Тошкент Тиббиёт Академияси

Қўлланилиши:алиментар ва дорилар таъсирида ривожланган макроцитлар анемиялар. СПРУ (ич кетиш, глоссит, эндокрин безларнинг гипофункцияси, кескин озиб кетиши), ҳомиладорлар анемиясида. Цианкобаламин билан биргаликда ҳавфли анемияда. Эритропоэзни сусайтирувчи воситалар асосан эритремияда (Вакез хасталиги)–полицетимия хасталигида қўлланилади.
Na₂Н₃Р₂О₄ таркибида фосфор изотопи бор натрий фосфат. Бу препарат томир ичига ёки МИТга киритилади. Миқдори милликюри (мКи)да ўлчанади. Препарат қонда эритроцит ва тромбоцит миқдорини камайтиради.

ЛЕЙКОПОЭЗГА ТАЪСИР ЭТУВЧИ ВОСИТАЛАР.

Лейкопоэзни кучайтирувчи воситалар, лейкопения ва агронулоцитозни даволашда қўлланилади. Бу хасталиклар кимёвий бирикмалар (бензол, тетраэтил қўрғошин, пестицидлар ва бошқалар) қўзиқоринлар, қишлаган донлар, нур касаллиги, юқумли касалликларда микроблар заҳарлари билан заҳарланиш (қорин тифи, грипп, сил) ҳавфли ўсимликларга қарши қўлланиладиган дорилар ва бошқалар таъсирида ривожланади. Юқоридаги омиллар таъсирида суяк мағзида қон ҳосил қилишда қатнашувчи ҳужайралар ҳалок бўлади ва қон шакли элементларининг синтези камаяди. Лейкоцитлар (алейкия) лейкоцитларнинг, айниқса донадор лейкоцитларнинг камайиб кетиши (агранулоцитоз), инсоннинг микробларга қаршилик қилиш қобилиятини кескин камайтиради. Агронулоцитоз ривожланишининг асосий сабаби, нуклеин кислоталарининг алмашинувини бузилишидир. Шунинг учун агронулоцитозни бартараф этишда хамиртуришдан (дрожжа)олинадиган, нуклеин кислотасининг Na⁺ тузи қўлланилади. Уни парентерал ва энтерал қўлланилади. Нуклеин кислоталарининг таркибига пиримидин асослари киради. Шу сабабли пиримидин унумлари (пентоксил, метацил) лейкопоэзни кучайтирувчи воситалар сифатида қўлланилади. Иккала препарат ҳам жароҳат, яраларни битишини тезлаштиради, лейкопоэзни кучайтиради, яллиғланишни камайтиради. Бу препаратлар ичилади. Пентоксилга нисбатан метилурацил маҳаллий қўзғатиш чақирмайди. Шу туфайли пентоксил диспепсик ўзгаришлар чақиради.
Лейкопенияларни даволашда лейкопоэзни бошқарувчи ўсиш омиллари ҳам қўлланилади. Кейинги йилларда ген инженерияси туфайли, бундай дорилар яратилди. Жумладан, инсоннинг рекомбинант гранулоцитар макрофагал колонияларни стимулловчи омил(GM-CSF)яратилди.
МОЛГРАМОСТИМ – гликопротеид бўлиб, Т лимфоцитлар, макрофаглар, фибробластларда ҳосил бўлади ва гранулоцитлар, моноцитлар, макрофагларни пролиферацияси, дифференцировкаси, функциясини бошқаради. Молграмостим эозонофиллар пролиферациясини камроқ стимуллайди. Ҳамда эритропоэзни бошқарувчи эритропоэтин кофактор ҳисобланади.