Vaziyatga huquqiy baho bering

1-MANTIQIY SAVOL
Ma’muriy-huquqiy munosabat turlari va uning o‘ziga xos xususiyatilarini tushuntirib bering.
Fikringizni amaliy misollar bilan tushuntirib bering.
JAVOB
Ma’muriy-huquqiy munosabatlar – bu ma’muriy huquq normalari asosida vujudga keladigan munosabatlardir.
Ma'muriy-huquqiy munosabatlar bu ma'muriy organlarning jismoniy va yuridik shaxslar bilan davlat boshqaruvi jarayonida yuzaga kelgan va ma'muriy-huquqiy normalar bilan tartibga solingan huquqiy munosabatlarning bir turidir.
Ma’muriy-huquqiy munosabatlar o’zining tuzilishiga ko’ra munosabat subyekti, obyekti va mazmuniga ega. Ma’muriy-huquqiy munosabatlarning subyekti unda ishtirok etuvchi tomonlar, ya’ni boshqaruv jarayonida ma’lum bir vakolatga ega bo’lgan (davlat boshqaruv organlari, mansabdor shaxslar) yoki boshqacha ma’muriy-huquqiy maqomga ega bo’lgan shaxslar (fuqarolar, jamoat birlashmalari) hisoblanadi. Ma’muriy-huquqiy munosabatlarning obyekti ma’muriy huquq subyektlarining harakatlari (qarorlari), ularning ijobiy yoki salbiy xulq-atvori hisoblanadi. Har qanday huquqiy munosabat ma’lum bir jarayonlarni tartibga solishga qaratilgan muayyan bir vazifani bajaradi. Shu sababli obyektsiz huquqiy munosabat bo’lishi mumkin emas. Ma’muriy-huquqiy munosabatlarning mazmunini ma’muriy huquq subyektlarining huquqlari, majburiyatlari, javobgarligi, taqiqlar, cheklovlar tashkil etadi.
Ma’muriy huquqiy munosabatlarga doir masalalar “Ma’mauriy tartib-taomillar to’g’risida”gi Qonun bilan tartibga solinadi. Ushbu qonunning 4-moddasida Ushbu Qonun ma’muriy organlarning manfaatdor shaxslarga nisbatan ma’muriy-huquqiy faoliyatiga, shu jumladan litsenziya, ruxsat berish, ro‘yxatdan o‘tkazish tartib-taomillariga, davlat xizmatlarini ko‘rsatish bilan bog‘liq boshqa tartib-taomillarga, shuningdek qonunchilikka muvofiq boshqa ma’muriy-huquqiy faoliyatga nisbatan tatbiq etiladi