Tashkilot xodimlarini boshqarish

TASHKILOT XODIMLARINI BOSHQARISH

• Jamoaning rivojlanish bosqichlari.
• 1. Jamoaning shakllanish bosqichi bu mo’ljal, yo’nalish belgilanadigan va ishtirokchilar bir-biri bilan tanishadigan vaqtdir. Jamoa a‘zolari o’rtasida ishonchsizlik muzi eriydi, ular do’stona munosabatlar o’rnatish imkoniyatini izlaydilar. Aynan shu davrda ularning har biri qanday xulq-atvor ko’rinishlari boshqalar uchun maqbul ekanligini aniqlaydilar. Ushbu bosqich yuqori darajadagi nohaqlik bilan farq qiladi, ishtirokchilar odatda ularga rasmiy yoki norasmiy liderlar taklif qiladigan har qanday vakolatlarni o’z zimmalariga oladilar. Ular jamoaga tobe bo’ladilar va ulardan nimani kutayotganliklarini va bu yerda qanday qoidalar amal qilishini tushunib olgunlariga qadar tobe bo’lib qolaveradilar. Shakllanish bosqichida jamoa lideri qatnashchilarga bir-birlari bilan tanishish uchun vaqt berishi va norasmiy muloqotlarda ishtirok etishga undashi kerak.

• TASHKILOT XODIMLARINI BOSHQARISH

• 2. Jo’sh urish, qaynash bosqichi. Keyin jo’sh urish va qaynash bosqichi keladi, unda jamoa a‘zolarining shaxsiy sifatlari namoyon bo’ladi. Ular o’zlarining rollariga tasdiqlanadilar, ulardan nimani kutish mumkinligini namoyish qiladilar. Bu yerda nizo va ixtiloflar yuzaga keladi. Guruh a‘zolari jamoadagi pozitsiyalari uchun kurasha boshlaydilar, ichki koalitsiyalarni tuza boshlaydilar. Masalan, qatnashchilarning yarmi jamoaning asosiy maqsadi va unga erishish usullari borasida jamoaning ikkinchi yarmi bilan kelisha olmay qolishi mumkin. Jamoa hali yaxlit bir butun bo’lolmaydi, unga birdamlik va jipslik yetishmaydi. U ixtiloflarni yengib o’tmaguniga qadar unumdorligi past darajada qolaveradi. Bu vaqtda jamoaning lideri barcha qatnashchilarni boshqaruvda ishtirok etishga undashi kerak. Guruh a‘zolarining o’zlari g’oyalarini taklif etishlari, mumkin bo’lgan yechimlarning variantlarini muhokama qilishlari, munozarali masalalarni, ayniqsa jamoaviy maqsadlarga tegishli masalalarni ishlab chiqishlari lozim.

•