Topografik anatomiya o‘zbekiston Respublikasi Oliy va o‘rta maxsus ta’lim vazirligi N. H. Shomirzayev

Til osti suyagi pastki sohasi, regio infrahyoidea
Soha yuqoridan til osti suyagidan o‘tkazilgan gorizontal chiziq, pastdan –
to‘sh o‘yig‘i, yon tomonlardan – to‘sh-o‘mrov-so‘rg‘ichsimon muskullarining old-
ingi qirrasi bilan chegaraladi.
Terisi yupqa, harakatchan, oson cho‘ziladi. Sohaning o‘rta qismida asosi
pastga qaragan uchburchak shaklidagi teri osti muskuli bilan qoplanmay qolgan
joy bor.
Birinchi va ikkinchi fassiyalar orasida yuza vena va nervlar joylashgan:
vv.jugulares anteriores to‘sh-o‘mrov-so‘rg‘ichsimon muskullari oldingi qirrasi
bo‘ylab o‘tadi, v.mediana colli esa o‘rta chiziq bo‘ylab; teri nervlari n.cutaneus
collining tarmoqlari bo‘lib, deyarli ko‘ndalang joylashadi.
Ikkinchi fassiya va to‘sh usti kletchatkasi orqasida to‘rttala (har ikki tomon-
dan) hiqildoq oldi muskullari uchun g‘ilof hosil qiluvchi uchinchi fassiya joy-
lashadi. Bu muskullar til osti suyagidan pastda joylashgan bo‘lib, ular quyidagi-
lardir: mm.sternohyoideus, sternothyreoideus, thyreohyoideus, omohyoideus.
Muskullar ikki qatlamni hosil qiladi: yuza qatlamda, medial tomonda
m.sternohyoideus (uzun va tor), lateral tomonda - m.omohyoideusning yuqori qorin-
chasi joylashadi. Ikkinchi qatlamda m.sternothyreoideus (m.sternohyoideus dan
kengroq), undan yuqorida m.thyreohyoideus joylashadi. Hamma to‘rttala muskul
ansa cervicalis tarkibida keluvchi bo‘yin chigalining tarmoqlari yordamida in-
nervatsiyalanadi.
Aytib o‘tilgan muskullar ostida fascia endocervicalisning pariyetal varag‘i,
spatium previscerale va fassiyaning visseral varag‘i joylashadi. Ularning ostida

---

141
ichki a’zolardan hiqildoq, kekirdak, qalqonsimon bez (qalqonsimon orqa bezlari
bilan), halqum, qizilo‘ngach joylashadi.