Тузувчилар: Икромова Мақсуда Джалиловна Тошкент иқтисодиёт коллежи психологи Абдурахмонова Камола Абдунабиевна Тошкент Темир йўл транспорти коллежи психологи Тақризчи

Ахлоқий зўравонлик - ўз “ўлжаси” устидан ҳукмронлик ўрнатишнинг самарали усули. Бу кўпинча ташқаридаги одамлар учун кўринмайди. Аёл таҳқирланади, танқид қилинади, унга, фарзандларига, қариндошларига зиён етказиш билан таҳдид солинади, доим назоратда бўлади, барча тадбирларда кузатилади, баъзан шахсий буюмларигача йўқ қилинади.
Молиявий ҳолатини суистеъмол қилиш - бу зўравонга ўз “ўлжаси” устидан назорат ўрнатиш учун молиявий воситалардан фойдаланиш имконини берувчи маиший зўравонлик тури. Мустақил даромад топишни тақиқлаш (ишлашга рухсат бермаслик), амалга оширилган харидлар ҳақида тўлиқ ҳисобот бериш, болаларни таъминлаш учун алимент тўламаслик, озиқ-овқат маҳсулотлари ва кийим-кечаклар учун пул бермаслик.


Маиший зўравонликка қарши қандай курашиш мумкин?
Бунга қарши ёлғиз курашиб бўлмайди. Қўрқиб яшовчи, руҳий жиҳатдан эзилган зўравонлик қурбони аниқ ва “шафқатсиз” қарорлар қабул қилиш ҳолатида бўлмайди. Бу ерда нафақат яқинларнинг, балки давлат томонидан ҳам қўллаб-қувватлаш керак бўлади. Зеро зўравонлик, энг аввало, шахсга қарши жиноят, шахсий эркинлик ҳуқуқларининг бузилишидир.
Республика реабилитация ва шахслар адаптацияси марказида зўравонликдан азият чеккан кишиларга ёрдам кўрсатилади. Профилактика ишлари билан эса Бош прокуратура, ИИВ, Таълим вазирлиги ва Хотин-қизлар қўмитаси шуғулланади.
Жиноятга жазо муқаррар
Беқарор ҳаёт кечириш, ичкилик, шайтоний ва шаҳвоний, балои нафс домида интиҳоси хайрсиз эканини кўра-била туриб қалтис қилмишлар гирдобига тушиш, одам қиёфасидан чиқиш фожиага элтади.
Умримизнинг ҳар онида ақл ва идрок, тафаккур, инсон деган номга муносиблик ҳамроҳ бўлсин! Ҳуқуқий сабоқ, ҳуқуқий маданият, маърифий билим қонун устувор, ҳар қандай жиноятга нисбатан жазо муқаррар, деган тушунчага амал қилишга одатланайлик.


Ўзбекистон Республикасининг маъмурий жавобгарлик
тўғрисидаги кодексидан
40-модда. Туҳмат
Туҳмат, яъни била туриб ёлғон, бошқа бир шахсни шарманда қилувчи уйдирмаларни тарқатиш —энг кам иш ҳақининг йигирма бараваридан олтмиш бараваригача миқдорда жарима солишга сабаб бўлади.
(40-модданинг санкцияси Ўзбекистон Республикасининг 2005 йил 28 декабрдаги ЎРҚ-18-сонли Қонуни таҳририда — Ўзбекистон Республикаси Қонун ҳужжатлари тўплами, 2005 й., 52-сон, 384-модда)