Тошкент Давлат техника

Таъмирлаш материалини ўрнатиш. Тўғридан-тўғри маҳаллий шикастланишларни тўлдиришда таъмирлаш материали покришканинг ички томонидан қўйилади.
Тозаланган каркасга муайян ўлчамга тўғри келувчи корд қатлами қўйиб чиқилади. Корднинг биринчи қатлами тагига вулканизацияланмаган резина қатлами, ҳар бир қатламнинг четига қатламланган вулканизацияланмаган резина тасма қўйиб чиклллади. Ҳар бир қатламнинг ипи корд каркаси ипининг йўналишига мос тушиши лозим. Протектор томонидан кесилган участка, вулканизацияланма­ган протектор резинаси қатламлари билан тўлдирилади. Қўйиладиган таъмирлаш материаллари вулканизация пайтида сифатли прессланиши учун протекторлар 6 — 8 мм чиқиб туриши лозим. Таъмирлаш материалининг ҳар бир қатлами қўйилганда материалнинг зич ётиши ва ҳаво пуфакчаларини чиқариб юбориш учун унинг устидан ролик юргизиб чиқилади. Қўйиладиган таьмир материаллари орасида ҳаво қолиб кетса, материал қатламини бигиз билан тешиб, ҳаво чиқариб юборилади ва бу участкада яхшилаб ролик юргизилади.
Шикастланган тайёрланган участкаларга тўғридан-тўғри манжетлар қўйиб кучайтирилади. Улар яроксиз шина каркасидан кесиб олинади, Бу мақсадда шинадан бортлар кесиб олинади, чиғир ёрламида протектор ва каркаснинг ёнлари кўчириб олинади. Сўнг каркаснинг ярокли участкаларидан керакли ўлчамда манжетлар кесиб олинади. Манжет четлари бурчак остида кесилади. Манжетлар ғадир-будурланади, елим суртилади, қуритилади. Манжет тагига қатлам резина қўйилади, унинг ўлчами манжет ўлчамидан 10 — 15 мм га катта бўлииш лозим. Манжет контури бўйича кенглиги 20 — 30 мм бўлган қатлам резина тасма қўйилади. Протектор томондан тайёрланган участка вулканизацияланма­ган протектор резинаси қатламлари ёки яроқсиз протектор резинаси бўлаклари билан тўлдирилади. Протектор бўлаги тагига бир неча катлам вулканизацияланмаган протектор резинаси қўйилади.
Покришка бортининг тайёрланган участкалари икки қатлам корд ва бир қатлам борт ўзакни қамраб олувчи борт газлама билан тўлдирилади. Ташқи томондан материалга вулканизацияланмаган протектор резина қатлами, ички томондан эса тайёрланган манжет қўйилади.
Янги протектор ўрнатишда елим суртилиб, қуритилган покришка юзасига дастлаб қаватли резина қатлами, сўнг қуритишда профилланган, вулканизацияланмаган протектор резинаси ўрнатилади, ва устидан роликлар юргизиб чиқилади. Материаллар ётқизилганда, унинг сурилмаслиги, қатланиб қолмаслиги, қатламли резина тагида ҳаво пуфакчалари қолмаслиги лозим. Шундан сўнг таъмир материаллари вулканизацияланади.