Atmosfera bosimi ostida suv 100 °C qaynaydi. Suyuqlik atrofidagi bosimni kamaytirish uning kichikroq temperaturada qaynab bug’lanishiga olib keladi

Atmosfera bosimi ostida suv 100 °C qaynaydi. Suyuqlik atrofidagi bosimni kamaytirish uning kichikroq temperaturada qaynab bug’lanishiga olib keladi. Vakum ostida (bosim 40 mbar atrofida), qaynash nuqtasi taxminan 30 °C ga tenglashadi. Qaynash temperaturasini tushirish aralashma komponentlarining yemirilishi va qurum hosil bo’lishini sezilarli darajada kamayishiga olib keladi.

Vakuum nasosi (7) va Venturi injektori (5) vakum hosil qilishga xizmat qiladi. Qurilma ichidagi vakuum ko’rsatkichi kerakli qiymatga yetgach, tozalanishi kerak bo’lgan aralashma sig’im (8) dan vakuum yordamida filtr (9) orqali so’rib olinadi. Olingan aralashma qaynatish kamerasi (2) da isitiladi.

Jarayon kechishi uchun kerak bo’ladigan issiq va sovuq muhit o’rnatilgan issiqlik nasosi (1) yordamida hosil qilinadi. Issiqlik nasosi kompressor va sirkulyatsiyalanadigan issiqlik tashuvchi agent (xladagent) dan tashkil topgan.

Kompressor (1) gaz aralashmasi (xladagent) ni siqib uni 70 °C haroratgacha isitadi. Siqilgan gaz qizdirish kamerasidagi zmeyevik orqali haydaladi va u o’z issiqligini bug’lanuvchi aralashmaga beradi.

Suyuq aralashma (ifloslangan suv) qaynatish kamerasi (2)da harorati 30 °C ga yetishi bilan qaynashni boshlaydi. Bu distillyatsiyalashning birinchi bosqichi bo’lib, bunda suv suyuq fazadan gaz fazasiga o’tdi.

Qaynatish kamerasidagi zmeyeviklar orqali o’z issiqligini bergan xladagent kerak bo’lgan taqdirda ventilyatorlar (12) yordamida yana harorati tushirilib, sovutish kamerasi (3) ning zmeyeviklariga kelib tushadi va u yerda kengayib, o’zidan sovuqlik chiqaradi.

Qaynatish kamerasida hosil bo’lgan suv bug’i yuqoriga, sovutish kamerasiga qarab intiladi va u yerdagi zmeyeviklarning sovuq yuzasi bilan kontaktga kirib suyuqlikka aylanadi.

Sovutish kamerasida hosil bo’lgan suyuqlik Venturi injektori (5) yordamida so’rib olinib, distillyat uchun sig’im (4) ga yuboriladi. Jarayonning vakuum ostida aylanishi hech qanday nasossiz hosil bo’ladigan distillyatni sig’imga yuborish imkonini beradi.

Qaynatish kamerasining pastki qismida hosil bo’ladigan konsentrat chiqarib yuborish nasosi (6) yordamida sig’im (10) ga yuboriladi.


Vakuum bug’latish texnologik tizimi: 1- issiqlik nasosi; 2-qaynatish kamerasi; 3-sovutish kamerasi; 4-distillyat uchun vakuum sig’im; 5-Venturi injektori; 6- konsentrat chiqarib yuborish nasosi; 7-vakuum nasos; 8-aralashma saqlanuvchi sig’im; 9- filtr; 10-konsentrat saqlanadigan sig’im; 11-distillyat saqlanadigan sig’im; 12-sovutish ventilyatorlari.