Udk ­­ Qol jazba huqıqında

JUWMAQLAW.......................................................................................................5

PAYDALANÍLǴAN ÁDEBIYATLAR...............................................................59

KIRISIW
Ilimiy jumıs temasınıń tiykarlanıwı hám aktuallıģı: Tez pát penen rawajlanıp baratırģan házirgi dáwir ģalaba xabar quralları xızmetkerleriniń aldına juwapkershilikli talaplar qoymaqta. Ǵalaba xabar quralları ғárezsizlikke eriskennen keyin já,iyette ayrıqsha orınģa iye bola basladı basladı. Ásirese, ģalaba xabar quralları ádebiyat, mádeniyat, kórkem-óner úgit-násiyatlaw, еlede rawajlanıwda ayrıqsha rol oynay basladı. Usı tiykarda, Prezidentimiz SH.M. Mirziyoyev tárepinen 2018-jılı qabıl etilgen «Ózbekstan jazıwshılar awqamınıń jumısın bunnan bılay da jetilistiriw ilajları haqqında» ǵı qararında óziniń ayrıqsha sáwleleniwin taptı.
Qaraqalpaqstan jurnalistikasında óz izertlniwin talap etip turǵan máseleler júdá kóp. Solardıń ishinde Qaraqalpaqstan baspa sózinde awdarma máselesi ele qol tiygizilmegen máseleler qatarında dep oylaymız. Ásirese, qaraqalpaq jazıwshı hám shayırları shıǵarmalarınıń basqa tillerge awdarılıwı olardıń baspa sózde sáwleleniw máseleleri ele izertlenbegenligi kópshilikke málim. Talantlı qaraqalpaq shayırları lirikaları ózbek, qazaq, túrkmen, qırǵız, tatar, noǵay, ingilis, rus, fransuz, nemis, túrk hám basqa da xalıqlardıń tillerine awdarma islegenligi bizdi quwandıradı. Biraq, olardıń sol tillerge awdarılıw sapası qanday dárejede, kórkemlik talaplarǵa juwap beredi me, baspa sózde beriliw formaları búgingi kún talaplarına juwap bereme usı sıyaqlı máselelerdi úyreniw qaraqalpaqstan jurnalitikasınıń áhmiyetli problemalarınan esaplanadı. Qaraqalpaq klassik shayırları Berdaq, Ájiniyaz, I.Yusupov, T.Jumamuratov bunnan basqa kóp ģana jazıwshı hám shayırlarımızdıń shıģarmaları ózbek, qazaq, túrkmen poeziya ıqlasbentleri súyip oqıydı, bul sóz zergerleriniń shıģarmaları túrli tillerge awdarmalanıp gazeta hám jurnallarda járiyalandı. Al qaraqalpaq oqırmanları qońsılas ádebiyat dúrdanaları shıģarmalarınıń awdarmaların gazeta hám jurnallarda jiyi ushıratımız.Ásirese, awdarmanınıń orginallıģı, оqıwshılar tárepinen jaqsı qabıl etkenligin ģalaba xabar qurallarında járiyalanģan kórkem awdarmalardan biliwimizge boladı.
Sol kóz-qarastan alıp qaraytuģın bolsaq, Qaraqalpaqstan baspasózinde kórkem awdarma islew qanday dárejede, kórkem awdarma mektebi, sheberlik máseleleri hár tárepleme izertlep, oģan baha beriw aktual máselelerdiń birinenbolıp tabıladı.