Тошкент Тиббиёт Академияси

МЕЪДА ОСТИ БЕЗИНИНГ ЭКСКРЕТОР ФУНКЦИЯСИ БУЗИЛГАНДА ҚЎЛЛАНИЛАДИГАН ВОСИТАЛАР

Овқат маҳсулотларининг ичакда парчаланиб, ҳазм бўлишида меъда ости безидан ажралиб чиқувчи ферментларнинг (протеолитик-трипсин, химиотрипсин, коллагеноза; амилолитик, альфа ва гамма-амилаза; липолитиклипаза) аҳамияти катта. Шу сабабли меъда ости безининг ўткир ва сурункали хасталикларида ушбу без фаолиятини бошқариш зарурияти туғилади. Ҳозирги вақтда меъда ости безига таъсир этувчи воситаларни қуйидаги гуруҳларга бўлиш мумкин:

1. 
   Панкреас бези фаолиятини кучайтирувчи: секретин, холецистокинин
   
2. 
   Панкреас бези ферментларини сусайтирувчи: пантрипин, гордокс, ингитрил (контрикал), трасколан
   
3. 
   Панкреас бези махсулоти ўрнига ишлатилувчи воситалар: панкреатин, панзинорм, фестал,мезим, ораза, нигадаза ва бошқалар.
   

СЕКРЕТИН (27 аминокислотадан иборат пептид), камроқ даражада холецистокинин, ичак гормонлари бўлиб, меъда ости бези фаолияти секрециясини кучайтирадилар. Иккала препарат ҳам сўйилган чўчканинг 12-бармоқли ичак қаватидан ажратиб олинади. Синтетик йўл билан ҳам олинган. Асосан ташхис қўйиш мақсадида қўлланилади. Парентерал йўл билан киритилади.
Меъда ости бези ферментларини фаоллигини сусайтирувчи воситаларга антифермент препаратлари киради. Улар асосан протеолитик ферментлар фаоллигини сусайтириб, биологик фаол полипептидларни ажралишини тўхтатадилар (М-н: кининлар, калидин, брадикинин), ҳамда капиллярлар ўтказувчанлигини камайтириш ҳисобига шишни ривожланишига тўсқинлик қиладилар. Натижада оғриқни, некроз ривожланиши, заҳарланишни, яллиғланишини бартараф этиб карахтлик даражасини ва ўлимни камайтирадилар. Асосан ўткир ва сурункали панкреатитларда, гиперфибринолиз туфайли юзага келган қон кетишларда қўлланиладилар.
ПАНТРИПИН (Pantrypinum) ва ГОРДОКС (Gordox) препаратлари ҳам сўйилган қорамол меъда ости безининг экстракти бўлиб, полипептид занжирларидан иборат протеолитик ферментлар: трипсин, химотрипсин, калликреин, плазмин ва бошқалар фаоллигини бартараф этадилар ва шу туфайли аутолиз жараёнини тўхтатиб, оғриқ ва ялиғлланишни камайтиради, ҳамда ўткир панкреатининг некроз, абцесслар ва перитонит каби асоратларни ривожланишига тўсқинлик қилади.