Toshkent davlat yuridik universiteti jinoyat huquqi

Jinoyat sodir etish joyi 
– jinoyat sodir etilgan hudud. Jinoyat sodir etilgan 
joy tushunchasi jinoyat sodir etilgan muayyan kenglik, hududni anglatadi, masalan, 

---

71 
uy, qo‗riqlanadigan tabiiy hudud, harbiy qism va boshq. Agar jinoyat sodir etish 
joyi moddaning dispozitsiyasida aniq ko‗rsatilgan bo‗lsa, shaxsni javobgarlikka 
tortishda jinoyat aynan dispozitsiyada ko‗rsatilgan joyda sodir etilganligi 
aniqlanishi lozim.
Jinoyat sodir etilgan joy mazkur tushunchaning ikki o‗zaro bog‗liq 
jihatlaridan kelib chiqib aniqlanishi lozim. Keng ma‘noda – u yoki bu davlat 
yurisdiktsiyasi amal qiladigan hudud, kenglik. Tor ma‘noda jinoyatni 
kvalifikatsiya qilishga va jinoiy javobgarlik hamda jazoni individullashtirishga 
ta‘sir qiladigan bevosita moddaning dispozitsiyasida ko‗rsatilgan hudud. 
Qator jinoyat-huquqiy normalar dispozitsiyada obyektiv tomon belgilari 
orasida jinoyat sodir etilgan joy deganda aynan jinoyat sodir etilgan hudud 
tushunilishi ko‗rsatilgan. Jinoyat sodir etish joyi agar u alohida ko‗rsatilgan bo‗lsa, 
qilmishni kvalifikatsiya qilishga ta‘sir qiladi. JKning 194-moddasi (atrof tabiiy 
muhitning ifloslanganligi to‗g‗risidagi ma‘lumotlarni qasddan yashirish yoki buzib 
ko‗rsatish) ikkinchi qismida jinoyat sodir etish joyi (qo‗riqxona hududi, ekologik 
halokat hududi yoki favqulodda ekologik vaziyat yomonlashgan joy) kvalifikatsiya 
belgisi sifatida ko‗rsatilgan.