Тузувчилар: Икромова Мақсуда Джалиловна Тошкент иқтисодиёт коллежи психологи Абдурахмонова Камола Абдунабиевна Тошкент Темир йўл транспорти коллежи психологи Тақризчи

Ҳовуз (онага муносабат)
Дарахт ёнидаги қўл сизнинг онангизга тўла боғланганлигингиз ифодасидир. Бироқ ташвишланманг: бу мутлақо нормал ҳолат. Кўпчилик кизлар учун мураккаб вазиятларда севимли оналари ёрдами ва маслаҳатига мурожаат қилиш хосдир. Агар барча нарсада онангиз сизни назорат қилишни хоҳласа, ундан ранжиманг, чунки у сиз ҳақингизда ғамхўрлик қилади. Қўл дарахтдан узокда тасвирланса ва жуда кичик бўлса, онангиз сизнинг ҳаётингизда иккинчи даражали роль ўйнайди. Сиз онангиз билан жуда яқин эмассиз. Муносабатларингизда ўзаро ишонч ва очиқлик мавжуд эмас. Онангиздан сирларингизни яширасиз, онангизни тушунишга ҳаракат қилмайсиз. Балки качонлардир ораларингда низо юз берган ва у сизларни бир-бирингиздан узоқлашишга ҳамда ўзаро тушунмовчиликларга олиб келгандир. Бу низони бартараф қилиш керак эмасми? Балки тез орада бирга ўтириб дилдан гаплашиб оларсизлар?
Тўлқин, ўт, ўрдак
Элементларнинг бундай жойлашуви онангизни қандай идрок этишингиз ва қабул қилишингиз ҳақида дарак беради. Онангизнинг ўгитлари малол келади, бироқ бироз вақт ўтгач, сизнинг ўртангизда илиқ муносабатлар ўрнатилади (бу ҳақида тўлқинларга қараб билиш мумкин).
Уй (сизнинг моддий бойлик ва дабдабаларга муносабатиигиз)
Катта, чиройли уй
Агар расмда уй катта жойни эгаллаган бўлса, бу сизнинг ҳамма нарсадан ҳам моддий бойликларни афзал кўришингизни билдиради. Пул сиз учун биринчи даражали аҳамиятга эга. Агар уй билан бирга пардалар, кресло ва шунга ўхшаш нарсалар тасвирланса, бу сизнинг дабдаба ва қулайликларсиз яшай олмаслигингиздан дарак беради.
Фавқулодда дизайнли уй
Сиз акс этгирган уйда гараж, балкон кабилар муфассал чизилган бўлса, сиз чиройли, замонавий, қулай шароитда яшашни ёқтиришингизни билдиради. Буларга пул ҳам қўшилса, бу юксак орзуларингиз белгисидир.
Эртакона қаср
Сиз хаёлпарастсиз, тўғрими? Сиз ўзингизнинг эришиб бўлмайдиган орзуларингиз билан яшайсиз ва атрофингиздаги нарсаларни кўрмайсиз ҳам. Шунингдек, сиз бажонидил, ҳаттоки боридан ҳам зиёд кўп пул сарфлашни ёқтирасиз.