Toshkent davlat yuridik universiteti jinoyat huquqi

 
7.3. Jinoyat obyektiv tomonining ahamiyati
 
Jinoyat obyektiv tomonining, birinchi navbatda, ijtimoiy xavfli qilmishni 
to‗g‗ri kvalifikatsiya qilishning garovi sifatida ahamiyatga ega. Ta‘kidlash lozimki, 
JK Maxsus qismi moddalari dispozitsiyasida jinoyat tarkibining obyektiv tomoni 
belgilari ko‗proq tasvirlanadi. Ushbu belgilar jinoyatlarni bir-biridan farqlash 
hamda ularni kvalifikatsiya qilishda mezon vazifasini ham bajaradi. Ayniqsa, bir 
xil ayb shaklida aynan bir obyektga tajovuz qiluvchi qilmishlarni o‗zaro farqlashda 
jinoyat obyektiv tomoni muhim rol o‗ynaydi. Masalan, talon-toroj qilishning 
turlari qasddan va aynan bir obyektga tajovuz qilishda ifodalansa-da JK Maxsus 
qism tegishli moddalarida ifodalangan jinoyat obyektiv tomon belgilariga ko‗ra 
farqlanadi. 
Shunday qilib, jinoyat obyektiv tomonining ahamiyati quyidagilarda 
ko‗rinadi: 
obyektiv tomonsiz jinoyat tarkibi mavjud emas, mos ravishda obyektiv 
tomon bo‗lmasa, ijtimoiy xavfli qilmish jinoyat sifatida baholanishi mumkin emas; 

---

74 
obyektiv tomon belgilari qilmishni jinoyat sifatida kvalifikatsiya qilishda, 
uni boshqa huquqbuzarliklar yoki o‗xshash jinoyatlardan farqlashda ahamiyatga 
ega; 
obyektiv tomon belgilari jinoyat-huquqi norma dispozitsiyasini tashkil 
qiladi, ya‘ni O‗zbekiston Respublikasi JK Maxsus qism moddalari 
dispozitsiyasining faktik asosini tashkil etadi; 
ijtimoiy xavfli oqibatning miqdori sodir etilgan qilmishning ijtimoiy 
xavflilik darajasini aniqlashda, shuningdek jinoyatning ijtimoiy xavflilik darajasini 
baholashda muhim sanaladi; 
obyektiv tomon belgilari sud tomonidan javobgarlikka tortish va jazo 
tayinlashda yengillashtiruvchi yoki og‗irlashtiruvchi holat sifatida baholanishi 
mumkin.