Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

25.4. Kórkem shıǵarmalardan kómekshi sózlerge mısallar tabıń.
25.5. Tekstten kómekshi sózlerdi tabıń.
Bárkamal áwlad tárbiyası – aktual wazıypa
Házirgi jańalanıp atırǵan jámiyetimizde tálim – tárbiyanı túpten ózgertiw mámleket siyasatınıń eń baslı baǵdarlarınan esaplanadı.
Ǵárezsiz respublikamızda sonday úlken wazıypa sheshilip atırǵan waqıtları tálim – tárbiyanı dúnya júzlik standart dárejesine kóteriw pedagog alımlardıń aldına sheshiliwi zárúr bolǵan mashqalalardı qoymaqta. Eń tiykarǵı maqset oqıwshını erkin, óz betinshe pikirleytuǵın, aqıllı insan etip jetilistiriwden ibarat.
Kadrlar tayarlawdıń milliy modelinde usı másele yaǵnıy kámil insan hám jetik qánige tayarlaw tiykarǵı maqset etip qoyılǵan.
Prezidentimiz aytqanınday «Házirgi eń baslı, eń aktual wazıypamız – jámiyetimiz aǵzaların, eń áwele ósip kiyatırǵan jas áwladtı kamalǵa keltiriw, olardıń júreginde milliy ideya, milliy ideologiya, óz watanına mehir – saqawat sezimin oyatıw, ózligin ańlaw, milliy hám ulıwma insanıylıq qádiriyatlar ruxında tárbiyalawdan ibarat».
Bul baslı wazıypalar pedagogika pániniń aldına da aktual mashqalalardı qoymaqta. Usınday mashqalalardıń biri bilim beriwde shaxs tárbiyasınıń texnologiyası bolıp tabıladı.
Hámmege málim tálim – tárbiya protsesin ámelge asırıwda anıq bir maqset belgilep alınadı, nızamlar kabıl etiledi, baǵdarlamalar hám is ilajlar islenip shıǵıladı, rejeler belgilenedi hám bular házirgi dáwir talabı dárejesinde ámelge asırıladı. Bárkamal insandı qáliplestiriw bul belgili pedagogikalıq sistemanıń joybarı sanaladı, yaǵnıy bárkamal insan tárbiyasınıń maqseti, mazmunı, tárbiya usılları, túrleri hám quralları bulardıń barlıǵı ózine tán texnologiya bolıp tabıladı.
26. XXI ásir ilimi
Modal sózler
26.1. Teksttegi astı sızılǵan sózlerge itibar beriń.
Áziz jaslarımızdıń keleshegi aydın
Erkin hám jańasha pikirleytuǵın, zaman talabına juwap beretuǵın áwladtı qáliplestiriwge eristik. Watanımızdıń erteńgi kúnin, táǵdirin óz qolına alıwǵa múnásip bolǵan perzentlerimiz búgin minberge shıqpaqta. I.A.Karimov.
Mámleketimizde hár jılı 600 mıńnan zıyat zaman talabına juwap beretuǵın jas qánigeler keminde eki, úsh kásip – ónerdi, shet tillerin, internet hám axborot texnologiyaların, zamanagóy bilim shoqqıların iyelegen, rawajlanǵan mámleketlerdegi teńlesleri menen bellesiwge tayar bolǵan, kózi janıp turǵan jigit – qızlarımız búgin jámiyetimizdiń haqıyqatında da, sheshiwshi kúshine aylanıp atır.
Durısın aytıw kerek, ǵárezsizlikke eriskenimizden soń ilim – bilim tarawında kóp ǵana tájiriybeler alıp barılıp óz nátiyjesin bermekte. Máselen, ilimpazlarımız ullı babalarımızdıń dástúrlerin dawam ettirip eń aldıńǵı, eń jańa ideyalardı, ilim – pánniń jańalıqların turmısımızǵa engizip atır.
Qullası, ilimpazlarımız arasında jaslar da ǵárezsiz watanımızdıń ilimiy – ekonomikalıq, ilimiy – texnikalıq, mádeniy, ruxıy – aǵartıwshılıqtı rawajlandırıw jolında keń kólemli ilimiy izertlewler, fundament hám ámeliy tájiriybeler alıp barıp atır.