Тошкент Тиббиёт Академияси

Нохуш таъсири йўқ, лекин препаратнинг таркибий қисмларига аллергия бўлса қўллаш мумкин эмас.
ОРАЗА (Orazum) – гранулалари овқатланишдан олдин ёки у билан биргаликда ичилади. Меъда кислотасига чидамли бўлган протеолитик ва амилалитик ферментлар комплексидан иборат (амилаза, мальтаза, протеаза, липаза). Aspergiltus oryzae-замбуруғининг культурасидан олинади. Меъдада парчаланмайди, ичакнинг ишқорий муҳитида эрийди. Ичакда овқат ҳазм бўлишини яхшилайди. Ичак мушаклари тонусини пасайтиради, спазмолитик хоссага эга. Даволаниш бошлангандан 4-5 кун кейин диспепсия, оғриқ ва ич кетишлар бартараф бўлади.
Кўрсатмалар: фесталники каби.
Нохуш таъсирлари: деария бўлган беморларда баъзан ич кетиши кучайиши мумкин. Даволаш 2-4 хафта давом этади.
ПАНЗИНОРМ ФОРТЕ (Panzyronum forte) – таркиби меъда шиллиқ қаватининг экстракти, қорамол сафросининг қуруқ экстракти, панкреатин ва аминокислоталарнинг хлорид кислота тузларидан иборат. 1 та таблетканинг фермент фаоллиги қуйидагича: липаза-6000 МЕ, Трипсин-450 МЕ, химотрипсин-1500 МЕ, амилаза-7500 МЕ. Панзинорм форте кучли фаоллиликга эга, турғун полифермент препарати бўлиб, овқат ҳазм бўлиш жараёнини меъда ва ичакда кучайтиради. Таъсир кучи айниқса кучсиз нордон шароитда юзага чиқади. Яъни препарат ҳам меъда, ҳам ичакда фермент етишмаслиги туфайли ривожланадиган овқат ҳазм бўлиш жараёнини бузилишларини бартараф этади. Препарат сафро, меъда, меъда ости бези ва ичак ферментларини кучайтирувчи моддалар сақлайди. Таблеткалар шундай таёрланганки, ундаги ферментлар аста-секин, ўзларининг оптимал физиологик таъсирларини ривожланиш даркор бўлган жойларда ажралади. Жумладан, препарат таркибидаги сафро экстрактида ўт кислоталари бўлиб, ёғларни ҳазм бўлишини кучайтиради, меъда ости безидан липазани ва протеазани ажралишини оширади. Бу эса 12-бармоқли ичакда овқат ҳазм бўлиши жараёнини кучайтиради. Препарат таркибидаги меъда шиллиқ қаватининг экстракти таркибида юқори протеолитик фаолликга эга бўлган пепсин ва катепсин ҳамда пептидлар ва аминокислоталар бўлиб, улар гастринни ажралишини ҳамда меъда безларини стимуллаб, HСl кислотасининг ажралишини кучайтиради. Препарат таркибида барча эссенциал аминокислоталар бўлиб, улар меъда, меъда ости бези ва ингичка ичак шираларини ажралишини, ҳамда препаратдаги пепсинни турғунлигини оширади. Препаратнинг биринчи қавати меъда шираси таъсирида эриб, ундан пепсин, катепсин ва аминокислоталар ажралади, ичакда эса препаратнинг қолган ички қисми эрийди ва панкреатин ҳамда қорамол сафроси эсктракти ажралади. Яъни препаратнинг таркибий қисмлари керакли жойда ўз таъсирини намоён этади. Яхши тарафи шундаки панзинормнинг таркибидаги моддалар нафақат етишмаган ферментлар ўрнини босадилар, балки уларни ажралишини ҳам кучайтирадилар.