Тошкент Тиббиёт Академияси

Хом-ашё ва материалларни сақлаш ва транспортировка қилиш.
Хом-ашё ва бошқа материалларни корхоналарга олиб бориш қўл меҳнатисиз бажарилиши керак. Чунки бу жараён натижасида шикастланиш, ишчиларда физик зўриқиш, ишчиларда бевосита заррли омиллар билан мулоқатдан мустасно бўлиши керак
Ташиш ва транспортировка қилиш операцияларини бажаришда ишчилар кийими ва танасини, иш зонаси ва корхона территориясини ифлослантиришни олдини олиш чоралари кўрилиши керак. Тош, шағал қум, лой ва бошқа материалларни транспортировка қилишда ташувчи ва туширувчи механизациялашган усул ёрдамида; очиқ баржа ва баржа плошадкалари, темир йўл платформалари, ярим вагон ва автоматика мосламаларида фойдаланиш керак.
Порошок ва кукун сифат материаллар (цемент, гипс, фосфорит уни ва бошқалар) ни транспортировка қилиш чанг ҳосил қилмайдиган махсус темир йўл вагонлари ва “цементовоз” туридаги автомашиналарда ташилади. Кукун сифат материалларини транспортировка қилиш мустаҳкам материалдан тайёрланган тараларда транспортировка қилинади. Бу материалларни махсус тараларга жойлаш технологик жараёнда тўкмасдан солинади. Ядохимикатларни ташишда тараларга маркировка қилинади.
Зарарли ва агрессив холатдаги суюқ моддалар (кислота, анилин, нитробензол, бензол,фенол ва бошқалар) ни транспорт қилишда махсус цистерналардан фойдаланилади. Суюқсимон зарарли ва агрессив моддалар, катта миқдордаги сиқилган зарарли газлар омборхонадан бевосита корхоналарга, фланц ва арматура бирикмаларига чидамли узатувчи қувурлар орқали юборилади.
Тез музлайдиган ва катта ёпишқоқ моддалар учун цистерналарда кимёвий холатини ўзгартирмай тез иситиб берадиган ва ёпишқоқ моддани суюқ холатга айлантириб берадиган мослама бўлиши керак. Шу билан бирга атмосфера ҳавосига зарарли пар ва газларни ажралиб чиқишини олдини олиш керак.
Кам миқдордаги (2 т гача) зарарли ва агрессив суюқ моддаларни ташиш механик жиҳатдн мустаҳкам ва кимёвий жиҳатдан жидамли тараларда транспортировка қилинади (мослама, қонтейнер, бочкалар).
Сиқувчан зарарли газлар (хлор, аммиак, фосген ва бошқалар) ни катта миқдорда (5 т дан ортиқ), транспортировка қилиш махсус темир йўл ва автомобиль цистерналарда ташилади.
Юқорида кўрсатилган моддаларни ташишда ҳосил бўлувчи шовқин, тебраниш, чанг, газлар миқдори санитар меъёрларда кўрсатилган руҳсат этилган меъёрлардан ошмаслиги керак. Бу моддаларни цистерналарга солиш ва тушириш жойлари кўтарувчи транспорт мосламалари билан ишланган бўлиши керак.