Tema: O’zbekistan Resublikasinin’ makroekonomikaliq ko’rsetkishleri analizi

Tema: O’zbekistan Resublikasinin’ makroekonomikaliq ko’rsetkishleri analizi

Jobasi:

1. 
   Kirisiw
   

2. 
   Tiykarg’i bo’lim:
   

1. 
   Ma’mlekettin’ makroekonomikaliq jag’dayin sa’wlelendiriwshi ko’rsetkishler
   
2. 
   Tiykarg’i makroekonomikaliq ko’rsetkishler ha’m olardi esaplaw usillari
   
3. 
   O’zbekistan Respublikasinin’ 2021-jildag’i tiykarg’i makroekonomikaliq ko’rsetkishleri analizi
   

3. 
   Juwmaqlaw
   

Kirisiw
Temanin’ aktuallig’i. Inflyaciya pátleriniń jılawlanıwı, mámleket byudjeti deficitligin tán alınǵan normalarlardan da tómen dárejede bolıwın támiyinleniwi respublikamızda alıp barılıp atırǵan makroekonomikalıq siyasat natiyjeliliginen derek berip g’ana qalmastan, ekonomikamızǵa kirgiziletug’in investiciyalar kóleminiń asıwı, tovarlar hám xızmetler islep shıǵarıwdı keńeytiw hám de xalıq real dáramatların ósiriwdiń zárúrli shárti bolıp tabıladı. Makroekonomikalıq turaqlılıq hám jalpı óndiristiń joqarı ósiw pátlerin támiyinlew arqalı xalıqtıń turmıs párawanlıǵı dárejesin ósiriw mámleket ekonomikalıq siyasatında bas maqset bolıp esaplanadı. Zamanagóy rawajlanıw processleri ekonomist kadrlardan makroekonomikalıq teoriya hám eń zamanagóy makroekonomikalıq konsepsiyalar menen jaqsı tanıs bolıwdı, makroekonomikalıq analiz ilimiy tájriybesine, teoriyalıq bilimlerdi ámeliyat penen biriktiriw kónlikpelerine ıye boliwdi talap etedi. Usı sebeptende makroekonomikalıq processlerdiń keshiwi nizamlıqların, makroekonomikalıq mashqalalardi makroekonomikalıq siyasat júrgizgen halda olardı sheshiw jolların túrli modeller jardeminde logikalıq izbe-izlikke ámel ete otırıp analiz qılıw aktual wazıypa bolıp tabıladı.
Makroekonomikalıq analizdiń maqseti - ulıwma kórsetkishler maǵlıwmatlarınıń ózgeriwine anıqlama beriw hám mámleket shólkemlerine hám de jámiyetlik shólkemlerine ekonomikalıq wazıypalardı sheshiwde hám ekonomikalıq jaǵdaydaǵı ku’tilmegen ózgerislerge munasábet bildiriwde jol kórsetiwden ibarat.