

Mediat belge raportojnë se në tryezën e 44-vjeçarit tashmë ka disa oferta serioze, por ai është i gatshëm të refuzojë të gjitha për stolin e kombëtares shqiptare.

Përveç skuadrës angleze të Aston Villa, e cila prej kohësh ka shprehur interesim për shqiptarin, në garë për shërbimet e trajnerit të Anderlechtit janë vënë edhe turqit e Trabzonspor dhe francezët e Nantes.

Mediat turke shkruajnë se tekniku gjakovar plotëson profilin e duhur për të kthyer Trabzonsporin përsëri në majat e futbollit turk dhe e rendit atë si emrin kryesor të preferencave të drejtuesve për sezonin e ardhshëm.

Planifikohet që Hasit t’i jepet fuqi e plotë vendimmarrjeje në merkato, për të ndërtuar një ekip i cili mund të luftojë për titullin kampion dhe jo vetëm për t’u renditur në zonën e Kupave të Europës, siç ka ndodhur në sezonet e fundit.

Kombëtarja, Hasi i gatshëm të refuzojë 3 skuadra europiane për Shqipërinë

Një ofertë e papritur është edhe ajo e Nantes. Sipas raportimeve, Lorik Cana, që aktualisht aktivizohet me këtë skuadër e që njëkohësisht është një mik i mirë i Hasit, ka qenë ai që i ka kërkuar presidentit të marrë në konsideratë emrin e trajnerit 44-vjeçar.

Waldemar Kita, president i Nantes, mendon që skuadra e tij e drejtuar nga Hasi mund të arrijë të luajë në Europë në sezonin 2017-2018, kjo edhe falë eksperiencës së trajnerit kampion të Belgjikës në kompeticionet europiane.

Përveç këtyre dy ofertave, Hasi akoma i ka dyert e hapura tek anglezët e Aston Villas. Ky klub prej kohësh ka shprehur interesim për 44-vjeçarin, i cili mund të jetë njeriu që do t’i udhëheq drejt rikthimit ne kampionatin elitar anglez, pasi siç dihet, Villa në sezonin e ardhshëm do të luajë në kategorinë e dytë.

Mirëpo, sipas mediave belge, Hasi është duke pritur një sinjal nga Shqipëria, pasi nuk dëshiron që të refuzojë për të dytën herë kombëtaren “kuqezi”, edhe pse në vjeshtën e vitit 2011 ishte skuadra e Anderlecht ajo që këmbënguli që trajneri gjakovar të qëndronte në Bruksel.

Pesë vite më pas gjërat kanë ndryshuar dhe Anderlecht nuk mund të jetë më një pengesë, pasi duket se palët kanë rënë dakord që të vazhdojnë në rrugë të ndryshme. Në rast largimi të De Biasit, vjeshta e 2016-s mund ta gjejë Hasin në stolin e kombëtares shqiptare./TCh/

Foto/ Gazetarja simpatike që kërkon të jetë imazhi i kombëtares së Kosovës

Gazetarja e studios së SuperSport në Kosovë, Vlera Jusufi ka “goditur në shenjë”.

Ajo njihet për pamjen e saj elegante, duke shfaqur shumë klas në paraqitjet e saj televizive në emisionin sportiv “Koha Shtesë”, por këtë herë ka dalë nga vetja, dhe kjo për shkak të Përfaqësueses së Kosovës.

Në fotosesionin e saj të fundit me fotografin Norik Uka, Vlera ka pozuar me veshje sportive, ose më saktë me fanellën e Përfaqësueses së Kosovës.

Gazetaolle.com ka siguruar disa prej fotove të saj ku ajo duket thjesht e mrekullueshme, aq sa edhe fanella e Kosovës duket më e bukur.
Luciano Moggi po blen Dinamon?
Prej 24 orësh Luciano Moggi, ish-drejtuesi i Juventusit, një nga personazhet më të diskutuara të futbollit europian në vitet e fundit, ndodhet në Shqipëri, ku shoqërohet nga ish-presidenti i Dinamos, Besnik Sulaj.

Edhe pse Dinamo prej disa sezonesh dergjet në kategorinë e Parë, vazhdon të jetë “pronë” e familjes Sula.

Por, zërtat e fundit thonë që është hyrë në tratativa që klubi të administrohet nga familja Moggi.

Besnik Sulaj i kontaktuar me telefon nga Top Channel as e ka pohuar e as e ka mohuar një lajm të tillë.

Sot, Luciano Moggi ndodhet në “Elbasan Arena” për të ndjekur takimin e vlefshëm për Kategorinë e parë atë ndërmjet Elbasanit dhe Dinamos./tch/
Video+18/ Dy vajza kapen për flokësh dhe zhveshin njëra-tjetrën në rrugë

Kjo video që po qarkullon në rrjetet sociale tregon dy vajza tek rrihen shumë keq me njëra tjetrën.

Sherr të tillë madje s'keni për të parë ndonjëherë, pasi atyre nuk ju mjafton që zihen për flokësh dhe me grushte, por kanë zgjedhur të turpërohen publikisht duke zhveshur njëra-tjetrën.

Nuk dihet çfarë emri t'i vëmë këtij sherri mes gocash, përleshje e paparë apo spektakël i nxehtë.

Gjithsesi të gjithë ju që ju 'vret' kureshtja e doni të shihni këtë sherr, sigurohuni të jeni mbi 18 vjeç dhe të mos keni fëmijë afër, pasi pamjet janë shumë ta rënda.

Diçka është e sigurt këto vajza nuk kanë treguar aspak mëshirë për njëra-tjetrën.

05/05/2016/...........................................

Policia italiane në hall për “skifterët binjakë”, nuk di kush është hajduti

Jam quajtur “Binjakët Lupen”, kjo sepse kanë të njëjtën fytyrë, të njëjtën prerje flokësh, të njëjtën gjatësi, madje dhe të njëjtin pasion për krimin.

Janë dy vëllezërit shqiptarë, Edmon dhe Eduard Trushi që janë bërë protagontistë të kronikës së zezë në Itali.

Arrestimi i tyre u bë i mundur në verë e vitin të kaluar dhe ata akuzohen nga autoritetet e drejtësisë për qindra vjedhje të banesave në Veri të shtetit fqinj, por ende kjo e fundit nuk ka mundur të përcaktojë se cili është krimineli mes tyre.

Dy vjet më parë, karabinierët kanë gjetur gjurmë ADN-je në një makinë Mercedes Benz të vjedhur dhe të braktisur në qytëzën e Sacile.

Këto gjurmë kanë korresponduar me ADN-në e Eduard Trushi, që ishte tashmë i skeduar nga policia fqinje.

Por gjatë procesit gjyqësor, Eduard ka dalë i pafajshëm.

Ai dhe vëllai i tij janë identikë edhe në ADN, me ndryshime shumë të vogla, aq sa ekspertët e mjekësisë ligjore italiane, kanë kërkuar analiza më të thelluara për të përcatuar se kush është grabitësi në këtë rast./tvklan.al/

Të fshehtat e takimit Selami dhe Lu. Çfarë biseduan për një orë...
Një ditë pas fjalimit që pritet të mbajë në komisionin e reformës në drejtësi, ambasadori amerikan në Tiranë Donald Lu, është takuar për rreth 1 orë me deputetin demokrat Eduart Selami.

Të ulur në një bar jo shumë të dukshëm të kryeqytetit, Lu dhe Selami duket të kenë prekur temat e nxehta të debatit politik në Shqiperi, ku pa dyshim reforma në drejtësi zë vendin kryesor.

Ambasadori amerikan do të jetë prezent dhe në mbledhjen e grupit parlamentar të PD, ndërsa deputeti demokrat Selami edhe më parë është takuar me të për çështjen e reformës.

Pavarësisht qëndrimeve kritike që Selami ka mbajtur në disa nga mbledhjet e grupit parlamentar të PD, ku dhe ka kërkuar qëndrim më të qartë të lidershipit për çështjen e reformës, ai ishte pjesë e delegacionit zyrtar që i kryesuar nga Lulzim Basha vizitoi Washingtonin.

Shkurtimet, 200 infermierë të pushuar nga puna në 4 muaj
200 infermierë janë pushuar nga puna përgjatë 4 muajve me urdhër të Ministrisë së Shëndetësisë. Urdhri i Infermierit i ka dërguar një letër institucionit të drejtuar nga ministri Beqaj, ku parashtron problemet me të cilat po përballen infermierët.

Sipas Urdhrit, që nga Janari 2016 deri më sot janë shkarkuar 200 infermierë. Kreu i Urdhrit të Infermierit, Sabri Skënderi thotë se, nga njëra anë po pushohen infermierët e vjetër dhe me përvojë dhe nga ana tjetër po punësohen infermierë të rinj pa përvojë.

Këta infermierë, thuhet në letrën dërguar Ministrisë së Shëndetësisë, po punësohen në shërbimin e Urgjencës dhe të check up-it, gjë që reflekton uljen e cilësisë së Shërbimit.

Sipas Urdhrit të Infermierit, duhet të bëhet një rregullim institucional dhe nuk duhet të hidhen në rrugë infermieët e vjetër dhe me eksperiencë.

Zbardhet përgjimi i telefonit të Gilmando Danit, krahu i djathtë i Shullazit
“Shqiptarja.com” ka publikuar sot përgjimet e bisedave telefonike të Gilmando Danit, të cilat janë në dosjen e prokurorisë së Krimeve të Rënda.

Në përgjime dallohet se personat që bisedojnë janë të kujdesshëm të mos flasin me detaje për temën e bisedës.

Nga transkriptimi duket se prokuroria do ta ketë të vështirë të provojë krimet për të cilat akuzohet Gilmando Dani, për shkak se ai ruhej edhe në bisedat telefonike, i vetëdijshëm se mund të përgjohej.