Tashkilot xodimlarini boshqarish

TASHKILOT XODIMLARINI BOSHQARISH

• Qo’mita qoida bo’yicha uzoqroq faoliyat ko’rsatadigan hosila hisoblanadi va ko’p holda tashkiliy tuzilmaning doimiy qismiga aylanib qoladi. Qo’mitaga a‘zolikni odatda tajribadan ko’ra xodimning lavozimi ko’proq belgilab beradi. Qo’mita a‘zosidan ko’pincha maxsus guruhning a‘zosidan farq qilgan holda bo’linmaning rasmiy vakili funksiyasini bajarish talab qilinadi: undan birinchi galda aniq vazifalarni hal qilish ko’nikmalarining mavjudligi talab etiladi. Qo’mitalar muntazam ravishda vujudga keladigan muammolar bilan ishlaydilar. Masalan, shikoyatlar bo’yicha qo’mita ishlovchilarining shikoyatlarini ko’rib chiqish bilan shug’ullanadi, maslahat qo’mitasi mehnatni tashkil etish va unga haq to’lash bo’yicha maslahatlar beradi, mehnatni tashkil qilish qo’mitasi ishchi topshiriqlarning tarkibini va bajarish qoidalarini ishlib chiqishi mumkin.

• TASHKILOT XODIMLARINI BOSHQARISH

• Maqsadga yo’naltirilgan jamoalar. Ba‘zan loyiha jamoalari, deb ataluvchi bunday jamoalar rasmiy tashkiliy tuzilmadan tashqarida yaratiladi. Ular alohida ahamiyat kasb etuvchi yoki ijodiy qadr-qimmatga ega bo’lgan loyihalarni amalga oshirish uchun tuziladi. Maqsadga yo’naltirilgan jamoalar o’z sa‘y-harakatlarini aniq vazifalarni bajarishga qaratadi va ularni bajarish ustida ishlar nihoyasiga yetganidan so’ng ular tarqatib yuboriladi. Maqsadga yo’naltirilgan jamoa tashkilotning bir qismi bo’lib hisoblanadi va o’zining xususiy hisobdorlik tuzilmasiga ega, ammo bunday jamoada ishlaydigan mutaxassislar o’zlarini mustaqil tashkiliy birliklarning a‘zosi hisoblaydilar.
• O’z-o’zini boshqaruvchi jamoalar. Jamoalarga quyi daraja ishlovchilarini birlashtirish ularni qarorlarni qabul qilish jarayoniga, jumladan, o’z ishiga oid topshiriqlarni bajarishlariga jalb qilish uchun amalga oshiriladi. Pirovard maqsad-unumdorlikni oshirishdir. Ishlovchilarni jalb qilish dastlab oddiy shakllarda – axborot almashinuv yoki ishlab chiqarish jarayonini yaxshilash imkoniyatlari borasida so’rov o’tkazish ko’rinishida ro’y bergan. Ammo sekin-asta ishlovchilar ko’proq avtonomiyaga ega bo’la boshlagan, buning oqibati o’laroq o’z-o’zini boshqaruvchi jamoalar yuzaga kelgan.

•