Тошкент Тиббиёт Академияси

Қўллашга кўрсатмалар: ўткир ва қайталанувчи панкреатитлар, операциядан кейинги носпецифик ўткир паротит, хар турли карахтликлар, тўқималарнинг кенг ва чуқур жароҳатланишларида, коагулопатиялар ва бирламчи гиперфибринолитик қон кетишларда. қорин бўшлиғи аъзоларининг операцияларидан (айниқса меъда ости безининг атрофида) кейинги даврда ривожланадиган панкреатитларни олдини олиш учун.
Нохуш таъсири: аллергик реакциялар, диспепсия, индивидуал ўзлаштира олмаслик.
Қўллаш мумкин бўлмаган ҳолатлар: Аллергия, тромбофлебитлар, анафилактик шок.
КОНТРИКАЛ (Contrykal) ва ИНГИТРИЛИН (Ingitilum) Ушбу иккала препарат ҳам, сўйилган қорамолларнинг ўпкасидан ажратиб олинадиган полипептид.
Таъсири, қўллашга кўрсатмалар, нохуш таъсири худди пантрипинникига ўхшаш, яъни протеолитик ферментлар фаоллигини сусайтиради.
ТРАСКОЛАН (Trascolanum) – юқорида келтирилган препаратларга ўхшаш протеазалар ингибитори. Панкреас бези маҳсулотлари ўрнига, ушбу безнинг фаолияти кескин сусайиб кетган ҳолатларда, овқат ҳазм бўлишини яхшилаш мақсадида қуйидаги препаратлар ишлатилади.
ПАНКРЕАТИН (Pancreatinum) – сўйилган қорамолларнинг меъда ости безидан олинади. Таркибида трипсин ва амилаза ферментлари бор. Ичакнинг ишқорий шароитида крахмални ва оқсилларни парчалайдилар. Овқатдан олдин ичилади. Даволаш 1-2 ой давом этади.
Кўрсатмалар: сурункали гастродуоденит, панкреатит, гепатохолецистит ва бошқа овқатни ҳазм бўлиши сусайган ҳолатларда.
Нохуш таъсири: аллергия.
ФЕСТАЛ (Festal) – таркибида меъда ости бези ферметлари ва сафро таркибига кирувчи моддалар бор: (липаза ва амилаза , протеаза, гемицеллюлоза, сафро компонентлари). Ичакнинг ишқорий шароитида оқсиллар ва углеводларни парчалаб, сўрилишини таъминлайди.
Кўрсатмалар: меъда ости безининг ташқи секрецияси етишмовчилиги, сурункали панкреатит, гастроэнтерит, қариларда овқат ҳазм бўлишини сусайиши, инфекциялардан кейинги колитлар, спру, операция ва антибиотик(сульфаниламид)ларни қўллагандан кейин ривожланувчи овқатни ҳазм бўлишини бузилишларида.