Тошкент Тиббиёт Академияси

Нохуш таъсири: қон оқиши, қон қуйилиши, диспепсия, жигар функциясининг сусайиши, аллергик реакциялар.
Антикоагулянтларни тромбозлар, эмболиялар, тромбофлебит, миокард инфаркти, стенокардия, юрак нуқсонларида қўлланилади.
Гематурия, меъда ва 12 бармоқ яраси, язвали колитлар, буйрак тош-хасталиги, ҳомиладорликда қўллаш мумкин эмас. Жигар патологиясида эхтиёт бўлиб қўллаш керак.

ФИБРИНОЛИТИК ВОСИТАЛАР

(Тромболитиклар).
Бу гуруҳ препаратлари ҳосил бўлган тромбларни хам эритиш хусусиятига эга.
СТРЕПТОЛИАЗА (стрептаза) – гемолитик стрептоккоклар ҳосил қиладиган стрептокиназанинг препаратидир. Унинг таъсирида профибринолизинни (плазминогенни) фибринолизин (плазминга) айланиши кучаяди. Фибринолизин протеолитик фермент бўлиб, фибринни эритади.
Стрептолиаза янги ҳосил бўлган тромбларда (3кун олдин бўлган) яхши самара беради. Веналардаги тромблар артериялардагига нисбатан яхшироқ эрийди. Томирга киритилади. Аллергик реакциялар ва хароратни ошириши мумкин.
СТРЕПТОДЕКАЗА-стрептолиазага ўхшаш, лекин узоқроқ таъсир этади (2-3 сутка).
УРОКИНАЗА (пешобдан ажратилган) – стрептолиаза каби таъсирга эга, лекин унга хос нохуш таъсирга эга эмас.
Бу препаратларни қўллаганда қоннинг фибринолитик фаоллигини назорат қилиш керак.

ГЕМОСТАТИКЛАР

Қон оқишини тўхтатишга имкон берадиган воситалар куйидаги гуруҳларга бўлинади:

1. 
   Махаллий таъсир кўрсатувчи-тромбин, гемостатик чипта.
   
2. 
   Умумий таъсирли-витамин К₃ ни ўрнини босувчилар-викасол, витамин К, витамин К₂.
   

Улар жигарда протромбин, проконвертин ва қон ивишида иштирок этувчи бошқа омилларни синтезини кучайтирадилар.
Бу гурухга желатин ва фибриноген ҳам киради. Бу препаратларни геморрагик синдромларда қон оқишини тўхтатиш учун қўлланилади.

АНТИФИБРИНОЛИТИК ВОСИТАЛАР.

АМИНОКАПРОН КИСЛОТАСИ. Профибринолизинни фибринолизинга айланишини тўхтатади, чунки у шу жараённи фаоллаштирувчи омилга ва фибринолизинга бевосита сусайтирувчи таъсир кўрсатади. МИТдан яхши сўрилади. 2-3 соатдан кейин қонда энг юқори концентрацияси аниқланади. Заҳарлилиги паст.