ЎҚув адабиёти овқатланиш гигиенаси фани бўйича ўҚув қЎлланма профессор Г. И. Шайхова таҳрири остида

Шакарни аниқлаш. 250 мл ичимликка 2 мл 10 %ли сульфат кислота қўшилади. Сўнг 400 мл.ли воронкага 100 мл этил спирти қуйилиб 25 мл.дан ичимлик қўшилади ва хар гал воронка силкитилади ва ажралиб чиққан суви тўкиб ташланади. Эфирни ажратиб олиб бошқа колбага солинади, қуритилади ва таъми татиб кўрилади. Агар ширин бўлса таркибида сахарин мавжуд.
Бўёқнинг табиий ёки сунъийлигини аниқлаш. Яхна ичимликдан 100 мл.ли стаканга 50 мл солиб олинади ва ичига пахтадан тайёрланган оқ матонинг бир учини 3-5 дақиқа ботириб қўйилади. Мато олиниб оқар сувда 5 дақиқа давомида ювилади, агар матодан ранг кетиб қолса сунъий, ранг қолса табиий яхна ичимлик ҳисобланади.


ТАЪЛИМНИНГ ЗАМОНАВИЙ УСУЛЛАРИ
«Давра столи» ўйинини ўтказиш усули:
Иш учун зарур:

1. 
   Саволлар ва вазиятли масалалар тўплами алоҳида қоғозларда.
   
2. 
   Гуруҳдаги талабалар сони бўйича қуръа учун рақамлар
   
3. 
   Тоза қоғозлар, ручкалар.
   

Иш йўли:
Хамма талабалар қуръа бўйича 3 гуруҳга бўлинади. Ҳар битта гуруҳ алоҳида столга ўтиради ва тоза қоғоз билан ручкани тайёрлайди. Қоғозда сана, гуруҳнинг рақами, факультет, талабаларнинг Ф.И.О. кўрсатилади (ўйиннинг номи). Ҳар битта гуруҳнинг иштирокчиси конвертдан саволни олади. Талабалар ўз вазифасини қоғозга ёзадилар. Бу қоғоз айлана бўйича берилади. Ҳар битта талаба ўзининг жавобини ёзиб қоғозни ёнидаги талабага узатади. Ҳар битта талабанинг жавобига 3 дақиқадан вақт берилади. Вақт тугагач қоғоз ўқитувчига топширилади. Хамма иштирокчилар натижаларни муҳокама қилиб энг тўғрисини танлаб, унга максимал балл қўйишади. Муҳокамага 15 дақиқа берилади. Талабалар жавоблари учун баллни машғулотни назарий қисмининг рейтингига асосланиб олишади. Талабанинг олган бали машғулот учун баҳода ҳисобга олинади.
Талабаларнинг иши ўқитувчида қолади. Жавобларнинг таҳлили ўтказилади.


ВАЗИЯТЛИ МАСАЛАЛАР
1. Яхна ичимликлардан олинган намуналар текширилиши натижасида ичимликда хиралашиш ва нордон хид аниқланди. Сизнинг хулосангиз.
2. Ичимлик намуналари текширилиб уларда куйидагилар аниқланди: органолептик курсаткичлар ўзгаришсиз, қаттиқлик 8,5 г/см³, кислоталилик – 2^о . Сизнинг хулосангиз.