Тузувчилар: Икромова Мақсуда Джалиловна Тошкент иқтисодиёт коллежи психологи Абдурахмонова Камола Абдунабиевна Тошкент Темир йўл транспорти коллежи психологи Тақризчи

Ўқув дастурининг мақсад ва вазифалари
Инсонни ҳар томонлама баркамол этиб тарбиялаш башариятнинг азалий орзуси бўлиб, аждодларимиз маърифат ва маданиятни қандай қилиб ёш авлодларга ўргатиш, уларни комилликка етаклаш йўллари, қонун-қоидаларини излаганлар. Ана шу изланишлар натижасида миллий тарбия асослари шаклланди. Тарбия, айниқса баркамол инсон тарбияси бугунимиз учунгина эмас, балки келажагамизнинг ҳам ҳаёт ва мамот ишидир.
Мазкур курс орқали ўқувчи-ёшларни
мақсадга интилувчан;
ҳиссиётларни бир маромда тутиш;
мулоҳазалилик;
турли қийинчиликларга чидамли бўлиш;
ҳар хил шароитларга тез мослашиш;
хулқ-атвори, характери, одат ҳамда кўникмалари, юриш-туришини назорат қилиб боришга ундаш;
ахлоқий ва маънавий жиҳатдан гўзал ҳамда етук қиладиган, инсоний
фазилатларни ривожлантириш;
инсон фанда илгари кетса-ю, ахлоқда оқсаса, у олдинга эмас, орқага кетишини уқтириш;
оилавий муносабатларга тайёрланиш;
оилада, тенгдошлар ўртасида, каттага ва кичикка нисбатан ҳамда ижтимоий ўзаро тушуниш;
оиладаги вазифаси ва маъсулияти билан бир қаторда ҳақ-ҳуқуқини билиш;
ўз эҳтиросини бошқара олишни ўргатиш.
Инсон учун қайтиб келмайдиган шу даврни киши ҳаётида тутган ўрни, бундай олтин даврини янглишишларсиз, келгусида афсус-надоматсиз, армон бўлиб қолмайдиган даражада унумли, сермазмун қилиб ўтказиш тўғрисида маслаҳатлар беришни мақсад қилади.


Машғулотларни ташкил этиш бўйича кўрсатмалар
Машғулотлар учун белгиланган мавзуларни ёритишда ҳаётий мисолларга таянилади. Мавзуларнинг таъсир доираси кучли бўлиши учун қўшимча материаллар, психологик тренинглар ва уйга вазифалардан ўрнида фойдаланиш лозим. Айниқса, психологик тренинглар кўп вақтни олмаслиги учун ёзма иш шаклида уйга вазифа қилиб берилгани ва ўқитувчи ҳар бир иш билан алоҳида танишиб чиқиши керак. Ўқитувчи саралаб таҳлилга тортилган қўшимча материалларга ўқувчиларнинг муносабатларини диққат билан тинглаб хулоса чиқариши ва ўқувчиларда салбий иллатларга қарши иммун тизимини мустаҳкамлашга ёрдам беради.