Ulıwma orta bilim beriw mektepleriniń 7-klası ushın sabaqlıq

5. Nege shayır sazan, ılaqa, bekire emes, al «shabaq» qa ózin uqsatadı?
6. Siz bul qatarlardı óz túsinigińiz boyınsha táriyiplep beriń. 

---

222
Qaratal, Watan, onıń sayası, shaqaları ana shayqatqan besiktey ırǵalıp, onnan 
shıqqan ses bolsa, búlbúlge hawaz qosqanday jaǵımlı dawısı qulaqqa setem beredi. 
Onıń sayasında dem alǵan insan kewlin ájayıp sezimlerge bóleytuǵın bul sıńǵırlaǵan 
ses qarataldıń qúdireti emes.
Suw boyında shayqatılǵan janım, qaratal,
Maǵan balzam, sen tımıqta shaqırǵan samal.
7. Ne ushın shayır dári, em, shıpa sózlerin emes, al «balzam» sózin 
paydalanǵan?
8. Bul sóz qosıqtıń ulıwmalıq mazmunın ashıp beriwde qanshelli 
áhmiyetli?
Mehir-muhabbat bulaǵı bolǵan ana óz hawazı menen «Ana háyyiwi»n jaratqan 
bolsa, qarataldıń terbelisken húwlegen samalı janǵa jaǵımlı jipektey perzent qálbin 
insanıylıq pazıyletke toltıradı. 
Qulaǵımnan ketpes ele, tuwısqan talım,
«Shayır bol» dep maǵan talay sıbırlaǵanıń. 
9. «Tuwısqan» sóziniń ne sebep paydalanılǵanına túsinik beriń.
Rasında da, qarataldıń sayasında otırıp, keleshek ármanları tuwralı oy júritken, 
ana kibi dos bolıp, másláhát-keńesin usınadı. 
Gúllene ber, tallı jaǵıs, paxtalı dalam,
Men seniń bir nart shıbıǵıń, men seniń balań. 
Haqıyqatında da, qaratal ózinde birqansha shaqalardı birlestirip, qáddin 
aspanǵa tik kóterip, ómirge nurlı kózler menen qarap, kóplegen tosıqlardı jeńip 
kelmekte. Bunday jánnet mákan jurtta jasap ómir keshiriw qarataldıń bekkemligin, 
sabırlılıǵın, gózzallıǵın inam etedi. 
(Z.Akimniyazova)
10. Ne ushın bul qatarda shayır «qara tal»dı táriyiplewden dalanı 
táriyiplewge ótip ketti? 
Joqarıda kórkem bayan etilgen bir qosıqtıń talqılanıwın ámelge asırdıq.