Тошкент – 2016 Тожиев М

Дидактиканинг илмийлик тамойили. Мазкур тамойил таълим тизимида ўрганиладиган математика фани:
мазмунининг илмий бўлиши;
математиканинг ҳозирги аҳволи ва унинг ривожланишини объектив акс эттиришни;
таълим мазмуни ва уни ўқитиш усуллари ҳозирги замон математика фани савияси ва талабларига мос келишини таъминлаш ўз ичига олади.
Илмийлик тамойилида математик тушунча ва ҳукмларни ифодалашда илмий нуқтаи назардан ёндошиш талаб этилади. Шунингдек, мазкур тамойили ҳар бир математик ҳукм асосланган бўлса ҳам исботланган деб қарамаган ҳолда унга танқидий нуқтаи назардан ёндошиш, таъриф ва теоремаларни бир-биридан ажрата олиш каби услубий жиҳатларга эътибор бериш талаб этилади.
Масалан.

1. 
   Бирор тенгламанинг ечимлар тўпламини аниқлашда рационал сонлар тўпламидан кенг бўлган ҳақиқий сонлар тўплами ёки ҳақиқий сонлар тўпламидан кенг бўлган комплекс сонлар тўплами мавжудлигини ўқувчиларга таъкидлаб ўтиш мумкин.
   
2. 
   Соннинг нолинчи даражасини тенглик кўринишда ёзилиши таъриф эканлиги ва улар исботланмаслигини таъкидлаш мумкин.
   
3. 
   Турли масалалар ечимларини тавсифлашда уларнинг кундалик амалий ҳаётга мос келиш ёки келмаслигини аниқлаш мумкин. Бу орқали математика фанини инсон кундалик ҳаётида амалий қўланилишини очиб бериш имконини яратади.
   

Дидактиканинг тарбиявийлик тамойили. Мазкур тамойилга асосланган ҳолда математик таълим жараёнини ташкил этиш ўқувчиларда:
зийраклик, топқирлик, ақллилик каби инсоний хислатларини;
иродалилик, чидамлилик, сабр-тоқатлилик, пухталик, аниқлик, ватанга муҳаббат, ростгуйлик, мехнатсеварлик каби инсоний фазилатларини;
математика фанини ўрганшга бўлган қизиқишларини ошириш;
мустақил билим олиш малака ва кўникмаларини шакллантириш ва уни янада ривожлантириш;
математик тушунча ва тасаввурларни шакллантириш орқали математик тафаккурини шакллантириш;
фазовий тасаввурлариникенгайтириш орқали хотира ва диққатини ривожлантириш;
ижодий тафаккурини тарбиялаш кабиларни амалга ошириш имкониятларни оширади.