Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

Qaraqalpaqsha	Ózbekshe
Inglisshe
modal sózler	modal	modal words
isenimdi bildiriwshi	ishonchni bildiruvshi	expressing degrees of certainty
boljawdı bildiriwshi	taxmin	expressing supposition
maqullawdı bildiriwshi	tasdiqni bildiruvshi	expressing agreement
minnetlilikti bildiriwshi		expressing degrees of obligation
emocional qatnastı bildiriwshi	his hayajon	estimate proper

27. Ózbekstannıń ekologiyalıq mashqalaları
Tańlaq, eliklewish sózler
27.1. Tekstti oqıń.
Ekologiyalıq mashqala
I nsan jasap atırǵan ortalıq penen óz – ara qatnasları, adamzat iskerliginiń tábiyatqa unamsız tásiri jaman aqıbetlerge alıp keletuǵınlıǵı kesh túsiniledi. Adamnıń ómir sharayatında hár qıylı qolaylılıqlar jarataman dep adamzat geyde tábiyatqa biypárwa qatnasta bolıp qaladı. Aqıbette jámiyette hawa, suw hám topıraq, tábiyat ónimleri sapasınıń buzılıwı júzege keledi. Eń ashınarlısı balalar ólimshiligi kóbeydi, mayıplar sanı arttı, aqılıy jaqtan kemshiligi bolǵan balalar tuwıldı.
Ǵárezsizlikke eriskennen keyin bul máselege itibar hár qashanǵıdan da kúsheydi. Házirgi kúnde Aral apatshılıǵı eń úlken mashqalaǵa aylandı.
B irinshi Prezidentimiz I.A.Karimov BMSh «Mıń jıllıq sammiti» sessiyasında sóylegen sózinde «Aral» mashqalası Oraylıq Aziya aymaǵınıń sheńberinen shıǵıp ketti hám pútkil dúnyalıq áhmiyetke iye bolmaqta. Onıń unamsız aqıbetlerin búgingi kúnde klimat sharayatınıń, biologiyalıq teń salmaqlılıǵınıń ózgeriwinde, xalıqtıń salamatlıǵı hám keleshek áwlad genofonına tásirinde kóriw múmkin – degen edi.