Ulıwma orta bilim beriw mektepleriniń 7-klası ushın sabaqlıq

3. Gáplerde qanday dánekerler qollanılǵan?
4. Qızıl menen berilgen sózler qaysı sóz shaqabına kiredi?
5. Qızıl menen berilgen sózler qaysı gáp aǵzasınıń xızmetin atqarıp tur? 
6. Qaharmanımızdıń kásibi qanday kásip dep oylaysız?
Sol biytanıs adam menen bolǵan waqıyadan keyin jıynalǵan salıqtı qońsı awıldaǵı 
pochta bólimine tapsırıw haqqında kórsetpe keldi. Solay etip, Grozniyǵa qatnaytuǵın 
boldım. Grozniy bolsa, bizge Kirovkaday uzaq emes. Bul jerdegi xalıqtıń kópshiligi 
orıslar bolıp, pochtada tek te orıs hayallar isleytuǵın edi.
Jaz kúnleriniń birinde 
ádetime bola
qaltanı aqshaǵa toltırıp, baylanıs bólimine 
jónedim. Ádettegidey, 
temir jol boylap, 
Maymaqtı gózlep ketip baratırman. Jazdıń 

---

216
kewildi kóteretuǵın hawasınan más bolıp ózimshe erkin nápes alıp, attıń jılawın bos 
jiberip qoydım. Ol júriwge eringen sıyaqlı ayaǵın 
zorǵa 
basıp kiyatır.
Kútilmegende
náresteniń jılaǵanına megzes bir dawıs qulaǵıma shalınıp qaldı. 
Jańa tuwılǵan balanıń ingálaǵanına uqsas sesten sergek tartıp qaldım. 
Hayran bolıp, 
átirapqa alaqlap
qaradım. Sheksiz sahrada adam áwladı kórinbeydi. Sonda bul náreste 
qaydan payda boldı?...
Dıqqat penen qulaq túrsem, balanıń dawısı qalıń ósken shóptiń arasınan shıǵıp 
atırǵanday. Sol tárepke qaray ketken jalǵız ayaq jol da bar eken. Attan sekirip túsip, 
dawıs shıqqan tárepke qaray
juwırdım.
7. Qızıl menen berilgen sózler pısıqlawıshtıń mánisi boyınsha qaysı túrine 
kiredi?
8. Náresteniń dawısına uqsas dawıstı esitkende qaharman qayaqqa baratır 
edi? 
Qamshı qolımda. Onıń menen shóplerdi eki tárepke ayırıp, júriw ushın ózime jol 
ashtım. Kózim túsken kórinisten aqılım hayran bolıp, 
qatıp qaldım. Murnımnıń astında 
qalay bolsa solay bir jılan kishkene qoyannıń balasın ayaǵınan baslap jutıp atırǵan edi. 
Ádette, jılanlar óz oljasınıń sestin shıǵarmay jutıp, soń 
qarnında onıń mazasın tatadı. 
Biyshara janiwar shıyqıldap, ózin ońǵa-solǵa urar, jan talasında bul 
záhárli báleden 
qutılıwǵa háreket eter edi.