Тузувчилар: Икромова Мақсуда Джалиловна Тошкент иқтисодиёт коллежи психологи Абдурахмонова Камола Абдунабиевна Тошкент Темир йўл транспорти коллежи психологи Тақризчи

Жавоблар
Саволлар рақами
	1	2	3	4	5	6	7	8	9	10
А	0	0	1	2	0	2	2	0	0	2
Б	1	1	1	0	2	0	0	2	1	0
В	2	-	-	-	-	-	-	-	3	0
Г	3	-	-	-	-	-	-	-	2	0
Д	-	-	-	-	-	-	-	-	2	-
	11	12	13	14	15	16	17	18	19	20
А	0	0	2	2	0	0	2	1	0	0
Б	1	2	1	0	2	1	0	0	2	1
В	2	1	0	0	-	2	1	2	-	2
Г	0	3	-	-	-	0	-	-	-	-

Натижалар таҳлили
14 ва ундан кам балл - Бундай кишиларнинг иродаси кучсиз бўлади.
15-25 баллгача - Кучли иродали ва мулоҳазали киши эканлигидан далолат.
26-38 баллар - Иродаси ўта кучли, ўзига бино қўйган киши.
38 дан юқори балл - Иродаси кучли, характери рисоладагидек, бироқ ўзини тўғри баҳолай олмайдиган киши.

1- УЙГА ВАЗИФА

Мавзу: Одам қандай бўлиши керак?
Таҳминий режа:
А) Сиз ўзингизни қанчалик одобли деб ҳисоблайсиз?
В) Қандай камчиликларингиз бор?
Г) Сизни муаммолар гирдобига тушириб қўяётган камчиликларингиздан
қандай қутилиш мумкин?
Биринчи масала. Инсонлар аҳлоқ – одоб жиҳатидан бир хил бўлмайди.
Буни ҳамма яхши билади. Ҳар бир одамда аҳлоқий ҳатти-ҳаракатлар, аҳлоқий муносабатларнинг қайсидир жиҳатлари устун, яхши шаклланган, ривожланган, қайсидир томонлари суст, бўш бўлади. Шу билан бирга ҳар бир киши ўз оила муҳитида маълум бир аҳлоқий фазилатларни шакллантира олган бўлса, қайсидир жиҳатлари жамоа орасида, ўқиш, иш давомида мустаҳкамлана борган. Шу жиҳатдан сиз ўзингизга қандай баҳо берган бўлардингиз?
Иккинчи масала. Ҳеч бир инсон беками – кўст эмас. Фақат Парвардигорнинг ўзи беками-кўст. Шундай экан. Ҳар биримизда аллақандайдир камчиликлар мавжуд. Хўш биз уларни сезамизми, биламизми? Бир ўйлаб кўрайлик! Ахир камчиликни йўқотиш учун, аввало уни билиб олмоғимиз зарур. Камчиликни тан олиш – айб эмас! Уни билиб туриб, унга барҳам бермаслик – айб!
Хўш, камчиликларимиз нималардан иборат? Улардан халос бўлиш учун нима қилишимиз керак, нима қилдик, нима қилмоқчимиз? Шулар ҳақида рўйи рост ёзинг ва улардан қутилиш чораларини кўринг. Балким устозингиз ва дўстларингизнинг ёрдами керакдир. Дарслар давомида Сизни қийнаётган саволларга жавоб топасиз, деган умиддамиз.
Сизни муаммолар гирдобига тушираётган камчиликларни топишда Луқмони Ҳаким ҳикматлари асқотади деган умиддамиз.
Бу ёзма иш ўзингиз учун эсдалик бўлиб қолсин!

Луқмони Ҳаким ҳикматларидан

Луқмони Ҳаким — Шарқ халқлари орасида тенги йўқ ҳаким ва

донолик тимсоли ҳисобланган афсонавий шахс.
1. Кимга панду насиҳат қилсанг, унга аввало ўзинг амал қил.
2. Сўзни ўз қадрингга лойиқ гапир.
3. Одамларнинг қадрини бил.
4. Ҳамманинг ҳақ-ҳуқуқини англа.
5. Нотавон ва нодон одамдан қоч.
6. Яхши ишга астойдил кириш.
7. Сўзни исботи билан гапир.
8. Ёшликни ғанимат бил.
9. Ота-она ғанимат.
10. Харжни киримга қараб қил.
11. Олижанобликни ўзингга шиор қил.
12. Ўқимай устозлик қилма.
13. Қилинмаган ишни бажарилган ҳисоблама.
14. Ўзингдан каттага ҳазил қилма.
15. Ўтган жанжални эслама.
16. Бировни бировнинг олдида хижолат қилма.
17. Қошу кўзинг билан имлаб чақимчилик қилма.
18. Бировни бемаъни кулдиришдан тийил.
19. Ўзингни хотинлардек ясатма.
20. Иғвогар одам билан суҳбатдош бўлма.
21. Иложи борича биров билан уришма ва хусумат қилма.
22. Бировнинг куч-қудратини синовчи бўлма.
23. Катталардан олдинда юрма.
24. Ёши улуғлар сўзлаётганида уларнинг гапига қўшилма.
25. Бошингни осилтириб ўтирма.
26. Девона ва маст билан сўзлашма.
27. Маҳалла бошида бекорчи ва бебошлар билан ўтирма.
28. Фойда-ю зиёнга ўзингни уриб, обрўйингни тўкма.
29. Манман ва такаббур бўлма.

2-УЙГА ВАЗИФА

Қуйида келтирилган шеърий намуналарни ўқиб чиқиб, ҳаётий мисоллар билан шарҳлашга ҳаракат қилинг. Балки, Сиз гувоҳи бўлган, эшитган ёки ўқиган ҳикоянгиз дўстларингизнинг ҳаётида асқотар.