|
Mulkdor mol mulki natsionalizatsiya qilish tartibi qanday?
XUSUSIY MULKNI HIMOYA QILISH VA MULKDORLAR HUQUQLARINING KAFOLATLARI TO‘G‘RISIDAo’rQ-33617-modda. Mulkdorning mol-mulki natsionalizatsiya, musodara va rekvizitsiya qilinayotganda uning huquqlari kafolatlari
Xususiy mulk bo‘lgan mol-mulk natsionalizatsiya, musodara va rekvizitsiya qilinmaydi, qonunda nazarda tutilgan hollar bundan mustasno.
Xususiy mulk bo‘lgan mol-mulkni, shu jumladan yer uchastkasini natsionalizatsiya va rekvizitsiya qilingan hollarda olib qo‘yish, agar qonunda boshqacha qoida nazarda tutilmagan bo‘lsa, mulkdorga uning bozor qiymati, shuningdek bunday olib qo‘yish munosabati bilan mulkdorga yetkazilgan zararning o‘rni to‘la qoplanishi sharti bilangina amalga oshiriladi.
Mulkdor xususiy mulk bo‘lgan mol-mulkini natsionalizatsiya, musodara va rekvizitsiya qilish to‘g‘risidagi qaror ustidan sud tartibida shikoyat qilishga haqli.
JISMONIY VA YuRIDIK ShAXSLARNING MULK HUQUQLARI KAFOLATLARINI TAʼMINLASh HAMDA ER UChASTKALARINI OLIB QOʻYISh VA KOMPENSASIYa BERISh TARTIBINI TAKOMILLAShTIRIShGA DOIR QOʻShIMChA ChORA-TADBIRLAR TOʻGʻRISIDA VMQ-911. 16.11.2019
davlat va jamoat ehtiyojlari uchun er uchastkalarini olib qoʻyish — ushbu turda er uchastkasini olib qoʻyishga faqat quyidagi maqsadlarda yoʻl qoʻyiladi:
mudofaa va davlat xavfsizligi, muhofaza etiladigan tabiiy hududlar ehtiyojlari, erkin iqtisodiy zonalarni tashkil qilish va ularning faoliyat yuritishi uchun erlarni berish;
xalqaro shartnomalardan kelib chiqadigan majburiyatlarni bajarish;
foydali qazilmalar konlarini aniqlash va qazib chiqarish;
avtomobil yoʻllari va temir yoʻllar, aeroportlar, aerodromlar, aeronavigasiya obʼektlari va aviatexnika markazlari, temir yoʻl transporti obʼektlari, koʻpriklar, metropolitenlar, tunnellar, energetika tizimi obʼektlari va elektr uzatish tarmoqlari, aloqa tarmoqlari, kosmik faoliyat obʼektlari, magistral quvurlar, muhandislik-kommunikasiya tarmoqlarini qurish (rekonstruksiya qilish);
aholi punktlari bosh rejalarini Oʻzbekiston Respublikasi Davlat byudjeti mablagʻlari hisobiga obʼektlar qurish qismida ijro etish, shuningdek, qonunlar va Oʻzbekiston Respublikasi Prezidenti qarorlarida toʻgʻridan-toʻgʻri nazarda tutilgan boshqa hollar;
3-bob. Koʻchmas mulk obʼektlari buzib tashlanishi munosabati bilan mulkdorlarga kompensasiya berishning umumiy tartibi
41. Quyidagilar kompensasiya qilib beriladi:
a) olib qoʻyilgan er uchastkasida joylashgan koʻchmas mulk obʼektlarining bozor qiymati;
b) olib qoʻyilgan er uchastkasiga boʻlgan huquqning bozor qiymati;
v) koʻchirish, shu jumladan, boshqa koʻchmas mulk obʼektini vaqtinchalik olish bilan bogʻliq xarajatlar;
g) jismoniy va yuridik shaxslarning boy berilgan foydasi;
d) qonun hujjatlarida yoki Kelishuvda nazarda tutilgan boshqa xarajatlar va zararlar.
Oʻzboshimchalik bilan qurilgan uy-joy, ishlab chiqarish va boshqa binolar va inshootlarning qiymati ham qoplanishi lozim.
42. Beriladigan kompensasiya turlari:
a) pul mablagʻlari;
b) boshqa koʻchmas mulk obʼektini mulk qilib berish;
Buzib tashlangan koʻchmas mulk oʻrniga yangi qurilayotgan koʻchmas mulk obʼekti berish muddati boshqa koʻchmas mulk obʼekti vaqtincha foydalanishga berilgan kundan boshlab 24 oydan oshmasligi kerak. Agar koʻrsatilgan muddatda yangi koʻchmas mulk obʼekti berilmasa, tashabbuskor mulkdorga har bir kechiktirilgan kun uchun 0,01 foiz miqdorida jarima toʻlaydi. Bunda jarima miqdori buzib tashlangan koʻchmas mulk obʼekti qiymatining 50 foizidan oshib ketmasligi lozim.
Ammo kompentatsiya to’lanmagan va nizo kelib chiqqan bo’lsachi
JISMONIY VA YuRIDIK ShAXSLARNING MULK HUQUQLARI KAFOLATLARINI TAʼMINLASh HAMDA ER UChASTKALARINI OLIB QOʻYISh VA KOMPENSASIYa BERISh TARTIBINI TAKOMILLAShTIRIShGA DOIR QOʻShIMChA ChORA-TADBIRLAR TOʻGʻRISIDA VMQ-911. 16.11.2019
5-bob. Nizolarni hal qilish
61. Qoraqalpogʻiston Respublikasi Joʻqorgʻi Kengesi yoki tegishli xalq deputatlari Kengashlari tomonidan er uchastkasini olib qoʻyilishi yohud olib qoʻyilishini rad etilishi hamda Qoraqalpogʻiston Respublikasi Vazirlar Kengashi Raisi, viloyatlar va Toshkent tuman (shahar) hokimlarining koʻchmas mulk obʼektlarini buzib tashlash toʻgʻrisidagi qarorlari ustidan sud tartibida shikoyat qilinishi mumkin.
62. Mulkdor va tashabbuskor oʻrtasida yuzaga keladigan nizo boʻyicha kelishuvga erishilmagan taqdirda — ushbu nizo sud tartibida koʻrib chiqiladi.
63. Nizo kelib chiqqan taqdirda, ushbu nizo boʻyicha sudning qarori qonuniy kuchga kirgunga qadar er uchastkasi olib qoʻyilishi toʻgʻrisidagi qaror hamda olib qoʻyilayotgan er uchastkasida joylashgan koʻchmas mulk obʼektlarini buzib tashlash toʻgʻrisidagi qaror qabul qilinishiga yoʻl qoʻyilmaydi.
MTTT64-modda. Ma’muriy shikoyatni berish muddati
Agar qonunda boshqacha qoida nazarda tutilmagan bo‘lsa, ma’muriy shikoyat ma’muriy hujjat, protsessual hujjat to‘g‘risida tegishli tarzda xabardor qilingan paytdan yoki manfaatdor shaxsga ma’muriy harakat haqida ma’lum bo‘lgan paytdan e’tiboran o‘ttiz kundan kechiktirmay berilishi mumkin.
Ma’muriy shikoyat berish muddati, agar u uzrli sababga ko‘ra o‘tkazib yuborilgan bo‘lsa, shikoyatni ko‘rib chiquvchi ma’muriy organ tomonidan tiklanishi mumkin.
Do'stlaringiz bilan baham: |
