Ulıwma orta bilim beriw mektepleriniń 7-klası ushın sabaqlıq

13. Almasıqlardıń bul gáplerde qaysı aǵza wazıypasında kelgenligin 
aytıń.
14. Xızmetker hayaldıń qorqıp ketiwine ne sebep boldı?
Qoyandı alıp, Qaraqız apamnıń úyine keldim. Qoyan bizlerge úyrenip ketti. 
Biraq bir kúni onı joǵaltıp aldıq. Jumıstan kelsem, ájapam maǵan ayanıshlı kóz 
qarasta:
– Qoyanıń qashıp ketti. Onı iyt jep qoyǵanǵa qusaydı, – dedi.
– Qáytip joǵaladı? – dep soradım men.
– Birden qońsı úydiń iytleri úriwin basladı. Bir nárseni quwalap baratır. 
Qarasam, seniń qoyanıń. Qońsınıń atızına ótip ketipti. Quwıp jete almadım. Qoyan 
qashıp qutıldı ma, yaki iytler jep qoydı ma, bilmeymen, – dedi ájem ayanıshlı 
pishinde bolǵan waqıya haqqında maǵan xabarlasıp.
Kóshege atılıp shıqtım. Ishim ashıp qoyandı qıdıra basladım. Úy átirapın, 
háwlini, qońsı-qobalardıń úy betin izledim. Taba almadım. Oǵırı qayǵırdım.
Bunnan keyin de, bul biyshara janiwar qoyanımdı kóp esledim. Ulım Eldar 
kishkene waqtında men oǵan óz basımnan ótken waqıyalardı ertektey etip aytıp 
berer edim. Ol bolsa, qoyan haqqındaǵı eske túsiriwimdi ayrıqsha bir dıqqat penen 
tıńlar, qayta-qayta esitkisi kelip, ústi-ústine aytqızar edi. Oǵan ayrıqsha pochtadaǵı 
hayaldıń qorqıp baqırǵanı, onıń sanap atırǵan qaǵaz pullarınıń hawada ushıp 
júrgeni júdá unar edi. Ol bunnan ráhátlenip, qayǵırıp kúler edi... 
(Sh.Aytmatov)

---

218
Tapsırma 3.3. 
Haywanlardıń atların atań. Olardan qaysıları «Qızıl kitap» qa kirgizilgen 
dep oylaysız?
Tapsırma 3.4. 
«Jazǵı demalısta 
sayaxatqa qay jerge baraman?» 
temasında partalasıńız benen 
reje dúziń hám aytıp beriń. 
Kartadaǵı belgilerden paydalanıń. 
– Turistlik obyektler.
– Awqatlanıw orınları
– Turizm transportları

---