Тошкент Тиббиёт Академияси

Кўрсатмалар: дихлотиазидникига ўхшаш.
МЕРКУЗАЛ (новурит) Нg-симоб, Сукцинатдегидрогеназа (СДГ) ферментдаги –SH гуруҳини блоклайди ва шу туфайли сукцинатдан водород атомини ажралиши кескин камаяди. Натрий ионларининг қайта сўрилиши учун шароит яратилмаганлигидан у пешоб таркибида, сувни бириктирган ҳолда ажралади. Гипохлоримик алкалоз чақиради, препаратнинг таъсири унда кескин сусаяди. Мушак ичига киритилса, таъсири 2-3 соатдан сўнг бошланиб, 1 кун давом этади.
ТЕМИСАЛ, ЭУФИЛЛИН – ксантин ҳосилалари. Томирларни кенгайтириб, буйракда қон айланишини тезлаштиради ва бирламчи пешоб кўп ҳосил бўлади. Лекин натрий ва хлор ионларининг реабсорциясига таъсир этмаганлигидан пешоб ажралишини унча кучли оширмайдилар. Калий ионлари пешоб таркибида ортади. Асосан юрак-томир етишмовчилигида самара берадилар.
СПИРОНОЛАКТОН – альдостероннинг рецепторларини қамал қилади, натижада натрий ионлари қайта сўрилмайди ва у хлор ионлари ва сув билан пешоб таркибида ажралади. Лекин калий ионлари секрециясини камайтиради ва унинг миқдори қонда ошади. Бу аснода спиронолактон триамтеренга ўхшайди. Спиронолактон таъсирида кислота-ишқор мувозанати ўзгармайди. Шу сабабли ацидоз ва алкалозларда ҳам самарадор. Организмда пешоб кислотасини тўпланишига олиб келмайди. Лекин спиронолактон кучсизроқ диуретикдир. Таъсири аста-секин ривожланади. (2-3 кун). Препарат қон босимини туширади. Препарат одатда ичилади.
Нохуш таъсири: гиперкалиемия, гинекомастия, бош айланиши, терида тошмалар; Буйрак хасталикларида қўллаш мумкин эмас.
МАННИТ – диуретик таъсири организмдан кўп миқдорида эркин сувни ажралиши билан боғлиқ. Пешоб таркибида кўп миқдорда натрий ионларини ажралишига олиб келади. Калий ионларини пешоб таркибида ажралишига таъсир этмайди. Препарат концентрацияси қонда қанча катта бўлса, унинг диуретик таъсири шунча юқори бўлади. Лекин буйракнинг фильтрациялаш қобилияти пасайганда таъсири юзага чиқмайди.