Тузувчилар: Икромова Мақсуда Джалиловна Тошкент иқтисодиёт коллежи психологи Абдурахмонова Камола Абдунабиевна Тошкент Темир йўл транспорти коллежи психологи Тақризчи

Чизиқларнинг характерини баҳолаш: енгил чизиклар - куч-қувватнинг етишмаслиги, эркин эмаслик; босим билан чизилган чизиқлар -тажовузкорлик, шаддодлик, сўзини ўтказиш, қатъият, тиришқоқлик, хавотирлилик; текис бўлмаган босиб чизиш - импульсивлик, ўзгарувчанлик, беқарорлик, хавотир (ташвиш).
Фигура контури: узилмай чизилган чизиқлар - изоляция; контур узилиши - низо сфераси; кўп учли бурчаклар - тажовузкорлик, ёмон мослашув (адаптация); қўш чизиқлар - хавотир, қўрқув, шубҳа гумон; штрихлар (чизиқ) чизиш - хавотирлик зонаси.
«Ёмгир остидаги одам» проектив методикасида одам фигураси қандай тасвирлангани ахамиятли. Чапга қараган - диққати ўзига, ўз фикрлари, ўтмишдаги кечинмаларига қаратилган; ўнгга қараган - расм муаллифи келажакка интилган, фаол; одам орқаси билан тасвирланган, энсаси кўриниб турган бўлса - ёпиқлик, низоларни бартараф қилишдан қочиш.
Агар одам чопаётан қилиб тасвирланган бўлса, расм муаллифи муаммолардан қочишни хоҳлайди. Юриб кетаётган одам яхши мослашганлик (адаптация)ни билдиради. Агар одам расмда омонат (қалқиб тургандек) турган бўлса, таранглик, ушлаб турадиган асоси - мувозанати йўқлигини билдиради. Таёқчалардан иборат фигура негативизм, методикага қаршиликни билдиради. Ўта болаларча, ўйинли расмлар қўллаб-кувватлашга, маъкуллашга эҳтиёжни билдиради. Ҳазил расмлар ўзига нисбатан баҳоловчи муҳокамалардан кочиш. Бирор хислати етишмаслик, номукаммаллик кечинмалари, душманлик, адоватни билдиради.
Тана
Бош - интеллект ва назорат сфераси. Нопропорционал катта бош синалувчининг ишончли фикрлашини билдиради. Кичкина бош -интеллектуал ноадекватлик, ижобий хислатлари етарли эмаслик кечинмаларини билдиради.
Бўйин — ақлнинг хиссиёглар билан алоқаси. Ҳаддан ташқари катта бўйин, расм чизувчи ўзининг тана импульсларини сезиб, назорат қилишга уринишини билдиради. Узун, нозик бўйин ўз тана импульсларини англашда тормозланишни билдиради. Қисқа семиз бўйин - расм чизувчи ўзининг заиф томонларига, хоҳишларига ён босишини билдиради. Бўйин рўмолча билан боғланган бўлса ақл билан хиссиётлар ўртасида боғлиқликнинг узилишини билдиради.
Елкалар - жисмоний куч белгиси. Елка қанча катта бўлса ҳукмронликка, тан олинганликка эҳтиёж шунчалик кўплигини билдиради. Кичик елка – ўзининг арзимаслигини, нотовон, обрўси йўқдек хис қилишини билдиради. Суйри елкалар - умидсизлик, чорасизлик, айбдорлик хиссидир.