Ulıwma orta bilim beriw mektepleriniń 7-klası ushın sabaqlıq

219
4-SABAQ
Tapsırma 4.1
Qosıqtı oqıń. Onda shayır ne demekshi bolǵanlıǵın óz sózińiz 
benen aytıp beriń.
Bul jer ele zor boladı
Qattı aǵıslı ullı dárya,
Kók teńizge quyǵan jerde,
Qos basarda ata-baba,
Súyenip siyseri belge.
Jer ashıp kegeylerden,
Suw aparıp daqıl ekken.
«Kósew shanıshsa kógergendey»,
Degen sózdi naqıl etken.
Usı jerde ónip-ósıp,
Qara shańaraq el bolǵanbız.
Awır miynetine kónip,
Islep qara ter bolǵanbız.
Jaǵalasıp jaw kelse de,
Bul jerdi hesh bermegenbiz.
Kim qay tilde sóylese de,
Tıl jatırqap kórmegenbiz.
Kewlimiz de, arımız da,
Bır górektey xanalasqan.
Malımız da, janımız da, 
Qanımız da aralasqan.
Diyqanshılıq gúl jaynasa,
Teńizinde aw maylaǵan.
Sharwaları mal aydasa,
Shayırları sóz aydaǵan.
Miynetin de,lázzetin de,
Basımızdan keshırgenbız. 
Jeti reńli súwretin de,
Ruwxımızǵa kóshirgenbiz.
Tegin emes tuwǵan topıraq,
Bezalmaydı adam degen.
Tereń tamır urǵan daraq,
Watan degen,watan degen!
(I.Yusupov)
Tapsırma. 4.2
. 
Qosıq tekstinen almasıqlardı tabıń hám qaysı túri 
ekenligin anıqlań.
Tapsırma 4.3.
 Tómende berilgen qosıq qatarlarında qara menen 
berilgen sózlerdiń mánisin túsindiriń hám bul qaysı tarawǵa tiyisli 
ekenligin túsindirip beriń. 
1. Jer ashıp 
kegey
lerden,
Suw aparıp daqıl ekken.
«Kósew shanıshsa kógergendey»,
Degen sózdi naqıl etken.
2. Tegin emes tuwǵan topıraq,
Bezalmaydı adam degen.
Tereń tamır urǵan daraq,
Watan degen,watan degen!
Tapsırma 4.4.
 Qosıq tekstinen paydalanıp, ondaǵı atlıq sózlerdiń qaysı 
seplikte turǵanlıǵın anıqlap, kesteni toltırıń.