Vaziyatga huquqiy baho bering

KAZUS
2017-yil Toshkent shahrida metro qurilishi munosabati bilan “Bahromxon” MChJga tegishli oshxona buzildi. “Bahromxon” MCHJ raisining aytishicha, “buzilgan oshxonamiz joyiga teng joy berishmayapti. Beramiz, deb va’da qilishadi. Lekin qachon berishi noma'lum. Biz loyihani 1849 m.kv. joyga moslab tayyorlaganmiz. O‘sha joyni bersa, keyin qurilish ishlarini boshlar edik. Hokimiyatga ekspertizadan o‘tkazilib, xulosasi olingan 1,6 mlrd so‘mlik qiymat bahosini ham berganmiz. Lekin haligacha javob olmadik”. Hokimlikning ma'lum qilishicha, “Bahromxon” MChJga Yashnobod tumanidagi davlat zaxirasidagi bo‘sh er maydonlari taklif qilingan, lekin tashkilot rahbariyati ushbu ko‘rsatilgan joylarni ma'qullamasdan, balki Toshkent shahar “Rohat” aylanasi atrofida o‘z mijozlariga egaligi, boshqa joydan er olib qurgan taqdirda mijozlarini yo‘qotishi mumkinligini ta’kidlab, Toshkent shahar hokimligiga murojaat qilgan va arizasi qanoatlantirilgan. Tadbirkorga “Rohat” avtosaloni orqasidan 0,12 gektarli er maydoni ajratib berish to‘g‘risida shahar hokimining qarori qabul qilingan. MChJga tegishli oshxona buzilishidan oldin, 2018-yil 3-dekabrda Yashnobod tuman hokimi vazifasini bajaruvchisi X.Tillashayxov imzosi bilan berilgan kafolat xatida “tuman hokimiyati qoshida tuzilgan komissiya xulosasiga asosan buzilayotgan mulkingiz qiymatidan kam bo‘lmagan kompensasiya turi ajratilishi kafolatlanadi” deb va’da berilgan. Lekin hokimlik bergan ma’lumotnomada kompensasiya puli haqida esa hech narsa deyilmagan.