Video: Ja si I përshëndet fansat Ballist Morina pas lirimit nga burgu

Ja disa shenja që ju tregojnë se jeni të varur nga sheqernat:

Hani çdo ditë ëmbëlsira: kur ju nuk ju kalon asnjë ditë pa konsumuar sheqerna apo kur keni nevojë të menjëhershme për to do të thotë se jeni të varur ndaj tyre.

Ju e mbani gjithmonë një sasi ëmbëlsirash rezervë: Nëse mbani çokollata, biskota apo ëmbëlsira të tjera dhe ato janë dëshira juaj më e madhe për t’u konsumuar mund të tregojë se jeni të varur prej tyre.

Ju hani ëmbëlsira edhe kur nuk jeni të uritur: Gjithkush ka dëshira për ushqime të caktuara në periudha të ndryshme kohore. Por kur jeni super të ngopur dhe ju hani një ëmbëlsirë vetëm se “vdisni” për to, tregon se keni krijuar varësi ndaj tyre.

Ju vazhdoni të hani ëmbëlsira edhe pse keni probleme shëndetësore: Sëmundjet e tilla si problemet me zemrën, diabeti, tensioni i lartë, obeziteti etj ndalojnë konsumimin e sheqernave në baza ditore. Nëse ju e dini këtë gjë dhe vazhdoni të hani sheqerna do të thotë se jeni të varur prej tyre.

Kur doni të shpërbleni veten, bleni një ëmbëlsirë: Ushqimi është një mënyrë për të shpërblyer veten, njerëzit që janë të varur nga sheqernat në këto raste do të zgjidhnin gjithmonë një ëmbëlsirë.

Ja 10 mënyra efektive për të hequr mërzinë dhe stresin
Në kohët e sotme thuajse të gjithë ndihen “nën presion” për shkak të punës, problemeve personale, shkollës etj. Stresi është faktori që ju shoqëron gjatë këtij presioni. Zakonisht stresi ju bën të ndiheni më nervoz, të shqetësuar, të mërzitur, ju privon gjumin etj.

Ja 10 mënyrat më efektive që do t’ju ndihmojnë të reduktoni stresin dhe të hiqni mërzinë:

Hani ushqimin e preferuar: një copë çokollatë apo arrat do ishin një alternativë shumë e mirë.

Provoni aromaterapinë: disa aroma si qitro, livando etj kanë ndikim të madh në emocionet tuaja.

Shkoni dhe bëni një masazh: kjo është një nga mënyrat më të mira për t’u relaksuar. Masazhoni me lëvizje rrethore ballin dhe kokën.

Bëni një dush: uji i ngrohtë është një terapi kundër stresit.

Mbajeni telefonin larg: përpiquni të mos flisni me asnjë që t’i përçoni energjitë tuaja.

Pikturoni diçka: kjo mënyrë do ta fokusojë trurin tuaj në një tjetër vend dhe do t’i harroni për pak momente problemet që keni.

Përqafoni veten: mund të duket e çuditshme, por funksionon!

Pini çaj kamomili apo hibiskus: ato janë të pasura me antioksidantë dhe ndihmojnë në zvogëlimin e ankthit, panikut dhe stresit.

Dëgjoni muzikë, kërceni apo këndoni këngën tuaj të preferuar.
U rrëmbye nga Xhon Xhihadisti i ri, arratiset skllavja e seksit por lë pas foshnjën
Një adoleshente jazidi, e cila është mbajtur si skllave seksi prej ISIS, tha se ajo ishte rrëmbyer dhe trafikuar prej xhihadistit britanik dhe që maskohet si ekzekutuesi Siddartha Dar.

Znj. Nihad Barakat tha se, burri që gjërësisht dyshohet të jetë i ashtuquajturi “Xhon Xhihadisti i ri” nga videot e propagandës së ISIS, është tani një nga komandantët më të lartë ndërmjet luftëtarëve të huaj në Mosul.

Dhar, një ish-britanik hindu, që preferon të thirret me emrin Abu Rumaysah, pas konvertimit të rij në Islam, udhëtoi për në Siri me gruan e tij dhe fëmijët e vegjël në 2014-ën.

Atje ai ka marrë një numër vajzash jazidi si skllave seksi për vete, sipas znj. Barakat, dhe luajti një rol kyç në kapjen dhe trafikimin që bëri që ajo të mbetej shtatzanë me një fëmijë të një tjetër luftëtari të ISIS.

Znj. Barakat ishte 16 vjeçe dhe 27 anëtarët e familjes së saj u rrëmbyen prej ISIS pas rënies së Sinjarit në Itak, dy vjet më parë.

Ajo tregoi në muajin mars se si ishte rrahur, përdhunuar dhe detyruar të martohej me një militant në Siri, para se të arrinte t’ia mbathte, por vetëm për t’u gjetur prapë dhe abuzuar sërish, këtë radhë duke mbetur dhe shtatzanë.

Në një intervistë për një serial televiziv mysliman britanik, rreth jetës në frontin e luftës në Irak, ajo ka zbuluar për herë të parë emrat e luftëtarëve të huaj që e skllavëruan dhe e detyruar atë të kalonte këtë përvojë të tmerrshme, horror.

“Kur u kappa afër Kirkut, ata më dërguan tek një tjetër lider në Mosul. Emri i tij ishte Abu Dhar. Edhe ai merrte vajza jazidi për vete. Çdo ditë më thoshte që unë kisha për t’u martuar me një tjetër burrë”.

Është e vështirë të verifikohet që Abu Dhar, që e grabiti znj.Barakat është i njejti person si i shumëkërkuari xhihadisti britanik. Ai mendohet të ketë zëvendësuar Mohammed Emëazi, të njohur si Xhihadisti Xhon, para se ai të vritej me goditje nga një dron i maskuar si ekzekutori i videove propagandistike.

Duke folur për “The independent” para serive të reja, Hayat tha se, ai ishte shumë i sigurtë se znj Barakat e dinte për çfarë ishte folur.

“Nga informacionet që kam, Dhar është konsideruar një lider në Mosul tani dhe ajo insiston shumë në atë emër”,- tha ai.

Vendimi i saj për të folur nuk ka qënë i lehtë. Dy nga motrat e saj dhe dy nga vëllezërit mbahen ende rob prej ISIS dhe kur ajo erdhi në Londër, bëri thirrje që Perëndimi të ndihmojë njerëzit e mirë, t’i shpëtojë ata nga DAESH (emri tjetër i ISIS).

Kur ajo u arratis për herë të dytë, znj.Barakat u ndihmua nga një shoqatë kandaze që paguan agjentë lokalë për të nxjerrë jazidit nga robëria. Ky është një proces i kushtueshëm dhe i debatueshëm.

Por znj.Barakat pagoi një tjetër çmim, siç tha ajo. “Unë arrita të shpëtoj, por unë kam lënë fëmijën pas”,- i tha ajo audiencës gjatë një eventi. “Kjo nuk është jetë, ne nuk jemi duke jetuar përderisa pjesa tjetër e njerëzve tanë nuk janë lënë të lirë nga DAESH.”

Seria e dokumentarëve Hayt në Irak nisi të martën, në 2 maj, në orën 7 pasdite, në “Sky Channel 845”./Syri.net/

Vrasja e Bin Laden/ Ja komunikimet sekrete mes CIA-s dhe Seals-ve
Kur kanë kaluar 5 vite nga vrasja e Osama Bin Laden, terroristit më të kërkuar nga Shtetet e Bashkuara të Amerikës, CIA ka publikuar disa biseda sekrete gjatë aksionit për vrasjen e tij.

CIA i ka bërë publike këto biseda në Twitter, duke treguar komunikimet për uljen e helikopterit dhe aksionin e forcave speciale për vrasjen e Bin Laden.

- 2 helikopterë zbresin në kompleksin Abbottabad, Pakistan. Një u përplas, por sulmi vazhdon pa vonesa dhe pa të lënduar.

- POTUS po ndjek situatën në terren në Abbottabad

- Osama Bin Laden u gjet në katin e tretë dhe u vra

- POTUS merr konfirmimin paraprak pozitiv të identifikimit të Osama Bin Laden

- Helikopterët e tjerë morën anëtarët e ekuipazhit dhe materialet dhe u larguan nga Abbottabad

Video/ Përleshje mes policisë dhe grabitësve te "Rruga e Kavajës"
Nëse ju rastis që në rrugë dikush t’iu grabisë nën kërcënimin e armës, atëherë mendoni se si të mbroheni vetë, pasi policia jo gjithmonë ja del. Një vit më parë në rrugën e “Kavajës” forcat speciale “Shqiponja” ishin vënë në ndjekje të dy personave, pasi kryenin veprime të dyshimta dhe duket se po bëheshin gati të kryenin një grabitje.

Pasi e pikasën se po ndiqeshin nga policia, Eduard Kacolli dhe Ndue Ndoi, qëlluan në drejtim të uniformave blu e në tentativë për t’u larguar u futën në rrugicën që lidh “Islam Allën” me “Himë Kollin”.

Nën kërcënimin e armës, ata ndaluan një drejtues motori për t’i marrë mjetin, por ajo që ndodhi më pas do t’iu habisë...

Jo vetëm reagimi i drejtuesit të motorit, por edhe i forcave “Shqiponja”.

Sipas komunikatës zyrtare të policisë veprimi i drejtuesit të motorit neutralizoi grabitësin, kjo dhe falë ndihmës së policisë, e cila ishte vënë në ndjekje.

Por pamjet tregojnë se falë ndihmës së qytetarit, i cili në fakt po mbronte mjetin e tij, policia arrestoi 4 persona përfshirë dhe atë që arriti të largohej me motor. Të gjithë janë të akuzuar për një sërë grabitjesh me dhunë.

Foto/ Ja si e uron djalin e saj Jozefina Topalli, por përse...?

Djali i deputetes së PD-së dhe ish-kryetares së Kuvendit, Jozefina Topalli, ka pasur ditëlindjen sot dhe një urim i veçantë atij i ka ardhur padyshim edhe nga nëna e tij.

Znj. Topalli teksa ka botuar në profilin e saj në Facebook disa foto ku ka dalë me të birin, ka bërë edhe një urim krejt origjinal...

“Sot Genari u be 21 vjec, por per mua eshte prap i vogli i mames.. edhe pse eshte nje pllemb me i gjate��”,- shkruan znj. Topalli në Fb.

U zhdukën prej 24 orësh në Llogora, gjenden në mal dy italianë
Dy italianë që kishin humbur që prej ditës së djeshme në Dhërmi janë gjetur pasditen e sotme nga forcat e policisë, që ishin vënë në kërkim të tyre. Burime nga policia thanë se, në kërkim ishin angazhuar dhjetëra forca policie mes të cilëve edhe ato të “Guardia di Financës”.

“Për gjetjen dhe shpëtimin e tyre janë angazhuar efektivë ‘Delta Forcë’, ‘Guardia di Finanzas’ dhe Policia e Himarës”,- thanë burime nga policia.

Në këtë mision shpëtimi ka qenë i pranishëm edhe Konsulli i Përgjithshëm i Italisë në Vlorë, Stefano Bergesio.

Dy italianët janë gjetur rreth orës 16:15 minuta dhe janë jashtë rrezikut për jetën.

Burime policore thanë se, do të duhen disa orë që të zbresin deri në pikën më të afërt ku po i pret ambulanca, për t’i shoqëruar në spitalin rajonal të Vlorës.

Itali, shqiptari shkon të vizitojë të afërmit, shpallet i humbur prej 3 ditësh
Venar Sino, 51-vjeç, ka dalë nga banesa e të afërmve tij në Spilimbergo të Fruli-t (Itali), rreth orës 7 të mëngjesit të datës 30 prill dhe nuk është kthyer më.

E shqetësuar, motra e tij lajmëroi autoritetet italiane pasditen e djeshme dhe për 51-vjeçarin nisën kërkimet, shkruajnë mediet lokale.

Sino kishte shkuar në Itali për të vizituar të afërmit dhe kishte si qëllim kthimin e tij në Atdhe, por nuk ishte nisur për në Shqipëri për shkak të një problemi shëndetësor.

Përveç kërkimeve në zonën e Fruli-t, karabinierët janë duke kërkuar edhe në stacionet hekurudhore e aeroporte, për të verifikuar nëse shqiptari ka vendosur të largohet nga vendi.

Historia/ Seksi me zyshen 10 vjet më të madhe një mrekulli, por unë dua…

Një djalë i cili sapo ka përfunduar gjimnazin ka nisur një romancë, ose një raport vetëm seksual me ish-mësuesen e tij. Ai tregon se ka filluar të tërhiqet shumë pas saj, jo vetëm prej fizikut por edhe nga karakteri që ka. Por duket se ajo nuk do asnjë gjë më shumë se seks me të.

Djali i drejtohet psikologes së “The Sun” për një këshillë, pasi nuk di se si të sillet.

Letra e djalit

“Jam 18 vjeç dhe kam një vit që kam përfunduar gjimnazin. Nuk kam qenë asnjëherë ndonjë nxënës ekselent, ndaj gjithmonë rrija pas mësimit dhe bëja orë shtesë me zyshën e gjuhës. Ajo ishte 29 vjeçe dhe beqare…dhe ishte një super femër.

Gjithmonë më ka tërhequr dhe dalloja që edhe ajo tërhiqej pas meje, por nuk kemi bërë asnjë hap më shumë gjatë periudhës së shkollës.

Pasi kisha përfunduar shkollën, e takoj atë pas 6 muajsh në një supermarket. Që sa u takuam u ndje që kimia mes nesh dhe tërheqja ishte ende prezente. Pasi folëm pak, aty ajo më ftoi në shtëpinë e saj. U ngjitëm lart dhe sapo hoqi pallton që kishte veshur, doli në pah trupi i saj fantastik.

Pimë nga një gotë verë dhe më pas filluam të putheshim…e sigurisht që përfunduam në shtrat. Atë natë unë fjeta në shtëpinë e saj dhe kur u zgjuam në mëngjes bashkë ishte një magji…

Tashmë ne takohemi shpesh dhe bëjmë seks, por unë kam filluar të dashurohem me të çdo ditë e më shumë dhe dua që të kemi një lidhje normale.

Por ajo më thotë që lidhja jonë është vetëm për seks dhe se ajo nuk do asgjë më shumë me mua…por unë e dua atë”.

Përgjigjja e psikologes

“Ju jeni të dy adult dhe ti nuk je më në shkollë, por ndoshta ajo shqetësohet për reputacioni e saj pasi ndoshta mendon se njerëzit do të mendojnë që ju jeni lidhur që kur ti ke qenë nxënësi i saj, dhe kjo do t’i shkatërronte karrierën.

Por nga ana tjetër ti je i ri dhe ndoshta pas pak kohësh do të lodhesh me të dhe do të kërkosh një vajzë afër moshës tënde. Ndaj nuk duhet të nxitohesh dhe as t’i bësh asaj presion për një lidhje normale”.
Këto janë dhjetë kombet më paqedashëse në botë...
Nga viti 2007 Global Peace Index bën rangimin e kombeve dhe rajoneve më paqedashëse në botë. Edhe pse mund të thuhet se bota nga dita po bëhet gjithnjë e më luftarake, këto dhjetë vende shquhen me mungesë agresiviteti.

Danimarka

Danimarka gjendet në kreun e listës për faktin se përfaqëson njërin nga vendet më të sigurta të botës për jetë. Edhe pse Kopenhaga një kohë të gjatë ka qenë nën pushtimin nazist, vendi, që nga pas lufta nuk është përfshirë në konflikt, transmeton Koha.net. Banorët e Danimarkës më shumë fokusohen në avancimin ekonomik se sa në përfshirjen në konflikte të armatosura. Veç kësaj, ata janë shumë prirur për paqe, të hapur dhe të gatshëm për të ndihmuar.

Norvegjia

Norvegjia, sipas GPI-së është njëri nga vendet më të sigurta në botë për jetë, shtet në të cilin të drejtat e njeriut janë në nivelin më të lartë, e qeveria prioritet të parë të vetin e ka paqen.

Singapori

Si anëtar aktiv i bashkësisë ndërkombëtare, dhe në radhë parë si komb i vogël, Singapori nuk do të ketë probleme paqësore. Që nga shpallje e pavarësisë në vitin 1965 Singapori ka punuar në zhvillimin e marrëdhënieve të mira fqinjësore por edhe në rritjen e stabilitetit ekonomik dhe të pavarësisë energjetike.

Sllovenia

Sllovenët gjenden në majë të listë së vendeve më të sigurta në botë. Sipas shkallës së krimit të organizuar, pranisë së dhunës dhe në konflikte të jashtme, Sllovenia është anëtare e OKB-së e pozicionuar lartë e sigurinë që ua ofron qytetarëve të vet.

Suedia

Njëri nga vendet më të bukur të Skandinavisë, Suedia, edhe pse bën pjesë ndër vendet që më së shumti eksporton armë në Evropë, ka shkallë të ultë vjedhjesh e plaçkitjesh. Suedia nuk ka marrë pjesë në asnjë konflikt tash e dy decenie.

Islanda

Islanda gjithmonë ka qëndruar anash konflikteve të mëdha. Edhe pse para dy vjetësh bankat e këtij vendi patën kolaps financiar, gjendja në vendi mbeti krejtësisht e qetë.

Belgjika

Ky shtet është anëtar i BE-së dhe i NATO-s. Edhe pse kështu, Belgjika shumë pak ka qenë e përfshirë në konflikte. Me shumë qytete mesjetare, ky vend është parajsë për turistet.

Çekia

Që nga shkëputja nga Bashkimit Sovjetik dhe që nga ndarja nga Sllovakia, Çekia punon për zhvillim ekonomik e qëndrueshmëri paqeje.

Zvicra

E njohur për nga djathi, orët, bankat e thikat, Zvicra është shtet shumë stabil me shkallë shumë të ultë konfliktesh dhe të krimit ë Evropë.

Japonia

Që nga Lufta e Dytë Botërore, Japonia nuk ka hyrë në konflikte e shkalla e kriminalitetit ka arritur në minimum./KOHA/

Gruaja që denoncoi Shullazin, Doda: Më shumë burrëri se 20 burra bashkë
Pas publikimit të lajmit se një grua ka denoncuar në Prokurori Emiljano Shullazin për gjobvënie dhe grabitje të pronës, ka reaguar deputetja Mesila Doda.

Përmes një shënimi në faqen e saj në Facebook ajo shkruan se policia duhet të marrë masat për të mbrojtur familjen e saj.

Sipas Dodës, kjo grua shërben si shembull inspirimi u kurajo, gjë që nuk e bënë dot burrat.

“Po lexoj lajmin e nje zonje qe ka pasur guximin te denoncoje Shullazin…

E çuditshme, nje grua ka pasur dinjitet dhe burreri me shume se 20 burra bashke, perfshi dhe 2 rektore qe e hengren turpin me buke pasi nakatosen nje vend te tere.

I drejtohem organeve ligjzbatuese dhe i kerkoj qe ndaj kesaj zonje dhe familjes se saj te vihen masa te veçanta mbrojtje me qellim qe te sherbeje jo si shembull dekurajues por si model inspirimi e kurajo.

Grate jane pjesa me e mire e ketij vendi”,- shkruan Doda.

Gazetari Hoxha: Ish-blloku ‘parasja’ e të kërkuarve që si kap njeri
Gazetari Artan Hoxha analizoi pamjet e vrasjes së Elton Çiços, mbrëmjen e së dielës në Tiranë. I ftuar në rubrikën “Opinion” në “News24”, gazetari Hoxha tha se pamjet dëshmojnë se autori nuk është një vrasës i zakonshëm, por kemi të bëjmë me një profesionist.

“Autori hyn qetësisht në lokal, në një orar që lokali është i populluar. I është afruar viktimës, e ka bërë vrasjen pothuajse me puqitje. Viktima ka qenë i ulur me një oficer policie dhe dy qytetarë të tjerë, në momentin e vrasjes ka qenë duke shkruar mesazh me celular.

Viktima rrinte i armatosur. Autori qëllon dy herë dhe kthehet për tu larguar. Përplaset me një person, i cili ka tentuar të dalë jashtë lokalit. Kapelja që ka përdorur e ka mbrojtur nga kamera e sigurisë për ta identifikuar. Kjo lloj dinamike dëshmon se kemi të bëjmë me një vrasës profesionist”, - deklaroi Hoxha.

“Në vendngjarje ka qenë edhe një oficer policie, i cili është dëshmitar i ngjarjes. Në pamje është në krahun e djathtë të viktimës. Polici nuk kishte armë me vete në momentin e ngjarjes”,- u shpreh Hoxha.

Sipas gazetarit Hoxha, zona e ish-bllokut shihet si një oaz qetësie për personazhet e botës së krimit, pasi është vend i kontrolluar dhe nuk përbën rrezik për ta.

“Unë e shmang Bllokun sa më shumë të kem mundësi. Pse unë bëj thirrje që të bëhëet kujdes në Bllok. Herën e fundit kam qenë të enjten, në një lokal në qendër të Bllokut. kam parë personazhe të botës së krimit që qarkullonin qetësisht aty, të shoqëruar nga dy tre persona, automjete me xhama të errët, automjete luksoze.

Blloku është parë si një oaz qetësie për personazhe me precedentë penalë, apo personazhe të botës së krimit. Me një kolegun tonë na kanë ftuar të shkojmë në një lokal në bllok.

Në momentin që kam hyrë në sallonin e atij bari kam këmbëngulur që të mos hyja aty, brenda kishte deputetë, gazetarë dhe personazhe të botës së krimit që mbase ata i dinë si biznesmenë. Kam qenë me kolegun tim, që dje ka qenë në të njëjtën ngjarje që për fat të mirë ka shpëtuar”,- deklaroi Hoxha.

Më tej, drejtuesi i emisionit “Xhungël” kujtoi ngjarjet e ndodhura prej 31 marsit të vitit të kaluar, kur u grabitën prindërit e viktimës Elton Çiça në Tepelenë. Sipas Hoxhës, vrasja e djeshme ka të bëjë me këtë histori konflikti.

“Viktima ka të bëjë me një histori konflikti që ka nisur në 31 marsin e vitit të kaluar. ai dhe vëllai i tij janë ndodhur në emigracion, kur në banesën e prindërve të tij një person ka kryer punime aty dhe është krijuar dyshimi se ky person mund të ketë dhënë informacion se në këtë banesë ka para.

Në 31 mars tre persona kanë shkuar në banesën e Çiça dhe kanë marrë para disa sende me vlerë dhe kanë abuzuar me prindërit e viktimës. Policia ka shpallur në kërkim disa persona, por gjatë kohës që policia ka qenë në kërkim të autorëve, është ekzekutuar Robert Rama, i cili ishte në kërkim policor.

Ky person dyshohej si autor në lidhje me grabitjen e 31 marsit. u ngjallën dyshime se këtë mund ta kishin bërë djemtë e familjes Çiça. Më pas ndodhën një seri atentatesh që lidhen me grabitjen e shtëpisë së prindërve të Çiças. Ose kemi të bëjmë me një vrasës me pagesë, ose në grupin e autorëve që kanë kryer grabitjen ka dhe vrasës. Grabitja është kryer nga njerëz që kanë shkuar nga kryeqyteti”- deklaroi Hoxha.

Video/ Stresi nuk zë mend, sërish tymos hashash...

Nuk është hera e parë që reperi Stresi të komentohet për konsumin të lëndëve narkotike.

E mesa duket diçka të tillë e ka bërë sërish. Ai ka publikuar një video në Instagram në të cilën duket se është duke tymosur një cigare hashash.

Krahas videos ai shkruan: “Tu pi si për ditë të fundit se ditë të mira na presin,”- përfundon reperi postimin e tij.

Ja si laget Shpat Kasapi.... kur bën foto me një fanse
Të kesh shumë fansa është mirë, por ka edhe disavantazhet e veta. Kështu, pavarësisht nëse po kalon një moment të sikletshëm, fansat do të kërkojnë foto dhe ti nuk mund t’i refuzosh.

Kjo ka ndodhur edhe me Shpat Kasapin, i cili ka bërë një foto me një fanse. Deri këtu gjithçka është OK. Por, po të shihni foton me vëmendje, do kuptoni se diçka nuk shkon me pantallonat e këngëtarit.

Një njollë në xhinset e tij, që vihet re fare lehtë, të bën të mendosh gjëra që ndoshta edhe nuk janë. Mos i është derdhur pija në xhinse Shpatit, apo...?

Gjithsesi, këtë gjykojeni vetë, pasi fotoja është e qartë.

“O Sa Mirë Me Qenë Shqiptar”, mbi autobusin kuqezi në “Euro 2016”

Ashtu siç pritej dhe siç ishte paralajmëruar gjerësisht në opinionin publik, slogani që do të stampohet në autobusin zyrtar të kombëtares shqiptare të futbollit në Euro 2016, do të të jetë një parullë e dashur. “O Sa Mirë Me Qenë Shqiptar”, kaq shumë e kënduar në stadiume sidomos në fushatën kualifikuese që çoi kombëtaren tonë në fazën finale të turneut të kësaj vere, do të jetë prezente në çdo udhëtim të kuqezinjve.

Si për t’i kujtuar mbështetjen e madhe të tifozëve që do të jenë prezentë edhe në vendin transalpin duke nisur nga 10 qershori, mjeti i transportit të seleksionit të Xhani de Biazit do të mbajë parullën që peshon shumë.

“O sa mirë me qenë Shqiptar!” është motoja e grupimit më të madh mbështetës të kombëtares, Tifozëve Kuq e Zi që nga themelimi i tyre dhe ka ndjekur Kombëtaren në të gjitha ndeshjet e saj në shtëpi dhe kudo në Europë prej më shumë se 13 vjetësh.

Kombëtarja e Shqipërisë është pozicionuar në Grupin A, së bashku me vendin organizator, Francën, kombëtaren e Rumanisë dhe atë të Zvicrës, ku luajnë plot gjashtë lojtarë me kombësi shqiptare.

Ndeshja e parë e kuqezinjve do të jetë pikërisht ndaj Zvicrës më 11 qershor. Ndeshja hapëse do të luhet të premten më 10 qershor në stadiumin “Sen Deni”, ndërsa finalja në të njëjtin impiant më 10 korrik./TCh/

Ja djali që shkarkoi deputeten simpatike të LSI nga “Drejtësia”
Të enjten parlamenti mori një vendim për të zëvendësuar deputeten e LSI-së, Silva Caka si anëtare të komisionit të reformës në drejtësi, dhe në vend të saj emëroi Petrit Vasilin.

Për të gjithë ata që nuk e dinë, arsyeja e këtij zëvendësimi është një djalë! Deputetja e Beratit, e ardhur nga Lëvizja Socialiste për Integrim, Silva Caka është bërë nënë. Ajo dhe bashkëshorti i saj, Neritan, kanë sjellë në jetë fëmijën e tyre të parë: një djalë.

Në oborrin e Kuvendit, kreu i reformës në drejtësi, Fatmir Xhafaj shkëmbeu batuta me deputeten: Si më ike nga komisioni, moj Silva. Të paktën të më kishe lënë djalin në Komision.

Caka, përvecse një juriste simpatike, ka marrë vëmendjen e publikut si ligjvënëse me angazhimin e saj në Komisionin e Ligjeve, si dhe me disa iniciativa të saj ligjore, si ai i ligjit për Punën Vullnetare.

03/05/2016/.........................................

Zbulohet lidhja e gjyqtarit Hoxha me biznesmenin, e favorizoi kur vodhi energjinë
Gjyqtari Ibrahim Hoxha, që u arrestua dje për korrupsion, kishte edhe një lidhje tjetër me Dritan Jazenxhiun, personi që do të përfitonte nga vendimi gjyqësor sot në orën 09:30.

Burime nga grupi hetimor në Polici, thanë se Jezenxhiu ishte arrestuar pak muaj më parë nga policia, për vjedhje energjie. Prokuroria ka kërkuar dënimin e tij me 2 vjet burg.

Por gjyqtari (Hoxha) në një proces që vijon, e ka lënë atë me masën detyrim paraqitje. I arrestuari tjetër, që bënte rolin e sekserit Novruz Gajda, ka një njohje të vjetër me gjyqtarin nga Berati, pasi pa punuar më herët oficer në këtë rreth.
Video/ Aurela Gaçe: Pse qava gjatë xhirimeve të këngës për nënën

Sapo ka publikuar këngën e saj më të re, një baladë me ngjyrime popullore të krahinës së jugut.

Një këngë kushtuar njeriut me të shtrenjtë në botë, nënës, e titulluar thjesht “Nënë, e imja nënë”.

Kënga vjen me një kompozim brilant nga Adrian Hila, i cili ka qenë bashkëpuntor dhe i teksti të ndjerë, së bashku me Nexhip Seraj. Përsa i përket klipi, ai është xhiruar në natyrën e mrekullueshme shqiptare, ku bashkohet deti dhe mali.

E pikërisht për emocionet e forta që kjo këngë i ka përcjellë, vetë artistja ka treguar një sekret që ka ndodhur gjatë xhirimeve të klipit.

Në një postim në profilin e saj në Instagram, Gaçe shkruan:

“Do t’ju tregoj diçka që ndodhi gjatë xhirimeve. Kur xhiron, ti mund të kthehesh 10 herë për një skenë dhe sigurisht emocioni luhatet, ikën.

Në strofën e tretë ku thuhet “E KUR TE LARGOHESH TE MOS JESH ATY, DO TI LUTEM TOKES QE TE FLAS ME TY” thjeshtë mendova prindërit… Fatmirësisht i kam gjallë e mirë, por papritur përjetimi i vargjeve më mori me vete. Sytë filluan të lotojnë. Qëndrova para kamerës duke menduar që është vetëm një moment. Por për herë të parë ndërpreva xhirimin. 23 vjet në skenë dhe… më ndodhi. Qava… U qetësova, rregulluam grimin e vazhduam”,- shkruan Aurela, e cila si gjithmonë është treguar shumë e hapur me fansat e saj./tvklan.al/

Kurti tregon se nga e morën gazin lotsjellës që e hodhën në Kuvend
Ish-lideri i Lëvizjes Vetëvendosjes, deputeti Albin Kurti, në një intervistë për “Politico”, ka rrëfyer për shumë gjëra që kanë ndodhur në skenën tonë politike muajve të fundit.

Duke dëshmuar se si protestat paqësore nuk çuan askund, Kurti ka treguar se pikërisht gjatë këtyre protestave, kur Policia hidhte gaz lotsjellës në drejtim të protestuesve, disa prej bombolave nuk shpërthenin, dhe ai, së bashku me protestuesit tjerë, i mblidhnin dhe i fusnin në Kuvend.

“Kështu ka qenë: derisa merrnim pjesë në tubime paqësore, vumë re se disa nga qindra bombolat e gazit lotsjellës që policia i gjuante në drejtim tonin, nuk shpërthenin. Më pas ne i merrnim ato, i fusnim në gjepa dhe hynim në parlament ku unë, si anëtar i parlamentit, i ndeza përmes një shkrepëseje”,- ka treguar Kurti, transmeton “Koha.net”.

“Gazi lotsjellës i hedhur në parlament zhdukej për 30 minuta. Por nëse një entitet serb do të instalohej brenda shtetit tonë, nuk do të zhdukej për 30 vjet”,- ka potencuar deputeti Kurti.

Tutje, Kurti ka krahasuar presidentin e Kosovës, Hashim Thaçi, me Vuçiqin e Serbisë, me Putinin e Rusisë dhe me Orbanin e Hungarisë dhe.

“Në Evropën Lindore aktualisht, diktaturat kanë përfunduar, por është rikthyer autokracia. Modelet si Viktor Orban i Hungarisë, Aleksander Vuçiqi i Serbisë, Thaçi dhe Putini, fatkeqësisht janë në modë”, ka thënë Kurti.

I pyetur se pse Qeveria e Kosovës pajtohet me marrëveshjen për normalizim të raporteve me Serbinë, Kurti ka dhënë dy arsye.

“Arsyeja e parë është korrupsioni: janë shumë të korruptuar për të qenë politikanë të lirë dhe të ndershëm në raport me kombin e tyre. Janë të nënshtruar dhe të dëgjueshëm ndaj komunitetit ndërkombëtar, i cili toleron korrupsionin e tyre, sepse me gjasë të dyja palët u shpërbejnë disa qëllimeve më të mëdha – siç është stabiliteti.

Është një martesë e lumtur e interesave. Arsyeja e dytë është kompleksi i inferioritetit që politikanët e një kombi të shtypur duket se e kanë. Fakti se ju jeni çliruar dhe e keni shpallur pavarësinë, nuk nënkupton se ju jeni në të vërtetë i lirë. Politikanët tanë kanë kompleksin e inferioritetit si ndaj Brukselit, ashtu edhe ndaj Beogradit”,- potencon Kurti.

Kurti foli edhe për misionet ndërkombëtare në Kosovës, UNMIK-un e EULEX-in, por edhe për perspektivën evropiane të Kosovës. Ai tha se nuk dëshiron që BE të largohet nga Kosova, dhe që kjo e fundit të anëtarësohet në BE.

“Nuk po kërkoj që BE të heq dorë nga ne. Dëshiroj që Kosova të anëtarësohet në BE. Natyrisht se dëshiroj që edhe BE të ndryshojë. Ajo çka dëshiroj është një paraqitje tjetër të BE-së këtu. Jo me policë, me prokurorë e gjykatës, të cilët nuk na japin llogari neve dhe kanë imunitet diplomatik nga ndjekjet kriminale, por me ekspertë në agrikulturë e ekonomi”, u shpreh ish-lideri i Vetëvendosjes, Albin Kurti, transmeton Koha.net.

Në fund, deputeti i Vetëvendosjes foli edhe për bashkimin e Kosovës me Shqipërinë.

“Do të dëshironim që Kosova ta ketë të drejtën të bashkohet me Shqipërinë. Momentalisht, kushtetuta jonë nuk lejon bashkimin me një vend tjetër. Do të donim që këtë ta bënim në mënyrë paqësore dhe demokratike, e kundërta e ndarjes sonë, e cila është bërë dhunshëm nga fuqi të mëdha të dhunshme”,- deklaroi deputeti i Vetëvendosjes, Albin Kurti./Koha.net/
Shqipëria, i vetmi shtet i Europës që po rrit çmimin e naftës, shkau taksat e reja
Ekspertët e kishin paralajmëruar. Taksat e reja, si ajo e rilicensimit apo e arsimit, që duhet të paguajnë bizneset, do të ndikojnë drejpërdrejtë në rritjen e çmimit të naftës. Dhe kështu ka ndodhur. Prej ditës së djeshme çmimi i naftës është rritur me afro 5 lekë për litër.

Një rritje e ndjeshme që vjen pas disa muajsh kur çmimi kishte njohur ulje, ndonëse mbetej më i larti në rajon dhe një ndër më të lartët në botë; Shqipëria mban vendin e 17 në nivel global.

Aktualisht nafta po shitet me 156 – 157 lekë për litër. Javën e kaluar shitej me 151 – 152 lekë për litër.

Grosistët, të vënë shpeshherë në shenjestër të akuzave se abuzojnë me çmimet, pasi i rrisin menjëherë sapo nafta shtrenjtohet në bursë, por nuk veprojnë në këtë mënyrë kur në tregjet ndërkombëtare çmmi bie, thonë se arsyeja e rritjes së çmimit, është taksimi i ri.

Pikat e tregtimit me pakicë tani i paguajnë 5 herë më shtrenjtë licesat.

Në Tiranë, çdo pikë karburanti duhet të paguajë 5 milionë lekë për të rinovuar licensën. Në bashkitë e tjera kjo tarifë është 2 milionë lekë.

Këtë kosto shtesë, të vendosur nga qeveria Rama në dhjetor të vitit 2015, tregtarët e faturojnë në çmimin final të karburanteve. Tregtarët e kishin paralajmëruar se efekti i saj do të ishte rritja e çmimit me 5 lekë për litër.

Këtë vit, pikat e tregtimit të karburanteve në Tiranë, ashtu si edhe bizneset e tjera, duhet të paguajnë edhe taksën e re të arsimit.

Këtë taksë biznesi i madh e paguan për çdo NIPT sekondar. Kjo do të thotë se, një kompani që merret me tregtimin e kraburanteve, e paguan këtë taskë për çdo pikë karburanti që mund të ketë në territorin e Bashkisë së Tiranës.

Vetëm për një pikë, paguhet 37 mijë lekë në vit. Edhe këtë kosto, tregtarët e naftës ia faturojnë konsumtatorit.

“Një prej kompanive më të mëdha të karburantit i është faturuar taksa e arsimit në rreth 9 milionë lekë (rreth 65 mijë euro)”,- shkruan sot revista Monitor.

Veç taksave të reja duket se grosistët kanë shfaqur menjëherë edhe ndjeshmërinë ndaj rritjes së çmimit të naftës në bursë. Një fuçi aktualisht tregtohet me afro 46 dolarë, nga 30 dollarë që shitej në fillim të vitit.

Çmimi i naftës në Shqipëri mbetet më i larti në rajon edhe për shkak të taksave të tjera.

Mbi 100 lekë (të reja) për litër paguhet vetëm akciza, taksa e qarkullimit, e rritur në qeverinë Rama, taksa e karbonit dhe Tatimi mbi Vlerën e Shtuar./

Një grua denoncoi Shullazin, Berisha: Ja prona dhe personat e përfshirë
Një ditë pas publikimit të lajmit se një grua ka denoncuar Shullazin se i kanë marrë përmes presionit pronën me vlerë 1 milion euro, ka reaguar Sali Berisha.

Referuar një denoncimi, siç thotë ai, nga qytetari dixhital, ka zbardhur gjithë ngjarjen, pronën për të cilën bëhet fjalë dhe biznesmenët e përfshirë.