Тузувчилар: Икромова Мақсуда Джалиловна Тошкент иқтисодиёт коллежи психологи Абдурахмонова Камола Абдунабиевна Тошкент Темир йўл транспорти коллежи психологи Тақризчи

Салбийлари - ўзгалар фикрига тобелик, бетартиб, ўта юмшоқ, талабчан
эмас, қатъиятсиз, нарсаларни аямайдиган, лақма, сентиментал, кўнгли бўш.
Тўртбурчак. Асосий қадриятлари: ўзгариш, динамика, азарт. Асосий психологик хусусиятлари:
Ижобийлари - интилувчан, янгиликни қидирадиган, қизиқувчан, яхши таълим оладиган, зийрак, сезгир, ишонувчан, самимий, дадил, яхши ўйинчи.
Салбийлари - Қатъиятсиз, қарорлари мавҳум, иш ва сўз бирлиги йўқ, енгилтак, ишонувчан, эмоционал беқарор, содда, ўзига баҳоси паст, ланж, унутувчан, кечиримли.
Зигзаг. Асосий қадриятлари: эркинлик, ижод, ўзгариш. Асосий психологик хусусиятлари:
Ижобийлари - янгилик, ижодга интилиш, билишга чанқоқлик, ғалаёнчи,
ҳаёлпараст, оптимист, келажакка интилган, руҳи тетик,
экспрессив, ташаббускор, ақлли.
Салбийлари - тартибсизлик, қўнимсизлик, ўзгарувчанлик, индивидуализм,
ишончсиз, қонунларни бузувчи, реалистик қарашнинг йўқлиги, субутсиз, импульсив, ўзини намойишкорона кўрсатадиган, заҳар, кесатиб гапирадиган.


4-психологик машғулот:
Уйда чизиб келинган расмларни ўқитувчи таҳлил қилиб беради.


«ЁМҒИР ОСТИДАГИ ОДАМ» МЕТОДИКАСИ
Бу методика кам тарқалган, аммо қизиқарли ва информатив бўлиб, Одамнинг Эгоси (Мени) қай даражадалигини, нохуш вазиятларни енгиб ўтиш ва унга қарши тура олиш қобилиятини диагностика қилишга мўлжалланган. Шунингдек, бу методика ёрдамида шахс резервларини ва ҳимоявий механизмлари хусусиятларини диагностика қилиш мумкин.
Умумий ҳолатлар
Кўрсатма: Синалувчига вертикал ҳолатда қўйилган А4 формат оқ қоғозда «Одам расмини чизинг» дейилади ва ишни бажаргандан кейин худди шундай бошқа қоғоз берилиб, “Ёмғир остидаги одам” расмини чизиш таклиф қилинади. Бу нима учун керак? Биринчи топшириқ одамни одатдаги вазиятда ўзи ҳақидаги тасаввурини акс эттирса, иккинчиси ноқулай вазиятда у ўзини қандай тутишини акс эттиради. Синалувчи аёл биринчи топшириқда ўз жинсидаги одамни чизса, иккинчисида эркакни чизиши мумкин. Бунинг ҳеч қандай хато жойи йўқ. Бу дегани, бу аёл мураккаб вазиятларда эркакларга хос ҳимоя механизмини ишга солишини билдиради.
Икки расмни солиштириш одамни стресс, нохуш вазиятларга жавобан ўзини қандай тутиши, қийинчиликларда нима ҳис қилишини аниқлаш имконини беради.
Расмни шархлашда қуйидагиларга асосланиш тавсия этилади. Расм тайёр бўлганда уни бутунича қабул қилиш, кўриш муҳимдир. Расмга «кириб» ҳис қилмоқ зарур, персонаж қандай кайфиятда (хурсанд, шод хуррам, хафа бўлганми ва хоказо), ўзини кучсиз хис қиладими ёки аксинча қийинчиликлар билан курашиш учун ички ресурсларини хис қиладими, балким, қийинчиликларни одатдаги ҳаётий воқеа-ҳодиса ҳисоблаб, уларни хотиржам ва тўғри қабул қилар. Шундай қилиб, расмдан олингаи глобал таассуротни кузатиш муҳим.
Расмнинг варақда жойлашищи
Юқори ёки паст: Агар расм варақнинг кўпроқ юқори қисмида жойлашган бўлса, бу одамдаги ўз-ўзини юқори баҳолашни, жамиятдаги ўз ўрнидан мамнун эмаслигини, уни тан олишлари етишмаётганини билдиради. Агар варақнинг юқори кисмида жойлашган одам фигураси жуда кичик бўлса, у ҳолда бу одам ўзини тан олишмаган даҳо (гений) дек билади.
Агар расм кўпроқ варақнинг пастки қисмида бўлса, расм муаллифи ўзини
паст баҳолайдиган, ўзига ишонмайдиган, тушкун, журъатсиз (қатьиятсиз), ўзини кўрсатиш билан боғлиқ қурқувлар, ўзининг жамиятдаги ўрни билан қизиқмаслик ифодаси бўлиши мумкин.
Расмни горизонтал ўқ бўйича (чап, унг) жойлашиши: агар расм кўпроқ чап томонда жойлашган бўлса, одам кўпроқ ўтмиш тажрибасига таянади, ўз ўзини таҳлил қилишга мойил, хатти- харакатларида қатьиятсиз, пассив; агар расмни кўпроқ қисми ўнг томонда жойлашган бўлса, у ҳолда бу одам ўйлаганини дарҳол амалга оширувчи ҳаракатчан, фаол ва серғайрат.