Tema: Básekilesiwshi firma hám tarmaqtıń uzaq múddetli aralıqtaǵı teńsalmaqlıǵı hám tarmaq usınısı

2-súwret. Masshtab nátiyjeliligi asǵanda hám qısqarǵanda uzaq hám qısqa múddetli aralıqlarda ortasha qárejetler grafigi

Firma hár qanday berilgen óndiris quwatınan ulıwma hám ózgeriwsheń minimallastıradı. Sonıń ushın da uzaq múddetli ortasha qárejetler (LAC) grafigi qısqa múddetli aralıqta ortasha qárejetler grafigi bir-birine tutastırıw arqalı qáliplestiriledi.

Uzaq múddetli aralıqta tarmaq quramındaǵı firmanıń teńsalmaqlıq jaǵdayı bazarda qáliplesken baha P_e niń usı firmanıń ortasha qárejetleri minimumina teń ekenligi menen belgilenedi: .

3-súwret. Básekilesiwshi firmanıń uzaq múddetli aralıqtaǵı teńsalmaqlıq jaǵdayı (E-teńsalmaqlıq toshka)

Firmanıń ekonomikalıq paydası uzaq múddetli aralıqtaǵı teńsalmaqlıq jaǵdayında nolge teń bolǵanı menen óziniń qoyǵan kapitalına qaray real normal payda aladı.

2. 
   Tarmaqtıń teńsalmaqlıq jaǵdayı hám tarmaq usınısı
   

Uzaq múddetli aralıqta tarmaqtıń tipik wákili bolǵan firma óz paydasın maksimallastırıw ushın uzaq múddetli shekli qárejet ónim bahasına teń bolıwı kerek: (4-súwret).

4-súwret. Uzaq múddetli aralıqta básekilesiwshi firmanıń óndiris kólemin tańlawı

Firmanıń paydası óndiris kólemi Q_e ǵa teń bolǵanda maksimal boladı hám P_eCFE tórtmúyesh maydanına teń. Óndiris kólemin Q_e den asırıwı yaki kemeytiriw firmanıń ulıwma paydasın qısqartadı.

Tarmaqda uzaq múddetli teńsalmaqlıq jaǵdayına erisiledi, eger ónim bahası P₀ tarmaqtıń tipik wákili bolǵan firmanıń uzaq múddetli ortasha qárejeti minimumǵa teń bolsa: (5-súwret).
Firma nolge teń ekonomikalıq payda alǵanda, onda tarmaqdan shıǵıp ketiwdiń keregi joq, basqa firmalardıń da tarmaqǵa kirip keliwinen de máni joq. Uzaq múddetli teńsalmaqlıq jaǵday tómendegi ortasha shárt orınlansa júz beredi. Birinshiden, tarmaqdaǵı barlıq firmalar óz paydaların maksimallastıradı. Ekinshiden, hámme firmalar nolge teń ekonomikalıq payda alǵanı ushın hár bir firma tarmaqǵa kiriwinen hám onnan shıǵıwınan mápdar emes. Úshinshiden, ónimniń bahası ulıwma usınıs hám ulıwma tutınıw talabına teń.