Udk ­­ Qol jazba huqıqında

Qoraqalpoqni kóp maqtama kózimcha
«Bir xaliq kórdim, yuragi qovurǵasidan kórinar»
(Mixail LUKONIN)
Qaraqalpaqtı kóp maqtama kózimshe,
Qarmaqqa tez qabatuǵın xalıqpan.
Hár kimniń bar ázzi jeri ózinshe,
Shortanımday ańqıldaqlaw xalıqpan.⁸⁴
Bul qosıqtıń ózbekshelengen variantı tómendegishe:
Qoraqalpoqni kóp maqtama kózimcha,
Qarmoqqa tez tushadigan baliqman.
Har kimning bor ojiz joyi ózicha
Chórtanimday sal angqovroq xalqman⁸⁵
Qosıq sózbe – sóz durıs awdarmalanǵan, qaraqalpaqsha sózlerdiń naǵız ózbek tilindegi awdarması qollanılǵan, tórtinshi qatarda qaraqalpaq tilindegi «ańqıldaq» sózin «angqov» sózine awdarmalaǵan.
Qaraqalpaq tiliniń túsindirme sózliginiń I tomınıń 90-betinde AŃQÍLDAQ kel. Ishindenársesi joq, qalmaǵan, ishi gewek, kewip qalǵan.Bir ańqıldaq shortan jáne ılaqa, on kúnde alǵanım usı Ayırsha/Omar/. – dep berilgen
AŃQAW kel. Pikirsiz, aq kókirek, gódek, ashıq, kewlinde kiri joq. Batır ańqaw er gódek, Aydos biylikti alıp aqıbeti ne boldı. Kórip turǵanıńızday ańqıldaq sózi ańqaw degenge jaqın keledi, biraq qosıq qatarında angqov sózi turpayı kórinip turǵanday bizińshe. Ańqıldaq sózi sada, iseniwsheń, aq kókirek degendi ańlatadı. Solay eken awdarmada Chórtanimday sal angqovroq xalqman dep beriwdiń ornına Chórtanimday hayolparast/ishonuvchan/oq kókirak/ xalqman dep awdarmalansa maqul bolar edi. Shayır I. Yusupov shortanımday ańqıldaqlaw xalıqpan dep xalqınıń iseniwsheń, sada, aq kókirek xalıq ekenligin aytpaqshı, Shortanımday sál ańqawlaw xalıqpan dep jazsa da qosıq uyqası, buwın sanları tuwrı keledi biraq ol bulay jazbaǵan tiliniń baylıǵınan paydalanıp ańqıldaq dep bergen. «Oqıwshıǵa túsinikli bolıw kerek dep tuwrı kelgen sózdi ala beriw nadurıs. Awdarma túp nusqa tiline, milletine, mádeniyatına ásirese avtordıń qollanǵan sózlrine keri tásir etpewi tiyis.».⁸⁶ Ilimiy analizlewdi dawam etemiz.Qaraqalpaqshası:
Miynet dese jeń túringen palwanday,
Arbaǵa tay tiye dese tiyegen.
Doslıq dese juldız tawıp qalǵanday,
Xalqımnıń aq kókiregin súyemen.
Ózbek tiline awdarmalanǵanı:
Mehnat desa eng shimargan polvonday,