Тошкент Тиббиёт Академияси

Нохуш таъсири: дихлотиазидларникига ўхшаш. Фуросемид қўлланилганда калий тузлари кўп бўлган пархез бўлиши керак.
ДИАКАРБ – карбоангидраза ферментини танлаб сусайтиради. Натижада карбонат кислотасининг ҳосил бўлиши ва бикарбонат ва натрий ионларнинг найчалар шиллиқ қаватидан сўрилиши камаяди. Ҳамда уларнинг миқдори пешобда ортади. Бу ўз навбатида пешоб таркибида сувни кўп ажралишига олиб келади. Пешоб рН ортади, калийни ажралиши ҳам ортади. Лекин хлор ионларининг ажралиши ўзгармайди. қоннинг ишқорий резерви камаяди ва ацидоз ривожланиши мумкин, бунда препаратнинг самарадорилиги камаяди. Диакарб таъсирида бошқа аъзолардаги карбоангидраза ферменти фаоллиги сусаяди. Жумладан, кўзда шу туфайли суюқлик камаяди. Орқа мия суюқлиги, ошқозон шираси ва бошқалар… Диакарб МИТдан яхши сўрилади. Таъсири 1-3 соатдан сўнг бошланиб, 10 соатгача давом этади. Лекин пешоб ажралиши фаоллиги фуросемид ва бензотиадизинларникидан паст.
Нохуш таъсири: уйқусираш, парестезиялар, гипокалиемия. Ҳозирда пешоб хайдовчи восита сифатида кам қўлланилади, лекин глаукома, тутқаноқ хасталикларида қўлланилади.
ЭТАКРИН КИСЛОТАСИ – фаоллилиги бўйича фуросемиддан кучсиз бўлса ҳам, анча кучли диуретик.
Таъсир механизми: фуросемидникига ўхшаш, яъни бикарбонатлар ажралишини кучайтирмайди, қоннинг электролитлар таркибини ўзгартирмайди. Препарат асосан проксимал найчаларда, натрий ионларини, нефроннинг кўтарилувчи генли сиртмоғи қисмининг семиз бўғимини бутун юзаси бўйича, хлор ионларини реабсорбциясини камайтиради. Кучсиз бўлса ҳам калий ионларининг ажралишини оширади. Организмнинг кислота-ишқор мувозанати бузилган холда ҳам, диуретик хоссаси яхши сақланади. Томирга киритилганда таъсири 15 минутдан сўнг бошланиб, 3-4 соат давом этади. Ичилганда таъсири 1-1,5 соатдан кейин бошланиб, 8 соатгача давом этади. Этакрин кислотаси қон босимини ўртача туширади. Беморлар уни фуросемидга нисбатан ёмонроқ қабул қилади (айниқса, сурункали буйрак етишмовчилигида).
Нохуш таъсири: гипокалиемия, гипохлоримия, алкалоз, бош айланиши, қувватсизлик, диспепсия, (карлик-эшитишни кескин сусайиши). Анурия ва ҳомиладорликда қўлланилмайди.